[عاشق الجنة <<]

السلام عليكم ورحمة الله وبركاته
ياهلا بالطيبين ياهلا بالنشاما
ياهلا بمن أوقوفوا أنفسهم في خدمة إخوانهم في الله وابتغاء لله وفي سبيل الله

أخواني الكرام
أنا أطرح موضوع هذا لأستفيد ويستفيد ممن هم مثلي وفي حالتي -- وإن شاء الله ماتقصرون في الإفادة

أنا وأعوذ بالله من كلمة انا - ونعوذ بالله جميعا من العنا
أخوكم جديد مرررة بقراطيسة في الجيوب كلها يعني صفر في الجيوب وهذي أول مرة أبا اتعامل معها
وأكثر الذين اعرفه ليس معهم جيوب واللي معه إما بعيد عني أو مهوب فاض لي
علشان كذا كتبت لكم ياأهل النخوة

أنا الآن شريت جيب لاندكروز Vxr - 2007 -- من البازعي
الآن في الإجراءات وبستلمه إن شاء الله يوم الأحد


المطلوب (((( السيارة تماتيك - فل كامل )) - ألحقوني قبل ماأخرب سيارتي الجديدة
كيف أتعامل معه في السواقة سواء في

1- الطرق العادية داخل الراياض
2- في الخطوط السريعة
----- من حيث النمرة او الرقم او الحرف هل هو مثل سيارتي القديمة مديل 92 فورد يكون على D الصغير
قصدي يكون القير على اي حرف أو أي رقم إذا هو بالأرقام

طيب وإذا أقبلت على نفود وأبا اطلعه هل أشغل اللي تسمونه الدبل الخفيف وو ش علامته وإذا بغيت أشغله وش يكون وضع القير الأتواتيك

وبما أن فيه دبل خفيف إذن معناها فيه دبل ثقيل
1- وش الفرق بينهما
2- وش علامة كل منهما
3- متى أستعمل الخفيف ومتى أستعمل الثقيل
4- وهل يصلح أستعملهما في آن واحد ليس في ذلك ضرر على السيارة

-- طيب في النفود إذا حسيت أني أبا اغرز ((( لأني عليمي في الجيوب ))) وش أشغل

-- طيب الطلعات العالية مثل القدية وديراب وطلعة الشفا اللي في الطائف هل نفس النمرة اللي أمشي بها على الخطوط -- أو إذا بغيت أطلع الطلعة أحطة بنمرة ثانية أو الدبل

وآسف جدا جدا على الإطالة -- ووسعوا صدوركم علي لأني عليمي ومنكم أستفيد وأبشروا بالأجر


أو حولوني على روابط تعلمني بكل أسئلتي -- وإلا شوفوا لي واحد يعلمني عليها وعلى أزرارها وأسرارها
وشكرا لكم وجزاكم الله خير

[عاشـــق اللاند]

اخوي اسألتك واجد وبجاوب على شي بسيط على حسب خبرتي
:****

كيف أتعامل معه في السواقة سواء في

1- الطرق العادية داخل الراياض
2- في الخطوط السريعة

اخوي كل السيارات معروفه اذا تبي تمشي تحط الجير على D :**** مافيه فرق عن المواتر الثانيه ,,

طيب وإذا أقبلت على نفود وأبا اطلعه هل أشغل اللي تسمونه الدبل الخفيف وو ش علامته وإذا بغيت أشغله وش يكون وضع القير الأتواتيك

وبما أن فيه دبل خفيف إذن معناها فيه دبل ثقيل
1- وش الفرق بينهما
2- وش علامة كل منهما
3- متى أستعمل الخفيف ومتى أستعمل الثقيل
4- وهل يصلح أستعملهما في آن واحد ليس في ذلك ضرر على السيارة


اخوي الدبل يكون 3 نمر النمره الاولى الـ H هذا الخفيف ويكون شغال على طول والثقيل L سموه ثقيل لانه يثقل السياره ويطلعها من التغريزه

وبالنسبه لاقبلت على النفوذ مانصحك تشغل الدبل ماله داعي بس نسم الكفرات وادخل وخل الدركسون (السكان) سيده للأمام علشان لاتغرز :**** وشكرا ,,

[تــ تيربوــــون]

