عدد النقاط : 18
الحمدلله أنا حاجز أوريون وفي انتظار وصولها بفارغ الصبر .... وما حجزتها إلا عن اقتناع .... من قبل 6 شهور حجزت أفالون ... وانتظرتها 3 شهور والصراحة من يوم ماحجزتها مادري ليش كان قلبي ناغزني ... وما كنت مقتنع 100% ... وأول ما وصلت... كنسلتها ... والصراحة ارتحت ... وقلت ان شاء الله بشوف سيارة ثانية واللي فيه الخير ان شاء الله يصير .... المهم ... نزلوا الأوريون في الخليج ....... فكان إعجاب .... فـحـــب .... فعـشـــق ... فهـيــام ... (وآخرتها أوريون .... اللي يسمع يقول مايباخ .... هههههه) بيت القصيد .... ان مواصفات السيارة اللي كنت أبيها .... 6 سلندر ... جير بأكثر عدد سرعات .... أوبشنز ... مثل السينسور (حساسات) ... ستارة ... بس تكون مخمــل ... فكانت الأوريون أفضل خيار ... لأنك اذا قارنتها مع مواصفات الأفالون عندنا ... الأفالون عندنا بدون حساسات وبدون ستارة ... وإذا كانت مخمل تجي بدون الفتحة ومفتاح عادي وبدون تخشيب ... من ناحية الشكل ... الأوريون شكلها رياضي وفخم بس مقبول ... يعني موب ذاك الشكل المميز ... بس الأفالون ... مادري أحس أنها حق شيـّـاب .... صح أحسن من الشكل القديم ألف مرة ... بس ما دخل مزاجي ... وفوق هذا سعر الأوريون أقل من الأفالون بـ 20 ألف .... فليش أدفع هالمبلغ وأنا مو مقتنع ... طبعا اذا كنت باخذ أفالون بااخذ الجلد عشان المواصفات ... الله يكتب لنا اللي فيه الخير ... ومشكور على طرح الموضوع أخوي ......