[الولد@@@]

أولاً : السلام عليكم

لكزس IS300 ولا أفالون
شباب هذا استفسار وانا حطيته في القسمين عشان محد يتعصب لسيارته
وأبي جواب مقنع يعني مو كل واحد يمدح سيارته
وأنا دخلت قسم اللكزس ولقيت لها عيوب ودخلت منتدى الأفالون ولقيت لها عيوب
فياليت ألقى أجوبه مقنعة بالأدله((فضلاً لا أمراً))

ودمتم سالمين.

[أمير لكزس]

والله لكزس فخانة واداء على الطريق وتكلونوجيا اما الافالون بس مكينة

[راعي الإي اس]

مع كلام اخوي امير لكزس

الصراحة الافالون حلو لكن اللكزس احلى ولا فرق الصراحة

تحياتي :

[ابوفيصل]

اهلا بك عزيزي الولد@@@

والله يا اخي بالتأكيد اللكزس تتفوق في كل شئ

فخامة وتميز ومواصفات واسم وسمعة وصيانة خاصة عند الوكيل .........

لكن الافالون تتميز على IS في القومة والسرعة ، وانها اوسع وتناسب العائلة اكثر

اما اذا انت عزابي او متزوج جديد فتوكل على الله وخذ اللكزس

ومبروووووووووووك مقدما

اخوك / ابوفيصل

[ابوفيصل]

المشاركة الأصلية كتبت بواسطة أمير لكزس

والله لكزس فخانة واداء على الطريق وتكلونوجيا اما الافالون بس مكينة

الافالون مكينة بس !!!!

الله يسامحك امير لكزس

ظلمت الافالون والله

[إحساس خالد]

جربت السيارتين


الاي اس فخمه بشكل (ماشاءالله) يعيبها انها ضيقه فقط


------------------------

الافالون حلوه لكن والله ناقصها فقط شعار ( لكزس )

<*****< انصحك اذا انك ناوي على الافالون خذ لون لؤلؤي

[وااوأفالون]

أخوي إذا تفكر في اللكزس مالك إلا Ls460 غير كذا لاتفكر إلا بل إفالون
وجهت نظــــــــــــــــــــــــــــــــــــــــــــري وشكر لإصحاب اللكزس

[لكزس آي إس]

انا اقلك اخوي

صراحه لو كل واحد تبغاه يتكلم راح يمدح سيارتو اكثر
بالنسبه لي انا اشوف

اللكزس والافالون كلاهما يتميز عن الآخر بشئ
الافلون مكينه وقوه وشكل جذاب وجميل وعليها الوان تهبل بس عيبها ان مافيها شاشة ملاحه وسمعت من بعض الزملاء الذين يمتلكونها انها تطلع ريحه في مقصورة السياره اذا زادة سرعة السيارة بس كأني سمعت انهم عالجو المشكله هادي
وعندك كمان كبرها مشالله عليها عيني عليها بارده

نجي للكزس

صراحة مقارنه بالأفالون في الشكل الخارجي فأكيد اللكزس احلى
فيها شاشة ملاحه بالتوجيه الصوتي وعربي وانجليزي وغير كده عندك كامره خلفيه عشان لما تحب ترجع ريوس تشوف الشارع في الشاشه غير كده متماسكه على الارض بشكل جيد في المنعطفات
بس عيبها
ضيق المقصوره الخلفية للسياره ( هو مو مره ) الواحد يقدر يركب ورا بس اذا كان طويل راح يضايق شوي
المكان ورا يكفي لثلاث شباب او اربع اطفال او اثنين ضخام بس المشكله ليست في عرض المقاعد المشكله في موضع الاقدام اعزكم الله
بس اذا انت طولك مابين 160 الى 175 راح تكون مرتاح اما اكثر من كده فأعتقد راح تضايق شويه
ولا ننسى كمان ان اللي قدام يكون مقدم المقعده شويه

طبعا اللكزس قويه بس مو اقوى من الافلون ولا اقوى من الاوريون

ولاكنها تدخل حدود نطاق السرعه

وانشالله يدخلو عندنا في المملكة لكزس is350 واتحدى اقوى افلون ولا اقوى اوريون
وتنشالله يدخلو عندنا في المملكة لكزس is-f واتحدى بيها اقوى لومينا واقوى كابرس

وسلامتك

[كامري الزياد]

