قبل يومين دخلت السيارة تشييك 5000 وبلغته بالملاحظات اللي عندي وكنت باصم انهم ما راح يسوون شيء ولكن عن قولة ان قلتلهم ....
الملاحظات :
1- المرايا الجانبية احياناً ترتفع فوق حتى يطلع صوت الطقطقة (وبالضبط تطلع اذا رحت مشوار وقت الظهرية ووقفت السيارة وبعد ساعة اركب واشغل تطلع الحركة هذي).
2- ضغط الماكينة ينخفض بشكل مفاجيء ويرجع طبيعي اذا كنت ماشي 140 تقريبا والضغط على 2 بعد ما ارفع رجلي عن البنزين الاحظه ينزل الى 1 واذا رجعت ودعست يرجع طبيعي ....
3- طقة القير بعد ما ارجع ورا واعشقه على الD وامشي بشويش اسمع طقة خفيفة من تحت الجانب الأيسر قلت يمكن اني موسوس لأني حساس بسواقة السيارة ولكن ما يمنع اني اقوله.
ورحت له أمس استلم السيارة وقالي كل شي طبييييييييييعي ياعمي تبي تفقع راسي كيف كل شيء طبيعي؟ قال تحصل كثير والمهندس كشف عليها ولا حصل شيء غريب ... قلنا يالله نمشيها ...
وقلت كم الحساب؟ قالي: 120 بعد التخفيض. قلت يالحبيب الشباب سووا نفس الصيانة بفرع القدس والعليا وكلهم اما 86 أو 95 وش اللي فرق هذولا عنكم الا كان الزيت اللي هنا غييييييييييير المسألة ماهي فرق فلوس ولكن ودي اعرف كيف النظام ماشي عندهم ... هذا اذا كان فيه نظام اصلاً
والله ياشباب قالي بالحرف الواحد فرع القدس يعتبر فرع صغير والمهندس اللي فيه من الفئة C أو B عشان كذا ارخص ولكن اللي عندنا من فئة A وبكذا نكون أغلى منهم بشوي
ياعمي وش فئة A والا M الدعوة كلها تغيييير زيت أطرف يماني يغيرها وبعدين وش ذا الكلام هنا مهندس احسن من هناك يعني انت شركة واللي هناك شركة ثانية .......
قلتله ابغى رقم المدير الإقليمي المسؤل عن الصيانة ... قال ابكلم عليك واعطيك اياه .... قلت ايه هين طبعاً تطنيييييييييييش ما راح يكلم ....
فالله لا يهينكم يا شباب اي واحد يعرف رقم مسؤل صيانه بيده حل وربط يرسله لي
وخلونا نتعاون ضد هالشركة اللي همها تلهم اللي بجيب الزبون .... وعندي احساس ان الشركة الأم حصلت حل لمشكلة الهواء ولكن الشركة تنتظر الين يخلص الضمان ويقولون لك ترانا حصلنا الحل وبيكلفك 2000 ريال مثل ما حصل مع واحد من الربع .....
والله يخوي انصحك لاتسكت على الخربات الي في موترك بعدين موترك جديد وموهب هونداي تراه لكزس وهذي قويه بحق لكزس بعدين اتوقع لو تدري الأداره الام ماراح تسكت على المصري
بس يخوي للأسف موهوب عندي الرقم ولا كان من عيوني لأعطيك اياه
3- طقة القير بعد ما ارجع ورا واعشقه على الD وامشي بشويش اسمع طقة خفيفة من تحت الجانب الأيسر قلت يمكن اني موسوس لأني حساس بسواقة السيارة ولكن ما يمنع اني اقوله.
الله يكون بعونك اخوي .. بس حبيت أوضح لك المشكلة الثالثة الطقة هذي طبيعية في جميع سيارات لكزس وتويوتا اللي فيها أنظمة ABS وVSC زيها زي الأفالون والأوريون وجميع سيارات لكزس وهي عبارة عن فحص ذاتي للتأكد من سلامة عمل النظام في بداية تحرك السيارة
وموضحة في كتيب السيارة لو ترجع له
ما يضيع حق وراه مطالب
يااخ سامرف انصحك ما تسكت ابدا
ياعمي واجب عليهم يصلحون اي خلل في فترة الضمان
واذا شفت المهندسين غير مهتمين ما لك الا مدير الصيانه في الفرع
او فرع عبداللطيف جميل الإداري بالمنطقه
بس عندي لك مشوره
ليش ما تطلع وكالة لكزس بالبحرين وشوف اش عندهم
فرع الهدى بالخبر أفشل فرع .......
لي معهم تجارب مريرة و عليهم معاملة زي الزفت
أنا فحصت عندهم أكثر من فحص و كل مرة يسير لي معهم موقف يقهرررر
آخر مرة أستلمت السيارة محكوكة من قدام
طبعا ما سكت..لكن يقهرني تعامل اللي يستقبل السيارة كأني أشحذ منه .
بس الشهادة لله الفروع الثانية تعاملهم محترم و أعتقد لو يشيلون موظف اسمه الخطيب
يسير الفرع أزين فرع..
أخوي أفالون خاص يسلملي مرورك وعسى إن شاء الله يكون الصوت اللي اسمعه طبيعي .... مشكلتي حساس بالسواقة
المستقبل الماضي مشكور على النصيحة وإن شاء الله لي زيارة لراديتو .... شرفني مرورك ....
بإختصار لكزس و المكيانيكي تسلمون على المرور ..... شيء يبط الكبد والقهر ان شعار ابو جميل "اللي ماتطوله بيديك تطوله برجليك"
م.طموح راسلت الشركة العالمية في أمريكا وردوا علي ان ما نقدر نخدمك طالما ما راجعت الوكيل ... رديت عليهم ياحبيبي الوكيل اللي عندنا نعال "الله يكرمكم ويكرم القراء" ردوا علي بالرفض.
المهذب هذا والله عشمي وأتمنى من كل واحد يواجه مشكلة إنه يقلق إدارة ابو جميل ويراسل شركة لكزس اليابان وإن شاء الله احاول اجيب طرق الاتصال مع الشركة "لي زميل يشتغل في اليابان ابراسله واجيب العلم"
عزيز ع ع ض أنا اول مرة ازور صيانة الفرع ... وما حصلت عندهم شيء الا سالفة فئة A
ياشباب الرياض ما زلت منتظر منكم وين المركز الريئسي عندكم؟؟؟؟؟؟؟؟؟
الله يعينك اخوي وييسر امرك والفرع الرئيس هو العليا
مشكور يا مهندس صالح
وازيدك من الشعر دبلكس اليوم وانا طالع الظهرية في هالبراد يالله من فضلك -درجة الحرارة 48 والرطوبة 2000 شيء يجيب القرف - انتقلت عدوى مراية السواق للمرايا الثانية وصارت كل الثنتين طالعين فوق واللي يبدو لي انها مشكلة برمجة .... والعلم عند الله ......
ياعمي تبي تفقع راسي كيف كل شيء طبيعي؟ قال تحصل كثير والمهندس كشف عليها ولا حصل شيء غريب ... 
قلنا يالله نمشيها ...
المسألة ماهي فرق فلوس ولكن ودي اعرف كيف النظام ماشي عندهم ... هذا اذا كان فيه نظام اصلاً 
)
