[أبوحمد]

حيا الله الشباب

معروف أن عبداللطيف جميل يركب النور العالي على طراز Gx-r عنده ( زينون ) , فهل يا ترى يعطي نور ووضوح مثل اللي يجي شد بلد ؟؟

واحد قال لي أنه طلع مع راعي Gx-r وارد أبو جميل أحتمال 2005 وقال اذا كبس العالي ما تشوفه موزون قدامك مثل الاصلي يعني يا تلقاه طاش فوق أو مشتت قدامك ؟؟

وهل فعلا مثل ما سمعت أن موديل 2007 ماعد يركب عليه أبو جميل مثل أول وصار يجيبه شد بلد ؟؟ وش رايكم .

[ولد الغريف]

هلابك اخوي

انا سيارتي gxr-1

النور العاللي زينون وماعلية خلاف ولاحظت علية الملاحظة ايلي انت تقولها

[أمير لكزس]

والله لسيارات التويوتا والله زينون منتهي صراحة عند عمي جي اكس آر مطور كل اسبوع يغير النور الايمين في الوكالة و

وايضا عمي عنده كامري ونفس الحكاية

اما بالنسبة لسيارات اللكزس ما شاء الله تبارك الرحمن

[أبوحمد]

ولد الغريف أشكرك على التجاوب ويمكن رقم 1 ملفق عند أبو جميل بس يمكن 2و3 شد بلد ,, نشوف أراء الاعضاء .

المشاركة الأصلية كتبت بواسطة أمير لكزس

والله لسيارات التويوتا والله زينون منتهي صراحة عند عمي جي اكس آر مطور كل اسبوع يغير النور الايمين في الوكالة و

وايضا عمي عنده كامري ونفس الحكاية

اما بالنسبة لسيارات اللكزس ما شاء الله تبارك الرحمن

هلا فيك يا أمير اللكزس - الجي اكس ار اللي مع عمك كم موديله ووشلون مطور ؟؟ وهل هو من عند أبو جميل لأن اللكزس مثل ما أفدت يجي شد بلد علشان كذا تشوفه صاحي وأيضا الفي اكس ار !

[هلالي شقراوي]

شف ياخوي الاندكروزر مركب اظملك اما الكزس يخسي مايقدر يسوي فيها شي لأن ادارة لكزس من اليابان
مانعته عشان ما يخرب سمعتها

[حسونه]

مو لذا الدرجة يا أخوان
وبعدين عبداللطيف ميت من 18 سنة تقريباً
لو نقول شركة عبد اللطيف أفضل

==============

الزنون حق الــ2006 لا ند كروزر أصلي ياباني وقوي حق تكبيس
بالنسبة للكامري أنا أقول أنه نور أزرق مو زنون
الجي أكس آر جي هذا مقلب الزنون حقة تايواني وممنوع الآن لأنه أزرق خالص .

===========

أترك الإضافة للأخوان

[حزين الاندكروزر]

تبون رايي
أنا كان معي حبيبي حبيب القلب gxr 1 موديل 2006
وارد عبد اللطيف
وبصراحة نوره ما شاء الله تبارك الله
الزنون كلاااااااااااااااااااااااااااااام يعني النور حقه قوي مرة
بس إلي كنت أشكي منه إن النور القصير مداه قصير يني يادوب يعدي 5 أمتار من الصدام
يعني يالله أشوف .فأظطر إني أحط العالي وإنزل النور ((تنكيس ))ههههههههههه

آسف إني طلعت خارج الموضوع لكن
الخلاصة كان النور أكثر من رائع ولكن أكيد ليس بتلك القوة الكبيرة .

[نمر الجبل]

أتكلم عن موتري 2006 gxr2 سبشل نوره ما شاء الله رووووعة بس الواطي قصير أما الزينون ما عليه كلام

[أبوحمد]

يعطيكم العافية على الاضافات

أفهم من كلامكم أن شركة عبداللطيف جميل أضافوا هم لمبات الزينون على GX-R فقط بموديل 2005 وكان مش ولابد ,, ومن بعدها صاروا يجيبوه وكاله شد بلد !! وإلا أنا غلطان ؟

اللي يقولون أن النور الواطي جاي قصير معاهم اللي أعرفه أنه في زرار تضيفه الشركه يعمل على ارتفاع النور وإنزاله يمكن العله عندكم منه وهذي صورته

الزرار اللي أقصى اليسار لازم يكون على رقم صفر مثل اللي بالصورة ..

[نمر الجبل]

رفعنا الزرار للأخير ما فيه فايدة أبد مما يضطرك لتشغيل العالي وتتحمل دعاء المتضررين من قوته

[أبوحمد]

المشاركة الأصلية كتبت بواسطة نمر الجبل

رفعنا الزرار للأخير ما فيه فايدة أبد مما يضطرك لتشغيل العالي وتتحمل دعاء المتضررين من قوته

لالا يخوي وش اللي تتحمل دعاء المتضررين !!

