[ابوصالح]

اخوكم في الله < كثرت فلوسه
فقرر ان يدخل السرور على نفسه ويطق له جوال محترم
فر من هنا فر من هناك شاف ان الموضه ان73 وان 80
لكن سمعت بمفاجاءه ومن وكالة يقولون
الي هي ان جميع او اي شي يبدا بحرف ان يسبب سرطان
فبحثت بقوقل وجدت العجب العجاب من كثير من المنتديات
واغلب صميم الموضوع يقول :
((
أجهزة جوال تسبب أمراض فتاكه ... تنبيه صحي !!!
انتشر خلال هذا الاسبوع خبر دار في جميع انحاء الكويت
عندراسه علميه اجراها المركز العملي للابحاث تثبت
ان الاجهزه (n70 و N73 و N80) مسببه لسرطان المخ
وقد تم اكتشاف 3 حالات بالكويت لديها سرطان بالمخ
وقد تمارجاع الاسباب لاستخدام هذه الاجهزه لانها ذااات
اشعاعات قويه وعاليه جدا جداجدا ............ ........
حيث انه تم اكتشاف 3 حالات سرطان في الكويت
يحملون نفس الجهاز وكان الورم منتشر فوق الاذن مباشرة
والله اعلم ))


فالي عنده خبر يقين لايبخل علينا

وشكلي برجع للبيجر

[عسكـــــريم]

الحمدلله ان جوالي N70 غرق في سطل مويه

انا اذكر اني كلمت بجوال نص ساعه وجاني صداع شديد جهة اذني اليسرى اللي كنت حاط السماعه عليها
بعدها قمت احوس بسماعات

الله يكفينا الشر يابوصالح....

[ابوصالح]

عسكريم صباح الخير
اجل تقول جالك صداع !! والله كأن السالفه جد !!
اشوف عروض على ان سبعين خصوصا وشدتني
لكن الظاهر غيرت الراي 360 درجه
تسلم ياباشا على طلتك المعهوده

[عسكـــــريم]

^
صباح النور بوصالح

بالنسبه للصداع جاني من جوال غيره مدري والله نسيت اسمه

اذا بتاخذ خذمعه سماعات اريح لك

[ابوصالح]

الله يستر

وعلى قولتك السماعات تخفف الضرر

[خفايا انسان]

الله يكفينا الشر

مشكور يابوصالح

[ويلي]

انا كان معي ان 70 والان ان 73 لاحظت فيهم وخاصة ان 73 اذا طولت بالمكالمه تحس بحرارة السماعة بشكل مو طبيعي

وصرت حاليا اكثر مكالماتي احطها على مكرفون

[ابوصالح]

اللهم امين
عفاك الله خوفو على الطله الحلوه

==
ويلي انا بعد سمعت من كذا شخص غير الحراره واحد يقولي اقرب ابره وتنجذب

والي يقولون نجيب جوالين ان ونقربهم لبعض ومع الذبذبات نسلق البيضه ....... بس تراهم راعين فقش

[عسكـــــريم]

ويلي

الحراره في كل الجوالات

ومثل ماقلت مالك الا سماعات

[نسكافيه]

عاد جوالاتي وش حلوها

N70 و N72

وحسيت بوجع في الراس يوم قريت الموضوع ههههههههههههههههههههههههههه

مشكوووووووووووووووووووووور اخوي على التنبيه

[لاندكروزراني]

هههههههههههههههههه

من تكلم اكثر من نص ساعة خخخخخخخخخ


هالجهاز استعملته ولا شفت فيه شي

[بو سعود]

ياشيخ

بلا هم

انا معي N73 كلمت فيه مرة مكالمة 3 ساعات وعادي

يعني يمكن لما تقفل تحس شوي ان اذنك توجعك بس بعدين يروح

واخوي معه N80 و24 ساعة يكلم خطيبته هههه (( يازين الخاطبين))

[ابوصالح]

والله شي طيب ومطمن
لكن كلام هالمنتديات خرطي يعني؟
وهو على كلامهم ليس سبب مباشر بل يزيد من نسبه الاصابه 20%
ومن اراد الاستزاده فعليه بقوقل

[حسونه]

لا حول ولا قوة لا بالله
كنت ناوي على 73

[نقطة بداية]

المشاركة الأصلية كتبت بواسطة ابوصالح

والي يقولون نجيب جوالين ان ونقربهم لبعض ومع الذبذبات نسلق البيضه ....... بس تراهم راعين فقش

لا صحيح انا شفت المقطع مره عند ولد عمي

[ابوصالح]

اصبر وتروى ياحسونه
انا مثلك
بس مبين الشغله ماتشجع شف كلام اخونا نقطه بدايه ايد هالنقطه

والله يستر

ومشكور يااخوان على المشاركه