المشاركة الأصلية كتبت بواسطة عاشق الجنة <*****

السلام عليكم ورحمة الله وبركاته
ياهلا بالطيبين ياهلا بالنشاما
ياهلا بمن أوقوفوا أنفسهم في خدمة إخوانهم في الله وابتغاء لله وفي سبيل الله

أخواني الكرام
أنا أطرح موضوع هذا لأستفيد ويستفيد ممن هم مثلي وفي حالتي -- وإن شاء الله ماتقصرون في الإفادة

أنا وأعوذ بالله من كلمة انا - ونعوذ بالله جميعا من العنا
أخوكم جديد مرررة بقراطيسة في الجيوب كلها يعني صفر في الجيوب وهذي أول مرة أبا اتعامل معها
وأكثر الذين اعرفه ليس معهم جيوب واللي معه إما بعيد عني أو مهوب فاض لي
علشان كذا كتبت لكم ياأهل النخوة

أنا الآن شريت جيب لاندكروز Vxr - 2007 -- من البازعي
الآن في الإجراءات وبستلمه إن شاء الله يوم الأحد


المطلوب (((( السيارة تماتيك - فل كامل )) - ألحقوني قبل ماأخرب سيارتي الجديدة
كيف أتعامل معه في السواقة سواء في

1- الطرق العادية داخل الراياض
2- في الخطوط السريعة
----- من حيث النمرة او الرقم او الحرف هل هو مثل سيارتي القديمة مديل 92 فورد يكون على D الصغير
قصدي يكون القير على اي حرف أو أي رقم إذا هو بالأرقام

طيب وإذا أقبلت على نفود وأبا اطلعه هل أشغل اللي تسمونه الدبل الخفيف وو ش علامته وإذا بغيت أشغله وش يكون وضع القير الأتواتيك


ما يحتاج لانه الدبل الخفيف شغال على طول

وبما أن فيه دبل خفيف إذن معناها فيه دبل ثقيل
1- وش الفرق بينهما
2- وش علامة كل منهما
3- متى أستعمل الخفيف ومتى أستعمل الثقيل

الخفيف مثل ما قلت لك وقال لك اخوي عاشق اللاند شغال على طول

الثقيل يستخدم اذا غرز الموتر وما طلع بالدبل الخفيف ( نصيحه اثناء استخدام الدبل الثقيل لا تدوس بقووووه خل الموتر على راحته ان شاء الله يطلع بعد ساعه )

4- وهل يصلح أستعملهما في آن واحد ليس في ذلك ضرر على السيارة

ما تقدر تستخدمهم مع بعض

-- طيب في النفود إذا حسيت أني أبا اغرز ((( لأني عليمي في الجيوب ))) وش أشغل

مثل ما قلنا لك موترك شغال 24 ساعه الدبل الخفيف ولكن نصيحه ثانيه ( خفف هوا التواير لحد 20 او 18 علشان تريح موترك وتطلع النفود وانت مستانس وتضحك .... )

الدبل الثقيل ما يشغل الا في حاله واحده وبـــس فقط لا غير وهي ( اذا غرز الموتر وعجز الدبل الخفيف )

يعني ما تروح صوب نفود وتعشق الدبل الثقيل وتدوس على ريس والدينه خخخخخخخخخ لانك كذا بتتعب الموتر..

-- طيب الطلعات العالية مثل القدية وديراب وطلعة الشفا اللي في الطائف هل نفس النمرة اللي أمشي بها على الخطوط -- أو إذا بغيت أطلع الطلعة أحطة بنمرة ثانية أو الدبل

بصراحه ما عندي فيها خبر الطلعات هذي ولكن اذا كانت قار ( اسفلت ) ما يحتاج وانا اخوك خلك طبيعي ( راني ) ههههههههههه

وآسف جدا جدا على الإطالة -- ووسعوا صدوركم علي لأني عليمي ومنكم أستفيد وأبشروا بالأجر

حياك الله في اي وقت وانا اخوك واي شئ ترى الاخوان كانهم مبشرين اذا ردوا على مواضيع الشباب واسالتهم


أو حولوني على روابط تعلمني بكل أسئلتي -- وإلا شوفوا لي واحد يعلمني عليها وعلى أزرارها وأسرارها
وشكرا لكم وجزاكم الله خير