تخيل كل واحد يقول

الله يعميه - والثاني يقول الله لاوفقه - والثالث جعلك من يدخل عليك !!!!!!!!!!!

بالله عليك اذا صادفت دعوت واحد باب السماء وشلون بيصير حالك ( بعد الشر عنك والله لا يقدر )

هل بتتحمل العمى ؟
هل بتتحمل مصيبه والا حادث أنت مو قده ؟
هل بتتحمل اي بلوه والا كارثه ؟

طبعا لا ,,,,,,,,, اذا تبي تسلم من هذولي والله العالم بالخافي ,, ....

شف لك حل مع نورك أنت وغيرك من عندهم نفس المشكله

الموضوع بسيط كلها زياره لشركة عبد اللطيف جميل وقولوا لهم ركبتوا لنا زرار يرفع النور ومع كذا ما ارتفع ياليت توزنوه صح ..
واللي أعرفه ان في جهاز مخصص لوزن النور من ناحية الارتفاع وايضا العرض ,, وبتلاحظ انهم خطين قدامك جنب بعض ..

أتمنى التوفيق للجميع والله يحفظكم وإيانا من كل مكروه .

ولا تشيل في خاطرك مني يالغالي لكن فعلا بعض الانوار تخليك تقعد تدعي على راعيها طول الطريق ,
وخاصة الشباب المهبل اللي مركبين زينون بالغرابي واطي وعالي ,,,, يئذيك بالواطي واذا كبست له على نيتك تبيه يوطي أو يطفي الا ما تدري الا وكبس ذاك العالي ( الله أعلم من وين طلعه ) عاد وقته ماغير تقول الله أكبر عليك - وخذ يا دعاوي !!

[السنوي]

لايوجد شيئ مماذكرت في سيارتي ولله الحمد

الزينون تمام التمام شمس في عز الليل ما شاء الله

السيارة G X R 3 2007

[أبوحمد]

مشكور على المداخلة يالسنوي وموترك ما شاء الله 2007 واللي أنا عرفته أن هذا الموديل بالذات جاي زينون وكاله بدون تركيب أبو جميل !!

يعني أكيد بيكون واضح وموزون

الا على فكرة بما أن موترك وارد شركة جميل هل تلاحظ مثل ما قالوا الاخوان أن النور الواطي جاي قصير ؟

ولا أقصد أتهام الشباب ,, ولكن فعلا أنا ملاحظ أخفاق من شركة أبو جميل بالانوار

أنا حاليا أملك هايلكس 2006 ماخذه من الوكاله وفعلا أنواره ماكانت موزونه في الخط واحد منهم واطي وداخل على النور الثاني , وتتأكد من هذا الشي اذا وقفت مقدمة السيارة موازية لأي جدار في الليل ,, المفروض تشوف خطين كأنهم علامة صح جنب بعض على الجدار , لكن مع الاسف الموتر مطلعه جديد وأشوف وأحد من الخطين فوق الثاني يعني ماهي موزونه !!
والحين الدور على اللاندكروزر حقات شركة أبو جميل !

[السنوي]

المشاركة الأصلية كتبت بواسطة أبوحمد

مشكور على المداخلة يالسنوي وموترك ما شاء الله 2007 واللي أنا عرفته أن هذا الموديل بالذات جاي زينون وكاله بدون تركيب أبو جميل !!

يعني أكيد بيكون واضح وموزون

الا على فكرة بما أن موترك وارد شركة جميل هل تلاحظ مثل ما قالوا الاخوان أن النور الواطي جاي قصير ؟

ولا أقصد أتهام الشباب ,, ولكن فعلا أنا ملاحظ أخفاق من شركة أبو جميل بالانوار

أنا حاليا أملك هايلكس 2006 ماخذه من الوكاله وفعلا أنواره ماكانت موزونه في الخط واحد منهم واطي وداخل على النور الثاني , وتتأكد من هذا الشي اذا وقفت مقدمة السيارة موازية لأي جدار في الليل ,, المفروض تشوف خطين كأنهم علامة صح جنب بعض على الجدار , لكن مع الاسف الموتر مطلعه جديد وأشوف وأحد من الخطين فوق الثاني يعني ماهي موزونه !!
والحين الدور على اللاندكروزر حقات شركة أبو جميل !

النور الواطي موزون 100 %

ولكن واطي شوي بس انارته ممتازة

من ناحية الرؤية ووضوحها وهذا لايعيبه

[أبوحمد]

ما شاء الله

الله يبارك لك بحلالك يالسنوي ويكفيك شره .

[السنوي]

المشاركة الأصلية كتبت بواسطة أبوحمد

ما شاء الله

الله يبارك لك بحلالك يالسنوي ويكفيك شره .

امين

وجزاك الله خير اخوي ابو احمد