انا مانيب متعصب لاي سياره

انا كنت باشتري افالون

بس انا فيني عقده نفسيه اتوقع الى هي التدقيق بكل شي

مثل الى يقارن لكزس في افالون هاذا مايعرف يقدر السياره 100%

انا اقول لك اول نبدا بالصناعه الكزس يابانيه واتوقع انت تعرف الياباني
والافالون امريكي وانت تعرف مشاكل الامريكي

ثاني شي القطع الداخليه مقصوره الكزس من الداخل كلها جلد ولا يوجد بلاستك
الى حول الشاشه والازرار

الافالون البلاستيك كثير من التكايه الى المكيف تقريبا وانت لو تركبها بتلاحظ
والبلاستك يجي في السيارات الرديئه ومعروف ان السيارات الفارهه تقل البلاستيك فيها

والازرار والقطع الداخليه للافالون ضعيفه الصنع وهاذي الحقيقه
انا بس ابغاك تفتح الغطى حق السي دي والمسجل وتسكره وتعرف انت كل شي
وابغاك بعدها تركب لكزس اي نوع وتلاحظ هل يوجد بها ضعف مواد مصنعيه

ثالثا علامه لكزس تفرق كثير بالسعر واعرف اي علامه فاخره لها دور في رفع السعر

رابعا الانوار الاماميه معها غسال انوار الافالون مافيها وعدسه زينون الافالون مافيها عدسه
واخيرا
صدق او لاتصدق وزن الكزس is300 اثقل من الافالون وهاذى له دور بالرساوه
___________________
الافالون
1_مكينه قويه مااحد يعارض طبعا وانا اعترف بانها قويه
واتوقع لكبر حجم السياره تستحق هاذه المكينه ومناسب لحجمها

2_ المراتب مريحه جدا للفالون وصدقني نفس الراحه الى في الكزس is
للمقاعد الامايه
3_الافالون في الخلف كبيره جدا وتصلح للعائلات

والملاحظات على الكزس بالخصها

1_المراتب الخلفيه مشكلتها مكان الارجل اعزكم الله فقط صغيره مع التعود اتوقع تجي عاديه
والمراتب تركب 2كبار براحه تامه بعد التجربه وواحد بالوسط صغير
______________________
وانا مع اخوي لكزس اي اس وهو ذكر المواصفات الى انا ماذكرتها لانها تتكرر في كل موقع

[الولد@@@]

مششششششكورين شبااااب

[بات مان]

شف يا اخوي العزيز افالون كبيره ام اي اس صغيره انت قارنه با الحجم انا عنديلك الافالون افضل اي اس حلوه بس صغير واذا كنت محتار ماعندك الا انك تصلي صلاة الاستخاره

ويارب يعطيك خيرها ويكفيك شرها مقدما تحــــــــــــــــــــــــــياتي لك

[كامري الزياد]

صلاه الاسترخاره انا معك فيها

بس الفرق شااااااااااسع بين السيارتين

الافالون سعرها120الف الفل كامل
والكزس Is300 سعرها 138الف وحتى السياحي العادي 124الف
والافالون العادي ب99الف يعني حتى الاسعار ماتقرب جنب بعض

[اوريون جراندي]

لكزس والامر بالاول والاخر راجع لك.......

[دب بس سريع]

هذي اسم اللكزس وفخامتها حلوة مع انها صغيره ومقارنتك بها مع الافالون وحجمها اللي يخدمها غير عادله ( الافالون أوسع وحجم أكبر ) واللكزس هذي سبور

[دب بس سريع]

وبالاخير اذا تبي شوري الافالون أركد وأرسى شوي

[راعي شاص]

الis300 تندفع بالعجلات الخلفية وهذي بحد ذاتها ميزة ممتازة تفرق عن الافالون اللي هي جر امامي ومافيها نظام حفظ للتوازن .. وقطع الافالون غالية وقريبة من اللكزس .. ومع احترامي للأفالون وضخامتها المتميزه .. اللكزس تبقى أفضل مواصفات واعتماديه وتستحق فارق السعر لأنها بنظري مثل الشيك المصدق ..

[فريج جبله]

بإختصار

الأفالون أحسها للأبهات والعائلات أكثر من الشباب
اللكزس is300 سبورت فا أكيد مو وسيعة لازم ضيقة شوي من ورى..

انا عن نفسي بشتري iS300 الأني عزوبي وماراح أصير سايق لربعي حق نفسي وبنفس الوقت إذا ببيعها تييب لي سعر أما الأفالون قوية لكن بالتثمين اقل من سعر اللكزس.. وبالأخير كلهم ياباني

الأفالون للشخص العملي
اللكزس للشخص المحب للفخامة


وسلامتكم