[كامري الخرج]

يا شباب انا ناوي اشتري كامري 2007 هل تنصحوني اني اشتريها مع العلم اني سامع ان خرابها كثير هل هذا صحيح رجاءا ردوا علي بامانة

[أبو عابد]

يــــــا اخوي توكل على الله واشتريها
انا يوم السبت مشتريها ما شاء الله تبارك الله تمام ما فيها شي ابدا
قوة وفخامة ورساوة
ومبروووووووووووك مقدما

[أبونجوم]

توكل على الله

[رقعان]

يا أخي كامري الخرج ..توكل على الله واشتريها ..
وما عليك من كلام الناس ..أي سيارة تنزل جديدة يحطون فيها عيوب ومشاكل وهي مافيها شي..
وبعدين هذي كامري أكثر سيارة اعتمادية في المملكة وفي كثير من دول العالم وشركتها تويوتا الغنية عن التعريف.. يعني ما يحتاج تسمع كلام الناس لأنك لو سمعت كلامهم ما راح تشتري سيارة أبدا (كامري أو غيرها) وتقبل تحياتي .. وأي خدمة ترى احنا حاضرين..

[الجنتل مان]

توكل على الله انا شاريها لها معاي تقريبا شهر ومسافر فيها من المدينة لطائف وماشاء الله ماشوفت من لعيوب اللي ذكرت شي ماعدا الحذفه وهاذي امرها بسيط جدا

[مهبول ربع]

يا هيه ياكامري الخرج

الكامري لا تشريها لا تشريها

طقلك ربع ولا شاص والولد عاص

يطربك بالحيل

[متعاون]

يا أخ كامري الخرج

توكل على الله وخذ كامري 2007 السيارة ممتازة ومتطورة

والسيارة خالية من العيوب ما فيها إي من الاشاعات إلي تسمع عنها

أنا معي كامري 2007 فضي GLX ((مجرب))

[صرموح]

المشاركة الأصلية كتبت بواسطة متعاون

يا أخ كامري الخرج

توكل على الله وخذ كامري 2007 السيارة ممتازة ومتطورة

والسيارة خالية من العيوب ما فيها إي من الاشاعات إلي تسمع عنها

أنا معي كامري 2007 فضي GLX ((مجرب))

اشدعوه خالية من العيوب

ذكرتني بخالي من الكحول ههه

الزبدة فيها بعض العيوب البسيطة وهي حظوظ تطلع معك ولا لا بس عموماً حتى لو العيوب موجودة تتعدل مثل الحذفه والتنسيم وزي كذا يعني

انا اقول ماراح تتحسف لأنه موتر

[الوريث]

السيارة ما رح تلقى مثلها بسعرها.. وسجل عند..

أولاً: أكبر شركة سيارات بالعالم في عام 2007 اكتسحت شركة فورد وحطتها على جنب لتتربع على القمة.
ثانياً: أفضل سيارات ليس في العالم فقط ولكن بدول الخليج خاصة بسبب درجات الحرارة العالية.
ثالثاً: أفضل وكيل بالسعودية.
رابعاً: أفضل سيارات تجيب لك سعر عند البيع.
خامساً: أفضل سيارات في السعودية بسبب المطبات والحفر.
سادساً: أفضل كامري صنعت حتى الآن عن كل الكامريات الماضية في كل شئ.
أخيراً: السيارة شريتها وماشية للآن 25 ألف وممتاااااااااااااااااااااااااااااااااازة.

وعشان تكون بالصورة.. كل النقاط اللي ذكرتها فوق تحديداً حازت التويوتا على رقم واحد فيها وتفوقت فيها على الألماني والرولز والمرسيدس والبي إم والفيراري...إلخ بالعربي ما رح تلقى شركة بالعالم تجيب لك سعر بعد البيع أو تتحمل مطابتنا وحفرنا أو تتحمل أجوائنا أو وكيل ممتاز مثل التويوتا..

خذها وكبر المخدة ولا يهمك كلام الحساد وكلام الشريطية وكلام أعداء التطور.. يا رجال حتى الوندوز لما نزل قالوا عليها تعبان الوندوز القديم أفضل!! والشبح لما نزل قالوا عليه تعبان اللي قبل أفضل.. والفياغرا لما نزلت قالوا تعبانة الشبح أفضل والحوت أمس شايف موضوع عليه نزلوه تحت الأرض وخلوه ما يسوى ريال.. أبو كذا جهل وتخلف..


أقول خذ السيارة بس وما عليك

ومبروك مقدما

[وحيدالحي]

توكل على الله وخذها موتر يعجبك صدقني ماراح تندم انا ماشوف فيها الا الحذفه لاكن خفيفه مره
يمكن ماتحس فيها بعد والله يوفقك ونصيحه استخر ربك قبل اي شي
( دمتم بود )

[أبونجوم]

توكل على الله

[كويتاوي_حلو]

توكل على الله واشترها مافيها اي عيوب وماعليك من كلام الغير ومبروك مقدماااااا
والله يعطيك خيرها ويكفيك شرها

[الشمااااالي]

الوريث صدقت بكل اللي قلته إلا هذي
ثالثاً: أفضل وكيل بالسعودية.
أسمحلي فيها !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!

[العـــبري]

إشتري وتوكل على الله ..أنا إستخدمتها صار لي مده والمشاكل اللي ذكروها البعض ما أعتبرها شي

[هلالي شقراوي]

توكل على الله طق وانت مغمض

[كامـ دحوم ـري]

اخوي تبي نصيحتي توكل على الله وخذها انا استاجرت وحده اشوف مافيها شي نقص عن الي قبلها

خراباتها انا اشوف فيها حذفة والثانية انها اضعف من الي معاي ( 2003)

بس هذي امرها سهل بس خذها

وش تبي تاخذ غير الكامري اكورد2004 الاصطب الخلفي الواحد الي بالشنطة بالوكاله بـ 490
والكامري 2006 الاثنين سعرته قبل ماتنزل 2007 بـ 320 شوف الفرق


ومرني اطلع معاك ابي اكشخ فيها وماخاب من استشار

[حبيتك يا كامري]

الله اكبر
عالم على الكامري
توكل على الله
ولا يهمك كلام الناس فيها وما فيها
معي كامري 2007 glx ذهبي ولا في احسن منها ما شالله مركب ورساوة وقوة وفخامة وش تبي غير كذا
ماشي عليها 7000 ولا لاحظت عليها شي بس نصيحة اول متطلعها بتلقاها فاضية بنزين لا اوصيك لا تعبي الا 95 ومبروك مقدماً
الله يعطيك خيرها ويكفيك شرها

[غـيـر الـنـاس]

توكل على الله ولاتنسى صلاة الأستخاره ::.

تقبل مروري ::.