[محتار!!]

السلام عليكم ورحمة الله وبركاتة ..

شباب طلبتكم لاتردوني
كلي طموح وامل في ان يصل الموضوع لاكبر عدد
من الردود ..

اول شي .. انا عضو جديد اعجبت بما يقدمه المنتدى من ترابط اعضاء
وعمل رائع من قبل الاداره ..

ثاني شي ..
وبعد محاولات جاده مع شايبنا العزيز ..
قررت اشري افالون 2007 ..
بنظام التأجير المنتهي بالتمليك من عبداللطيف جميل ..

سعر الموتر كاش ( 120000 ) رغم اني شايفه قبل فتره بنفس الوكاله بـ 117000 !!
وبنظام التقسيط .. بيطلع علي بـ ( 168000) دفع على اربع سنوات !!

هذا سعر عبداللطيف جميل الي بالسويدي ( طبعا السعر ماشي على كل وكالات المملكه )
فما ادري كم سعر معارض النسيم والشفا ؟؟
ولو خارج الرياض ..

بالله كل واحد يعطيني سعر الافالون باي معرض ..
هل فيه اقل من 120000 ولا لا !!

لو في شروره ..
عطوني بس اسم المعرض وسعره وادز له ..

وهل يقبلون تقسيط ولا لا !!

يعني حرام هالمبلغ يروح بموتر مايعجبني ..

فاتمنى من الاخوان الرد علي ..
هلي يستاهل ادفع هالمبلغ على افالون !!

وهل يستاهل المرمطه والبزوطه عشان افالون !!

وفوق هذا .. اذا شريت افالون 2007 بذيك العده !! هل بيتغير شكلها ؟
ومتى بيتغير !! ومتى تنزل 2008 ؟

واذا نزلت 2008 هل بيطيح سوق الـ 2007 ولا لا
يعني انا انتظر ولا اشري واتكل على الله ..

وسؤال اخر ..

انا ميزانيتي 120000
هل فيه موتر افضل من الافالون بهالسعر ؟؟






اتمنى من اهل الخبره الرد ,,
واتمنى ايضا ان يبتعد الاخوان عن التعاطف مع الافالون
بحكم انهم يمتلكونها ..
ترى السالفه 120000 الف .. مهوب لعب عيال

والله لو تدرون وشلون قاعد اسحب ورى الشايب ان تذرف عيونكم دم مهوب دمع :d
يعني ردودكم بتحدد مسيرة ( 5 ) سنوات قدام ..


انتظر الاجابات ..
واي شي عن الافالون تتوقعون بيفيدني اسدحوه هنيا ..

واسف ع الاحراج الي سببته بكثرة طلباتي ..


كلي شكر وعرفان لما قدمتوه
<***** معسكر ع الموضوع لين يقرا الردود ..



اخوكم محتار بقوه :d

[م.أنس]

الله يوفقك يارب ويعطيك على قد نيتك .. ومبروك مقدماً عزيزي سواءً كانت سيارتك المستقبلية أفالون أو غيرها من السيارات ..

بالنسبة لموضوعك أقول :

أولاً تذكر انها تويوتا .. وانظر إلى سيارات تويوتا موديل 2002 وكيف هو حالها الآن بحكم اننا في عام 2007 .. أي مضى على استخدامها 5 سنوات ..

وماهو سعرها في معارض السيارات ؟؟ ..

اتوقع غالباً ستكون جيدة .. فما بالك لو كانت هي تويوتا وبمواصفات راقية .. كالإقتصادية في البانزين وقطع الغيار مقارنةً بلكزس وسيارات نيسان ..

إضافة الى ذلك فهي مريحة جداً وتحمل جميع مواصفات الفخامة التي يحلم بإقتناءها أي شخص ..

وايضاً فهي تتميز بالمساحة الكبيرة ..

واخيراً اقول لك عزيزي ..

لو وجدت سيارة بسعر 120.000 ريال وتحمل مواصفات أفضل من مواصفات الأفالون ..

فأنا اقول لك غض النظر عن الأفالون وخذها ..


