[الـــراقـــي]

اخوي احاسيس من جدك خوفتني

لازم اتاكد من السياره قبل مااستلمها وانتشب فيها

الف الف شكر ياغالي وماقصرت والله يجعله في ميزان اعمالك

[خلدوون]

بصراحه احس هذا نكد عليك فرحتك في السياره

انا المعارض ما اثق فيهم ابد

انا ما ابي اخوفك المماطله هذي مو طبيعيه

خلنا نحسبها بالعقل لو انك ماخذها من الوكاله كلها يوم او يومين مستلم السياره

هو ليش يماطل !!

اخاف السياره مصدومه او مرشوشه بس ما انتهت من العمل فيها ويماطلون فيك

لان مو معقوله شوف كم يوم !!

وانت ما شالله عليك مدري شلون صابر كان من زمان ماخذ فلوسك ولاعن سلسفيله

مطوع او غير مطوع انت تبي الصدق الرجال حلف لك بكره جيت بكره ما لقيت السياره

على طول راح تتاكد انه كذاب والمشكله اكثر من مره يحلف لك وتأجل

كان تفاهمت معه

تفحص السياره زين

لا تجي طاير من الفرحه وتركبها وتمشي وتكون السياره مسمكره او مرشوشه

احياناً تصير وهي واقفه في الوكاله طاح عليها شي او مخدوشه وزينوها

من جد مدري شقولك والله لو انك ماخذها من الوكاله اظمن بكثير وكان السياره معك

لكن يله الواحد ما يدري وش الخيره فيه

وعسى ان تكرهوا شي هو خير لكم

وانا ما ابي اخوفك وانا اخوك لكن حبيت انبهك لان والله ننقهر لمن نشوف الناس تضحك علينا

والمشكله لو يحط نفسه مكانك كان عرف زين وما يرضاها لنفسه لكن تكلم مين وتخلي مين !!

تنفخ في قربه مشقوقه

الله يعطيك خيرها ويكفيك شرها

واحسنت الخيار

وبالتوفيق للجميع ان شالله

[الـــراقـــي]

خلاص طالت وشمخت شباب والله ان صبري نفذ

سواها فيني التعبان صاحب معرض الغريب في الاحساء ماعاد فيها لازم افضح نصبه

اليوم اخر موعد بيني وبينه تدرون وش يقولي

يقول والله سيارتك ماجات يمكن العصر توصل

الحين جاني فضي وذهبي شرايك تاخذ واحد منهم
انا هنا عصبت
بس قام يحلفلي تدرون شيقول يقول (( والله اني مانمت امس على شانك ))

قلبها حب وغراميات بو الشباب

المهم الزبده اني قلتله كنسل السياره خلاص ماابيها وابي استرجع فلوسي قالي تعال الساعه 5 العصر واخذ فلوسك

الخوف انه يماطلني بفلوسي بعد او انه يسحب منهم

انا خلاص هالالفين الي بيخصمها لي ماعادت تفرق معي بروح اخذها من الوكاله اصرفلي ولا هالمذله
وعسى الوكاله يكون عندهم الوان لاني غيرت رايي ابي اخذ الي يسمونه فيراني\
شرايكم شباب

[خلدوون]

ياسلام عليك المفروض من زمان

ورب الكعبه بغيت اقولك شرايك في الفيراني

من جد رووعه وهيبه الأبيض حلو لكن المشكله ملينا منه في كل الشوارع ابيض

حلو يكون فيه نوع من التميز والفيراني خطير انا اكثر لون عاجبني هو

وبالنسبه لراعي المعرض

ياخوي لا تستحي منه وراك كذا

قسم بالله لو انا مكانك والله لاقلب عليه المكتب

انا رجال عندي التزامات وعندي اشغال فاضي له إلي ما يحترمني ولا يقدرني ما احترمه

خصوصا انه يحلف لك كذب

رح له الساعه 5 واذا ماطلك بالفلوس نصيحه لا تسكت كذاب ابو جده الفلوس معه يا في جيبه او راس مالها شيك

الزبده

لا تطلع منه العصر إلي ماخذ فلوسك

ياخوي وراك مستحي صارخ في المعرض خل العالم تعرف كذبه علشان ينهبل ويسكتك ويعطيك فلوسك يخاف من الفضايح

وانت تصارخ عليها عدها عليه قوله من جيت السبت وقلت بكره والأحد وبكره والاثنين وبكره

كذا عدد له الأيام علشان الناس تسمع وهو ينهبل ما يبيك تقولها بصوت عالي علشان ما تفضحه

وقوله والحين فلوسي بتماطل وش تبي مني انت ياخوي خلاص الموتر ومابيه عطني فلوس

انت خنت بالوعد وانا عفت الموتر من معرضك ما ابيه عطني فلوسي وخلني اتوكل

المهم لا تخليه

والله يكون في عونك ان شالله

[أفالون وبس]

اوووووووووووف

اخوي الراقي قضيتك مانتهت ؟؟؟؟؟؟؟؟؟

والله مشكلة ضيعوا وقتك والله

كان من اول تشتري من الوكالة

يعني النصابين ذول ماحمدوا ربهم جالهم واحد بيشتري وكذا تفعلون فيه

مذلة والله

حبيبي شوف ولله لو انا مكانك والله لاسحب فلوسي

وارد عليهم واقلهم اعطيتكم اكثر من فرصة وانتم تبون جيبي بس

لو اني شخصية معروفة تجيبوها حتى ما ادخل عليكم اول مرة

اخوي نصيحة لوجه الله اسحب فلوسك منهم ولا عليك منهم

واهمممم شئ : لاتعطيه فرررررصة , والله ما والله , خلاص اخوي باسحب واروح الوكالة

او هدده انه في المعمعة هذه انك بتكلم اي واحد وده يشتري موتر جديد

وصدقني بيقولون طلعوا السيارة من المخزن خلاص ماعد نقدر نضحك الرجال

والله يعينك

بس قام يحلفلي تدرون شيقول يقول (( والله اني مانمت امس على شانك ))

يلعن ام الاهتمام بالواحد

لاحظت ان عندنا في هذا المجتمع المسلم حركات تدل على مدى نفاق الواحد والمجاملات من هذه

وكثير منهم يسونها

عاد قلت انا :

الدنـــــــــــيا وســـــــــــــخة

[أحاسيس]

أخوي الراااااااااااااااااقي قضيتك والله راح تكون مشهوره في المنتدى

اقول تبغاني افزع لك

وربي نسوي عليه فلم هندي

ياخي انت خذ كل عيال الحاره وافضحه قدام كل العام

شفت يوم اقولك راح يجي السبت وراح يقولك العصر والعصر راح يقولك بكره

ياخي خذ فلوسك ورح للوكالة وخذ الفيراني والله ما فيه كلام

صح مثل ما اقول اخوي خلدون الأبيض حلو بس مليان في البلد والفيراني برضو حلو

ولو انك مصمل على الأبيض الؤلؤي يا شيخ اركب طياره وتعال في جدة والله بمعرض واقفه حصلتها بـ 113 واشحنها على ديرتك

وربي اني مقهور وحاس باللي فيك الله يعينك

قال ما ينام الليل قال

الرااااقي طمنا بالله وش يصير معك

تحياتي ...