[الـــراقـــي]

كيف حالكم يااصحاب الافالون

الموضوع باختصار اني وبعد ماكملت الفلوس رحت اشتري الافالون وبراسي الاسود
المشكله اني قطعت المعارض ماحصلت اسود جديد
والوكاله ماعندهم
واخر شي رحت الكفاح الي هو وكيل لعبداللطيف جميل
وكان عنده ليمتد لونها اسود معروضه
هنا انا خفق قلبي وقلت بس هذي هي الحين اخلص عليها
ويوم اروح اكلمهم اشرلي الموظف على الجهه الثانيه وقالي هذاك الرجال توه خالص عليها
سئلته في غيرها قالي اذا حجزتها الحين احتمال تجيك مابين اسبوع الى عشرة ايام
طبعا الرجال مصري واعرف ان العشرة ايام معناها عشرين

المهم شباب شالحل انا بصراحه مستعجل ع السياره وماسكه عندي على الاسود مع العلم اني من سكان الاحساء فاذا احد خابرلي بالشرقيه بشكل عام لايخلي

تحياتي

[وااوأفالون]

الحل توكل وخذا فضي

[ي ا س ر]

شوف يالراقي اذا انت صامل وتبي من عبداللطيف من عندنا بالرياض انا اعرف لك موضف فيها ممكن يدبر لك وحده سودا باقرب وقت عن طريقه اذا تبي ابشر اخدمك انا
تحياتي

[مخاوي لكزس]

رح لفرع الشرقيه وانشب لهم في (حلوقهم) لانه انا يوم جيت اطلع سيارتي الكامري قالولي خلصت الالوان ويوم جا ولد خالتي قالهم ابي بحري فالو ما فيه نشبلهم مثل ما قلتلك ولقوله وحده في جده

[الحـ(درب)ـب]

تعال عندنا بالدوحة
أفالون 2006 سوداء
ليميتد ماشية 30.000
90.000 ريال قطري
يعني حوالي 92000 ريال سعودي
قابل ينزل السعر


كلها 200 كيلو وأنت عندنا بالدوحة
تعال خاص لمزيد من التفاصيل اذا انت حاب

[المهذب]

يا عمي اطلع معارض الرياض وإلا جدة
وحتلاقي بالراحه

[الـــراقـــي]

يعطيكم الف عافيه

اخوي ياسر الموظف الي تعرفه كيف بيخدمني انا في الحسا وهو في الرياض يعني ماراح يستفيد شي
اما اذا انه بينزلها لي الوكاله في الحسا شي ممتاز بس كان ودي اخذها من برا الوكاله عشان يكون سعرها ارخص واستفيد من الفرق بأني اسوي تأمين شامل للسياره ولا شرايك
على العموم اليوم بروح للوكاله واودي معاي الكاش وانشب لهم اذا مافي فايده بقولك وانت شكلك (( واسطه وبتظبطنا ))

وبالنسبه للافالون المستخدم في الدوحه
يعطيك الف عافيه اخوي الحـ (درب) ـب بس ودي بجديده


يعطيكم الف عافيه شباب وانشالله الافالون جايه هالاسبوع

[فرحة لقانا]

عزيزي انشب لعبد الطيف جميل

خاصة بالنسبة للالون يدبرلك من اي فرع ثاني من الرياض من الشرقية من جدة اهم شيء يطلعلك لون

لان صارت معنا هالسالفة لاندكروزر Gxr_j جابة من جدة للرياض على سطحة طلبنا اسود قال موجود

وبعدها قالو خلص نشبنا لهم لين جابوة من جدة .

[أفالون خاص]

جرب اتصل على رقم تويوتا المجاني 8002444400
يرد عليك مندوبين مبيعات من المركز الرئيسي بجدة وانا ما جربت اشتري عن طريقهم لكن على كلامهم يحجز لك السيارة اللي تبي وتحدد الفرع اللي تبي تستلمها عن طريقه في أي مكان بالمملكة وحتى الدفع تقدر تحول لهم وترسل لهم الإيداع بالفاكس .. يمكن تحصل عندهم اللون اللي تبيه

[جودالفهد]

يا خوي معارض الرياض مليانه

113000ريال

رح اليوم العصر وبكره الصباح ارجع بها

[الـــراقـــي]

ابشركم شباب اتفق مع واحد من المعارض بيجيبها لي خيرته بين اللؤلؤي والاسود والي بيجي اول باخذه باذن الله
ومشكورين على تعاونكم ونصايحكم
بس ماقلتولي المعرض بيجيبها لي بـ 114 الف شرايكم السعر زين ولا