[زياد التركي]

افالون
الموديل 2002
اللون ذهبي
العداد 165000
المواصفات فل كامل
السياره مع احد اقاربي وشاريها وكالة لكن سبق وان حصل عليها حادث وكانت الصدمه من الامام وتأثرت مقدمة الماكينة قليلاً وقام بإصلاح السياره عند الوكالة بـ 18000 ريال حيث قام بتغيير كل شي جديد وقام بإصلاح إيرباق السواق فقط دون الراكب الامامي واعتقد انها بحاجة للتربيط وللمعلومية من بعد إصلاح السيارة وحتى الان اي لعدة اشهر لم يحدث للماكينة اي شيء ووضع السياره ومحركاتها جيدة
ارجوا ن الاخوان مساعدتي لمعرفة سعرها
فانا سراحة الي في بالي اعطيها 30000 ريال
وشكراً للجميع

[زياد التركي]

معقولة ما احد يعرف

[داحس]

سلام عليكم
والله مدري عن اسعار الافالون ومدري كم سعرها بالدينار بس نصيحه السياره اذا خشمها جاه شي انحش تبي تقعد كل شوي تعطس ههههههههههههههه

[احمد المالكي]

والله وانا اخوك انا شريت وحده موديل 2003 م مايه 100 الف كلم بس

ما هي فل كامل ما ادري وش تصنيفها بالضبط مكتوب عليها وراء xl ما قد جاها ولا حادث ولا شئ

مكينتها وجيرها مضبوطات والحمد لله

وكان سعر الشراء 32500 ريال سعودي

فإذا كانت اللي حاط عينك عليها بـ 30000 ريال وفل كامل افحصها واذا طلعت مضبوطة توكل على الله

ترى والله سيااااااااااااااااااااااااااااارة تعجز عن وصفها مريحة سريعة رهيبة

استخر ربك وان شاء الله ربي بيوفقك

ملحوظة : ما تلقاها في المعارض بكثرة واذا لقيتها سعرها يكوي نااااار
لا وما هي نظيفة بعد

ارجوا ان اكون قد افدتك تقبل مروري ودمت بود

[زياد التركي]

الشكر موصول للجميع

[أمير لكزس]

والله ما اشتريها لكن تجيب له 38 كحد ادنى

ويمكن يجيب واحد مهوي يعطيك 85 الف

[زياد التركي]

المشاركة الأصلية كتبت بواسطة أمير لكزس

والله ما اشتريها لكن تجيب له 38 كحد ادنى

ويمكن يجيب واحد مهوي يعطيك 85 الف

انت قريت الموضوع مضبوط
اجابتك سراحه عليها ؟؟؟؟؟؟؟؟؟؟؟

[الغامدي بوغلا]

الى الاخ زياد التركي
الابتعاد عن السياره المصدومه خصوصآ من الامام هوالافضل
لان مشاكلها كثيره

[عبد المجيد محمد]

تبغى نصيحتي لاتشتريها لاسباب منها :
1 - انها موديل 2002 وجايها حادث في المكينه ومعروف ان موديل 2002 كمبيوتر يعني تبي تطلع ريحتك اذا خربت . فلو كانت مويل 2001 كان اهون شوي ..

2 - ان سعرها غالي مقارنة بمثيلاتها فانا وجدت افالون 2002 فل كامل بـ 40 الف لكن مااتوقع انها جائها حادث .

3 - انصحك اذا كنت تدور على افالون من موديل 2000 الى 2004 لاتاخذ الا اذا كانت نضيفة ما جاها حادث قدر المستطاع لان قطع غيارها غالي شوي مو مره واسأل مجرب ولاتسأل طبيب .. انا سيارتي موديل 2000 ولكنها مطلعة ريحتي من الخرابات لاني ماصدقت لقيت افالون وشريتها وتوهقت بها لانها كانت غير نظيفة واستعجلت وشريتها لكن قدر الله وما شاء فعل ..

واعلم ان هذه السيارة نادرة الوجود واذا لقيتها بالمعارض او واحد يبي يبيعها تلقاها مهيب نضيفه لاكن الشكوى على الله وانا لي الحين حوالي 9 شهور وانا ادور وما حصلت شي زين ..

[وااوأفالون]

أخوي حرام عليك يا( عبدالمجيدمحمد ) إسعارقطع للغيار معقوله إنا كانت معاي 2000 فل كامل وبيعتها
في الرياض وجلست معاي تقريبا 5سنين وأخذت 2006 هاوي أفالون