[سفاري الكويت]

شي محير اول ما استلمت السيارة كان معدل البنزين يعطيني 594 كيلو والحين 475 لما اعبيها فل
شسالفة ؟
وين راحت 100 كيلو

[ميلان]

وانا نفس الشي


سؤال مهم ويبحث عن اجابة ياريت لو الاخوان يفيدونا بخبرتهم

[ماجد نت]

حصل معي ايضا في اول ثلاثة شهور

[فوو سبورت وود]

مع ان ما عندي افالون ولكنني احمل الاجابة عن هذا السؤال ..
طبعا ً اول ما تطلع السياره وتعبيها فل تلقى العدد كبير ..

وبعد فتره تشوفه يتناقص ، وسببها دعست البنزين من رجل لرجل ..
يعني انت تتمشى على رواقه يمكن ينزل شيء بسيط ..

والاخر رجله حاره فـ ينزل بسرعه ، اتمنى ان كلامي وضح للجميع ..
وان شاء الله شباب الافالون ماراح يقصرون ، وبيدخلون وبتسمعونه ..

واي استفسار انا حاظر للجميع ..


.. فائق الاحترام ..

[الساهر للأبد]

معلومه مهمه ترى محطات البنزين تختلف خذ الكلام من مجرب ..

جرب الخزان فاضي وعبي من محطه وجرب عبي من ثانيه وشوف والفرق ..

واذا يت تعبي فل قول للعامل خليه على طقه وحده بحيث يعبي على راحته وما يحبس هواء

وبالتوفيق ..

[سفاري الكويت]

انا عبيت الخزان فل اول ما استلمتها من الوكالة عطتني 594
بس متى لاحظتها .....لاحظتها لما طلعت من اول سيرفس قل الى 495
بس امس عبيتها لما العداد اعطاني الاشارة الصفراء 50 لتر فقط 475
هل نقول ان فيه الخزان هواء يمكن يتدخل في السعة والمعدل

[المكيانيكي]

كم مشت السيارة ذلحين؟؟
وهل عبيت نفس نوع البانزين الاول؟؟
عبها مرة ثانية وقولنا كم يعطيك العداد (حاول انك تقيس باللتر وانت تعبيها لا تعتمد على امتلاء التانك)
على فكرة ترا الفرق طبيعي علىحسب نوع البانزين وطريقة التعبئة
جاوبنا وان شاء الله نعرف السبب
تحياتي

[سفاري الكويت]

السيارة ماشية 3250
هو نفس البنزين مافي غيرة
وكل مرة نفس الطريقة
بس السؤال هل يوجد هواء في الخزان يمليْ مع البنزين

[وابل]

المشاركة الأصلية كتبت بواسطة سفاري الكويت

السيارة ماشية 3250
هو نفس البنزين مافي غيرة
وكل مرة نفس الطريقة
بس السؤال هل يوجد هواء في الخزان يمليْ مع البنزين

نــــــــــــــــــــــــــــــــعم

[سفاري الكويت]

المشاركة الأصلية كتبت بواسطة وابل

نــــــــــــــــــــــــــــــــعم

وانزين الحين شلون ارده نفس اول؟

[م.أنس]

اتوقع والله اعلم بسبب الرواسب والشوائب الموجودة في البانزين التي تبقى داخل التانكي مع كثرة تعبية البانزين من محطات مختلفة ..

[أفالون خاص]

المسألة حسب الدعس يعني أول ما طلعتها فترة التمرين كانت دعستك خفيفة الحين يمكن صرت تدعس شوي ويزيد الصرف

كم يعطيك معدل الصرفية لتر/100 كم ؟

[سفاري الكويت]

المشاركة الأصلية كتبت بواسطة أفالون خاص

المسألة حسب الدعس يعني أول ما طلعتها فترة التمرين كانت دعستك خفيفة الحين يمكن صرت تدعس شوي ويزيد الصرف

كم يعطيك معدل الصرفية لتر/100 كم ؟

مرة 9 مرة 11 ومرة 14

[المكيانيكي]

زي ما قلت لك الفرق طبيعي
وانت تعبي احسب باللتر يعني اذا خلص البانزين حط فيها 70 لتر او 65 لتر وشف كم يعطيك العداد ومرة ثانية اذا خلص عب فيها نفس عدد اللترات اللي انت حطيت فيها المرة اللي قبل وبكذا تقدر تقارن بينهم هل فيه فرق او لا واذا كان الفرق بسيط تراه طبيعي لان العداد يعطيك المسافة التقريبية اللي تقطعها السيارة ولا يعطيك المسافة الدقيقة
تحياتي

[المهذب]

فيها احتمالات كثيره منها :-
- يكون فيه هواء داخل التانكي كما اسلفت وانا صار معي هالشي وكان يطلع البنزين بعد التعبئ ه
- للا حظ معدل استهلاك الوقود لأنه من الطبيعي اذا معدل الاستهلاك مثلا 14 يكون هناك فرق كبير عن 9
- نظافة بخاخات السياره
وانا اشوف الموضوع طبيعي

[جنوبي افالوني]

عادي جدا
1- السيارة 6 سلندر تشفط مو مثل الكامري يا اخوان هذي افالون
2- عند تعبئة البنزين خلي العامل يظغط على البنزين ببطء اثناء التعبئة يعني دخول البنزين على مهله
اذا زاد في الظغط ودخل البنزين بسرعه يسبب هواء داخل الخزان
3- قم بفتح غطاء البنزين ليخرج الهواء الموجود داخل الخزان ثم اغلقه
مع خالص تحياتي

[بنت جلفار]

المقياس فى الافلون من ناحيه عداد البترول كل يوم يتغير

مره 440

مره 430

مره 455

سرت الوكاله واشتكيت من صرفيه البتروول

بدلو قطعه فى اعلى الفلتر فى المكينه


رد مثل ما كان بالظبط

590 كيلو ؟؟؟؟؟

بعدها بشهر

ردت السياره مثل ما هي (يعنى ما سويت شى )


هييه هييه نفس دوسه البتروول بس العداد فى تناقص

والله يعلم

واخيراا

صفرت العداد ومشيت عليه حوالي ستين كيلو او 55

بدوون ما تبند السياره

وعبيتها بتروول

تيتي تيتي مثل ما رحت جيتي

مثل ما هو ما اتغير ابدااا