[رومنسية البدر]

السلام عليكم ورحمة الله وبركاته
كثر الجدال عن مستوى تبريد مكيف الأفالون 2006 وما بعد والأوريون والكامري 2007 ..
ومثل ماتعرفون مكيف الكامري 2002 وماقبل كان مكيف جباااار بمعنى الكلمه ..لكن قلت كفائته في مديل 2003 - 2007 والسبب .؟.؟.؟.؟.؟.؟.؟.؟.؟.؟..؟.؟.؟.؟.؟.؟.؟.؟.؟.؟.؟.؟.؟

بعد صلاة الجمعه .. سرحت بالتفكير شوي .. قلت ليش الكامري القديمه مكيفها ثلج .. والجديده مو ذاك التبريد .. وكذلك الأفالون..

فقلت شنو الإختلاف اللي حدث.. فكرت بفلتر التكييف اللي حطوه بالكامري 2003 خلف الدرج الأمامي ونزل في الأفالون الجديده والكامري والأوريون ..

قلت طيب .. بسوي تجربه واتأكد هل المشكله بالفلتر .. أو أن الكمبرسر حق تويوتا تغير .؟ أو مثل ماقالوا بعض الإخوان أن سبب عدم كفائت التبريد في الأفالون هو الصناعه الأمريكية.؟

المهم يا إخوان ركبت السياره .. فتحت الدرج الأمامي ..
وطلعت الفلتر ..
خليت السياره بدون فلتر .. وسكرت الغطاء .. وسكرت الدرج ..

بعدها دقيت السياره سلف .. وشغلت المكيف ..
وطلعت افتر على السياره عشان اشوف الفرق عدل

النتيجه :

قوة ضغط عاااااااااااااااااااليه .. تبريد جبااااااااااااااااااااااااااار والله جباااااااااار ياجماعه ..
احط ايدي على المكيف .. احس إنها تبي تتجمد .. تذكرت مكيف سيارتي الكامري 2002 ..

ماشاء الله ..

المهم خليت السياره بدون فلتر المكيف تقريبا نصف ساعه
احس صدري ثلج من قوة التبريد ..
عرفت المشكله الحين .. بس قلت اقدر اشيل الفلتر على طول من غير ما يأثر على السياره ..
اتصلت في ميكانيكي محترف .. قالي ماانصحك تخلي المكيف بدون فلتر .. لأن الفلتر يمسك الرمال والأتربه حتى لا تدخل للثلاجه وتخربها عليك ..

قالي إذا بتشيله لا تخليه فتره طويله .. يومين او ثلاثه .. وبعدها ركبه عشان تحافظ على سيارتك

هذي تجربتي اليوم مع المكيف

-------------------------------------

اللي يبي يجرب الطريقه

يفتح الدرج ويشيل الأغراض اللي فيه ..
بعدين يضغط عليه من الجنب ويسحبه تحت .. راح يتبطل .. راح تشوف قدامك غطا فيه كلبسين واحد يمين و واحد يسار .. اضغطهم بإتجاه بعض واسحب الغطا
راح تحصل الفلتر .. شيله وجرب الطريقه ..
وإذا بتنظفه .. انفخه بهواء فقط

بس ها ترى في سبرنق ( اللي يخلي الدرج يتبطل بهدوء ) على اليمين بعد ماتركب الفلتر وترد الدرج في مكانه .. يغثك على مايركب .. طلع روحي بصراحه على ماركب .. ف اللي مايعرف يركبه لا يغامر ..


حبيت اطرح تجربتي لكم لتعم الفائدة

وشكرا

تحياتي لكم
اخوكم
ابو عبدالله

[الهايم وهو نايم]

مشكووووووووور على العلومة الحلوة وعندي اقتراح ودي تعطني رايك فية ليش ماتركب فلتر كامري
2002

[رومنسية البدر]

المشاركة الأصلية كتبت بواسطة الهايم وهو نايم

مشكووووووووور على العلومة الحلوة وعندي اقتراح ودي تعطني رايك فية ليش ماتركب فلتر كامري
2002

للأسف مافيها فلتر ..
وإذا كان فيها فمكانه يختلف إختلاف جذري ..

[أ ف ا ل و ن]

التجربه الي سويتها يا " رومنسي البدر "

اثبت فيها كفاءة مكيف الأفالون وبالخصوص فلتر المكيف

بتقول فلتر المكيف هو سبب عدم قوة الهواء وبرودته ابي اقول لك صحيح لكن في المقابل حافظ على صحتك لانه يمسك الغبار الداخل بكفاءة عاليه و قلل من برودة المكيف الي ممكن تسبب لك امراض لنك جاي من مكان حار لمكان بارد
هذا هو استنتاجي من تجربتك الناجحه وممكن يكون صح وممكن يكون غلط



وتحياتي لك

[الحـ(درب)ـب]

مكتوب بالكاتلوج
لاتشغل المكيف بدون فلتر لأي سبب من الأسباب

اشرايكم

بس بصراحه مكيفها هاليومين غثني
وقلت انتظر تشيك 30.000
وبقولهم عن المكيف

[ابوفيصل]