هذي بعض الاجابات وان شاء الله نقدر نفيدك بما هو اعمق

وبالنسبه للطلعات ترى اللاند مهب اي سياره وانا اخوك

انت مهب ماخذلك عراوي والا هايلكس

انت ماخذ لك في أكــــــس آآآآر

الله يهنيك به ويعطيك خيره ويكفيك شرررره

اللهم امين

في امان الله


اخوك تون تيربو

[عاشق الجنة <<]

أخوي الكريم
عاشـــق الاند
مشكووووووووووووور وجزاك الله خير وبارك الله فيك - والله يعطيك الف صحة وعافية وماقصرت بيض الله وجهك دنيا وآخرهـ - وأبشر بالأجر على ماسطرته لي من تعليمات - والله يرزقك الفردوس الأعلا من الجنة

[عاشق الجنة <<]

أخي العزيز
تــ تيربوــــون
مشكووووووووووووور وجزاك الله خير وبارك الله فيك - والله يعطيك الف صحة وعافية وماقصرت بيض الله وجهك دنيا وآخرهـ - وأبشر بالأجر على ماسطرته لي من تعليمات - والله يرزقك الفردوس الأعلا من الجنة
==============
بس المؤسف هنا المشاهدات حول ال 31 ولم يرد إلا إثنين فقط - يعني الباقين مايعرفون أو ماعنهدهم معلومات أو هم مثلي في اللاند هههههههههههههههههههه

ولكن رد أخويا (( عاشـــق الاند + تــ تيربوــــون )) أعتبرهما عن 100 رد

ولهما مني خالص الدعاء في كل وقت وحين

[عاشق الجنة <<]

بواسطة تون تيربو= الله يهنيك به ويعطيك خيره ويكفيك شرررره

اللهم امين

في امان الله

جزاك الله خير وبارك الله فيك -- آآمين الله يقبل دعاءك

[عاشق الجنة <<]

بلغت المشاهدات 50 ولم يشارك إلا إثنين
يعني 48 لا يريدون الدعاء لهم

تبون أسدح لكم أساميهم ههههههههههههههههههه اللي سووا مشاهدات بدون مشاركة -- ومعذور للي ماعنده معلومات ولا خلفية عن السيارة وقيادتها ورموزها ههههههههههههههههههههه
معلوم إن اللي ردوا فيهم بركة وزووووووووووود

[عسكـــــريم]

العذر والسموحه ياعاشق الجنة على التأخير

لكن الاخوان كفو ووفوا بصراحه في اجوبتهم

بالنسبه لطلعة الشفا والطلعات هذي المعروفه في المناطق الغربيه الجنوبيه الغربيه

مااعتقد يحتاج لأنك تنزل قير الاوتوماتيك نمره...لأن موترك ماشاء الله 8 سلندر...عزمه مايموت بسرعه

المهم الله يعطيك خيره ويكفيك شره


بس عندي ملاحظه على الدبل الثقيل...قبل ماتشغله حاول انك تخلي ضغط هوا التواير مثل ماقالك اخوي تون تيربو على الـ18 او حتى على الـ15..........ويتطلب الامر احيانا على الـ10......اذا كانت التغريزه دسمه...

اذا شغلته وانت مغرز في النفود حاول انك تخلي ضغط الماكينه على الــ1 ومو مشكله زياده عليها شرطتين لأنك اذا زدت ضغط الماكينه على الـ2 او فوقها بيضر الماكينه خاصة اذا كانت بالنمره الاولى...

وحاول انك تخلي الطاره (الدركسيون) سيده وتلفها مره يمين ومره يسار بشكل متكرر ومتواصل (لفه بسيطه كأنك لاف عشان تتجاوز سياره) عشان الموتر يسوي له طريق عن طريق التواير الاماميه ويطلع بشكل اسرع

فيه زر مكتوب عليه الــpwr في القير......هذا عشان الموتر مايبدل بسرعه ويتم ماسك على نمره.......
والزر الثاني en2 اختصار كلمة sacand....يعني يخلي الموتر يقوم بالنمره الثانيه بدال مايقوم بالنمره الاولى....هذي الميزه البعض يستخدمها عشان الدبل الثقيل....يضغط على هذا الزر اذا كان الدبل الثقيل شغال ويقوم الموتر بالنمره الثانيه عشان مايقوم بالاول ويضر الماكينه......لكن احيانا اذا غرزت وشغلت هذا الزر بعد الدبل الثقيل......راح التواير يكون دورانها اكبر بحكم انه قايم بالنمره الثانيه وبيغرز الموتر زياده....انا من ناحيتي ماافضل انك تضغط هذا الزر اذا غرزت..
لأن التغريزه يبي لها سياسه دواسة البنزين..فقط

