[السـ(الناري)ـهم]

السلام عليكم

شخباركم شباب عساكم بخير ؟

من فتره ركبت جهاز اي بوت على سيارتي

وكل مره ابي انزل الموضوع اكون مشغول

اليوم حبيت انزل الموضوع وخذت كذا صوره على السريع

جهاز اي بوت تقدر تشاهد مقاطع فيديو افلام مسرحيات فيديو كليب وتستمع الى احدث الاغاني

بسم الله

نبدتي طريقة التركيب

اول شي نركب قاعدة الجوال وهي موجوده بأي محل بيع الجوالات وهو يجيك بانواع كثيره بس اللي ركبته

هو اللي يجيك مع حديده تركبه على البرغي الكرسي وهو ثابت تماماً وتقدر تتحكم فيه إلى الاعلى والاسفل

يمين يسار وحتى إلى الامام والخلف



بعدين ناخذ جهاز الاي بوت ونركبه على القاعده كما تاحظون انه في واير مركب على الاي بوت

الواير هذا انركبه على محول الكهربه الموجود داخل التكايه وهو يشابه شاحن الجوال حق السياره ولكن

توجد له وظيفتين الاولى يشحن الاي بوت والثاني وظيفه يشغل جهاز الاي بوت مع سماعة السياره تضبط

الموجة الراديو السياره مع الجهاز على نفس الموجه وتقدر تختار اي موجه انا اخترت موجة رقم 93،1



اهني صورة الجهاز داخل التكايه وموصل مع الكهربه وكما تلاحظون اني مضبط على موجة رقم 93،1

وهالجهاز ينباع بأي محل يبيع اكسسوارات جهاز اي بوت



واهني نضبط رقم الموجه الجهاز مع موجة الراديو السياره على شان يقدر الجهاز يشغل الاي بوت على

سماعة السياره



وهنا ينتهي تركيب الاي بوت والحين تقدر تشاهد مقاطع الفيديو وتستمع لحدث الاغاني وانا هنا قاعد اشاهد

استعراض وحبيت اصوره لكم



يمكن البعض يقول ان الواير طالع لي برع يمكن يخرب الشكل الداخلي

من هالناحيه انا اهتميت بالامر

شوف الصوره ومن عقب تشاهدون ردي



الجهاز لضبط الموجه بيكون داخل التكايه نظهر الواير من مؤخرة يمين التكايه وبعدين انصكر التكايه ولا

تخاف على التكايه سوف تغلق بأحكام والواير لن يتأثر ومن ثم ناخذ الواير وندخله بين الكرسي عشان يكون

خفي ومن ثم نمده لجهاز الاي بوت بس انا في الصوره سويته على السريع كنت مستعجل

والحين كل شي مرتب في السياره

واسمحولي على الاطاله

إذا في اي استفسار او ملاحظه او تعليق انا موجود

وتقبلوا تحياتي

السـ(الناري)ـهم

[الحـ(درب)ـب]

الصورة حلوة
انا اهم شي عندي ماتخرم السيارة
وانت الإستاند شكله طالع من تحت

يعني الله يعني اللي يمك

بس بصراحه

حلو طالع
بس ياريت الواير اسود

وتقبل مروري

[السـ(الناري)ـهم]

بخصوص القاعده بالعكس ما ينزعج منه مهما كان حجم اللي بيقعد على الكرسي لي انه بعيد عنه

[الحـ(درب)ـب]

المشاركة الأصلية كتبت بواسطة السـ(الناري)ـهم

بخصوص القاعده بالعكس ما ينزعج منه مهما كان حجم اللي بيقعد على الكرسي لي انه بعيد عنه

ماشاء الله على سيارتك اخوي

قاعد اشوف اشلون انت محافض عليها
ولين الحين الكيس على القير

شكلك بالتجمع الأخير مانبهت لسيارتي
كأنها موديل 98 من الوسخ
لو الجلد تغير
والجير الجلدة اللي يم التييك بدت تتآكل

صج اني دب

[السـ(الناري)ـهم]

الحمدالله

هاي كلها من نصائح أخوي الكبير

تقدر اتسوي نفسي تنظف الاماكن اللي فيها بقع ومن ثم لبسها بكيس بلاستيك

[فهد اليوسف]

الحررررركة جدا حلوة
بس كنا نتمنى من تويوتا
ان اي بوت يكون من السيارة وفيها
ودمتم

[السـ(الناري)ـهم]

ان شاء الله بسيارات تويوتا المستقبلية اتكون فيها هالخاصية

ومشكور اخوي على المرور والرد يعطيك العافيه

[سفاري الكويت]

ابي اعرف وين حاطط جهاز الموجات. يعني اوصله بأي ولاعة؟

[السـ(الناري)ـهم]

المشاركة الأصلية كتبت بواسطة سفاري الكويت

ابي اعرف وين حاطط جهاز الموجات. يعني اوصله بأي ولاعة؟

في سياره مكانين للولاعه كلهما ينفع بس الاحسن الموجود داخل التكايه (الدرج) لي انه تقدر اتصكر

والمكان المقصود فيه هو التكايه (الدرج) اتحطي الجهاز واتصكر عليه عشان ما يبين الجهاز

والمكان موضح بصوره التاليه

[أسير الهمسات]

شكله حلو وزين
وتشكر على الصور وفي انتظار المزيد منك

[وكراااوي]

فكرة الاي بود حلوة

بس القاعدة مالها داعي أخوي

في قواعد احلى وما تبان وما تلعوز الراكب اللي جنبك

انا بالنسبة لي ... ما استعمل قاعدة للاي بود ... عملي أكثر لأني انزل واطلع فيه ههه

[السـ(الناري)ـهم]

المشاركة الأصلية كتبت بواسطة أسير الهمسات

شكله حلو وزين
وتشكر على الصور وفي انتظار المزيد منك

العفووووووو اخوي

[السـ(الناري)ـهم]

المشاركة الأصلية كتبت بواسطة وكراااوي

فكرة الاي بود حلوة

بس القاعدة مالها داعي أخوي

في قواعد احلى وما تبان وما تلعوز الراكب اللي جنبك

انا بالنسبة لي ... ما استعمل قاعدة للاي بود ... عملي أكثر لأني انزل واطلع فيه ههه

بخصوص القاعده صح كلامك في قواعد انواع مختلفه ولكن هاذي خذتها على شان فوائدها

اول فائده انك ما تخبق عشان اتركب وسهلة التركيب وتقدر اتشيلها بثواني

وثاني فائده انها تتحرك جميع الجهات دون اي مشاكل يعني مثلا الي قاعد جنبك يبي يستخدم الاي بوت يحرك القاعده صوبه ويتحكم بالاي بود بسهوله

وثالث شي ما اتلعوز الشخص اللي راكب معاي لي انها بعيده عنه في الصوره اتبين انها اتلعوز بس في الحقيقه ما تلعوز احد بس تبي اتجرب ما عندي اي مانع