يسعد مساك ابوعبدالله

اشكرك على التجربة الرائعة

وبما انك من الكويت اكيد الحرارة عندكم زي المنطقة الشرقية عندنا

يعني فوق 45 درجة مئوية

لكن سؤالي لك هل كنت موقف السيارة بالظل ولابالشمس قبل ما تسوي التجربة

لاني اليوم الجمعة كنت موقف السيارة بالشمس ويوم ركبت السيارة في الظهر

الحرارة كانت 47 والله لو تركبلها مكيف سبليت مابردت

اما بالنسبة للفلتر فزي ما قلك الاخ درب الحب تشغيل المكيف بدون فلتر

قد يسبب تلف شديد للمكيف ( حسب دليل المالك )

ولك تحياتي ويعطيك العافية عزيزي

[وااوأفالون]

ياشبــــــــــــــــــــــــــــــاب مشكله فلتر يتوسخ بسرعه

[& ابو فارس &]

مشكور يا بو عبدالله على التجربة

لكن زي ما قلت ماينفع تشغل المكيف بدون فلتر

المفروض يكون في تشييك مستمر على فلتر التكييف

لانه زي ماقال اخوي واو افالون يتوسخ بسرعة .

[وكراااوي]

المشاركة الأصلية كتبت بواسطة الحـ(درب)ـب

مكتوب بالكاتلوج
لاتشغل المكيف بدون فلتر لأي سبب من الأسباب

اشرايكم

بس بصراحه مكيفها هاليومين غثني
وقلت انتظر تشيك 30.000
وبقولهم عن المكيف

هلا اخوي

في قطر .. المكيف + التنسيم حلهم بالوكالة فب الصناعية فقط

انا موتري له 7 ايام الحين موديه تشييك ال30000 كم + يصلحون لي مشكلة التنسيم + يشوفون لي صرفة بالمكيف "تغيير فلتر ماني بمغير امعصي عليهم"

هو التشييك بصراحة خلصوه بثلاثة ايام .. بس قال لي ان اقشام التكييف + اعادة ميزانية التنسيم "اعترفوا لي انها غلط وعلى حسابهم" .. هاي القسمين عليهم ضغط شديد جدا ... قال لي كل قسم 3 او 4 ايام ...

الله يصبرنا عليهم .. وراهم لين انشوف اخرتها ...

[فهد اليوسف]

يعطيك العافية على المعلومة الحلوة
ويسلمووووو يالغالي

[رومنسية البدر]

إخواني :

أ ف ا ل و ن

الحـ(درب)ـب

ابوفيصل

وااوأفالون

& ابو فارس &

وكراااوي

فهد اليوسف

أشكركم على المشاركات الجميله

اخوي ابو فصل .. درجة الحراره توصل عندنا 50 بشكل شبه يومي ..
وبالنسبه لسؤالك .. طبعا كنت موقفها بالظل
وإلا شايفني ضب .. اوقف بالهحر واشتغل

اخوي ابو فارس ..
بعطيك مثال واقعي ..
الهوندا اكورد 2003 و 2004 تجي بدون فلتر .. ولو فتحت الدرج وشيكت على مكان الفلتر راح تحصله فاضي .. واللي يبي الفلتر يشتريه من الوكاله ويركبه وهذا اكبر دليل على عدم اهميته..
اما بالنسبه لمديل 2005 وطالع .. يجي معاها فلتر من الشركه الأم .. ومركب بنفس المكان اللي كان فاضي في مديل 2003 و 2004

تحياتي لكم
اخوكم ابو عبدالله

[صرموح]

المشاركة الأصلية كتبت بواسطة رومنسية البدر

إخواني :

اخوي ابو فصل .. درجة الحراره توصل عندنا 50 بشكل شبه يومي ..
وبالنسبه لسؤالك .. طبعا كنت موقفها بالظل
وإلا شايفني ضب .. اوقف بالهحر واشتغل

اخوي ابو فارس ..
بعطيك مثال واقعي ..
الهوندا اكورد 2003 و 2004 تجي بدون فلتر .. ولو فتحت الدرج وشيكت على مكان الفلتر راح تحصله فاضي .. واللي يبي الفلتر يشتريه من الوكاله ويركبه وهذا اكبر دليل على عدم اهميته..
اما بالنسبه لمديل 2005 وطالع .. يجي معاها فلتر من الشركه الأم .. ومركب بنفس المكان اللي كان فاضي في مديل 2003 و 2004

تحياتي لكم
اخوكم ابو عبدالله

موضوع حلو مثل اصحابه تقبل مروري

[رومنسية البدر]

كلك حلى اخوي صرموخ
وشاكرلك على المرور
تحياتي لك
اخوك ابو عبدالله

[ابوفيصل]

المشاركة الأصلية كتبت بواسطة رومنسية البدر

اخوي ابو فصل .. درجة الحراره توصل عندنا 50 بشكل شبه يومي ..
وبالنسبه لسؤالك .. طبعا كنت موقفها بالظل
وإلا شايفني ضب .. اوقف بالهحر واشتغل

اتحمد ربك ابوعبدالله على النعمة والظل

ترى ثلاث ارباع الشعب السعودي ضبان وانا واحد منهم

تحياتي لك

[سلطان سعد]

والله انا يوم قريت الموضوع رحت انظف الفلتر انا كنت احسب الوكاله ينظفونه كل ماجيت اغير زيت بس يوم فيكيته اللي هو الفلتر

يا انه طلع غبار مو طبيعي مع ان الموتر ماشي 18000 بس نظفته وربي حسيت باختلاف مو طبيعي طلع والله مكيف بارد بمعنى الكلمه


فكل واحد ينظف الفلتر مع كل تغيرت زيت احسن له

[مروني]

التكيف عندي 100% ماشاء الله تبارك الله