تقدر تجرب هذي الميزه على الازفلت اذا كنت واقف.....اضغط هذا الزر وادعس بانزين تحس ان الموتر قومته ثقيله لأنه قايم بالنمره الثانيه دايركت

ومبرووووووك على الموتر يالشيخ والله يعطيك خيره ويكفيك شره

[عاشق الجنة <<]

مشكوووووووووووووور أخوي الكريم //// عسكريم <*****== ياحلوك ))) وتعليماتك
ماشاء الله عليك
حتى العلم في السيارات بحر
جزاك الله خير وبارك الله فيك أخوي والله يعيطك الف صحة وعافية والله يجعل ماكتبته من تعليمات في موازين حسناتك - ورزقك الله الفردوس الأعلا من الجنة
تعليمات من ذهب إن شاء الله بدش رالي القادم

بواسطة عسكريم = ومبرووووووك على الموتر يالشيخ والله يعطيك خيره ويكفيك شره

الله يبارك فيك وفي عمرك وفي اعمالك الصالحة --- آآميييييييييييييين
وجزاك الله خير
ولك مني خالص الدعاء

[زهير جمال]

شكرا على الموضوع
مبروك و تستاهل الاحسن منها

[عاشق الجنة <<]

هلا اخوي زهير
الله يبارك فيك
شكرا لك - وجزاك الله الف خير -- والله يعطيك الف صحة وعافية
ونورت الصفحة

[عاشق الجنة <<]

ههههههههههههههههههه
ألآن أدركت السر في كمية المشاهدات بدون مداخلات
سامحوني واعذروني ((( علشان أني جديد في المنتدى ومع اللاند )))
أدركت إنكم تدخلون للفائدة من الأخوان الكرام الذين أدلوا بمشاركات ومعلومات مفيدة وقيمة
فلهم منا خالص الدعاء
وأنتم أرجو لكم الفائدة كما رجوتها -- وأرجو أن تعم الفائدة وخاصة للذين هم مثلي جدد على اللاندات هههه

[عاشق الجنة <<]

ليتكم تكتبون لي الرموز ودلائلها اللي موجود في مقصورة السائق واللي يكثر استخدامها من قبل السائق

مثل ما بين أخوي الكريم عسكريم
وياليت يكون بعد بالصور

أو أحد الأخوان الكرام يفرد له موضوع خاص يبن فيه الرموز بالصور من ألألف إلى الياء (( كل اللي موجود في مقصورة السائق - وكذلك الأزرار اللي في الطاارة وغيره وغيره وأزرار ورموز الشاشة وكيف تعمل

ليت أحد عنده قدرة على ذلك - كان تكون فائدة عظيمة للجدد على اللاندات
<*****======== شحاذ ويتشرط بعد هههههههه

[عاشـــق اللاند]

جزاك الله الف خير وماسوينا الا الواجب ياخوك

[(الاسير)]

هلا فيك اخوي ........... وبما انك ناوي تشري ان شاء الله لاند جديد فيوجد معاة كتلوج موضح فية كل صغيرة وكبيرة عن السيارة ومدعم بالصور ...... فارجو ان تتطلع علية وايشئ يشكل عليك ماراح يقصرون الاخوان .

تحياتي

[عاشق الجنة <<]

عاشق اللاند
جزاك الله خير اخوي الكريم وكثر الله من أمثالك - متجاوب سريع
-----------------------------------
أخوي// الأسير .............. الكريم
شكرا لك وجزاك الله الف خير والله يعطيك الف صحة وعافية أدري إنه بيكون معه كتلوج بس شرح الأخوان هنا ربما يكون أوضح وأفهم لي - وأنا بعد مابعد إطلعت على الكتالوج حتى أحكم عليه - بس عادة تكون بعض الكتلوجات فيها أشياء غير واضحه الفهم والمقصد

- والله يجعل ماكتبته ووضحته ومشاركتك هذه في ميزان حسناتك