اتمنى لك التوفيق عزيزي ..

[محتار!!]

ماقصرت استاذي
م.انس

رد رائع ويعني لي الكثير
كثر الله من امثالك

بس للحين مادري من وين اشريها ؟؟
هل فيه ارخص من الوكاله ولا لا

يعطيك العافيه ولا عدمنا تواجدك يامشرف ..

بانتظار باقي الردود

[الحـ(درب)ـب]

اولا
بقولك شي واحد
اذا دبرت فلوس الأفالون
خذ افالون وبس

ثانيا

ماعد في ثانيا

وتقبل مروري

[عبد المجيد محمد]

اخوي انا شايف واحدة في معارض النسيم فبل فترة بـ 116 الف تقريبا موديل 2007 .. بس ما ادري هل عندهم تقسيط والا لا .. لكن حتى لو كان ما عندهم تقسيط رح لاي بنك وخلهم يشرون السيارة اللي تبيها ثم يقسطونها عليك والحمد لله اولا واخرا..

لكن نصيحتي لك ان تنتضر حتى نزول 2008 ويصير عروض على 2007 ويمكن يوصل سعرها الى 108 الف ريال ..
حافضك الله ؟؟

[خلدوون]

كلها شهرين وتنزل 2008 لان في الغالب تنزل في رمضان

لان فيه اختلافات بسيطه مثل الجنوط والوجهيه وزياده في المواصفات

فمن رأيي تنتظر منت خسران شي

اذا كان سعرها غالي راح تلقى عند الوكاله 2007 باقل من سعره الحالي بيكون ارخص بكثير من الحين

وبكذا ضربت عصفورين بحجر

وحتى تبعد عن الحسايف اخاف لو اخذت الحين 2007 وتجي 2008 وتندم من جد قهر

خصوصا انها سياره بتجلس معك 5 سنوات

فعلشان كذا انتظر لو شفت 2008 وما حسيت فيها اختلافات وتبي 2007 بتكون وفرت كثير
لان اكيد راح يكون سعرها اقل لان الوكاله تبي تصفيها

وبتكون في هذي الحاله كسبان

وللمعلوميه الأفالون راح يتغير شكلها كامل في 2010

والله يكتب إلي فيه الخير

[نــــاصر]

انا انصحك تنتظر لين تنزل موديلات 2008 احتمال تكون تغييرات بسيطة

وشي أكيد بتنزل اسعار الـ 2007

إذا كانت التغييرات مفيدة لك تاخذها وانت مبسوط مهوب تاحذ السيارة الحين وبعد شهرين تنزل الـ 2008 بتغييرات كثيرة ويرتفع ضغطك

ولو تاخذها بنظام التقسيط عن طريق البنوك بتكون نسبة الفائدة أقل من الوكالة

وأفضل لك

وعلى العموم الف مبروووك مقدماً

[فهد اليوسف]

استاذي العزيز (( محتار ))
تحية طيبة وبعد
سعر الموتر كاش ( 120000 ) رغم اني شايفه قبل فتره بنفس الوكاله بـ 117000 !!
هذا سعرة قبل لا يسوي أبو جميل العروض الي سواها
لأني انا شاريها ( ( 117000 ) ) وقت العرض

(( نصيحة ))

ابعد كل البعد عن المعارض لكي لا تقع بلاشكالية التي وقع فيها أحد الاعضاء
قبلك

((هلي يستاهل ادفع هالمبلغ على افالون !!

وهل يستاهل المرمطه والبزوطه عشان افالون !!))
صدقني مو عشان نملك هالسيارة نبي نطيرها لك بالنجوم
السيارة بكل بساطة ررررررررائعة
وبعدين يا عزيزي استأجر وحدة من محلات الايجار لمدة يومين
و(( مرمط )) أمها لكي تقتنع !!!

وفوق هذا .. اذا شريت افالون 2007 بذيك العده !! هل بيتغير شكلها ؟
ومتى بيتغير !! ومتى تنزل 2008 ؟
حسب ما ذكر من بعض الاعضاء هناك تغييرات جوهرية بالموتر انتظر
كلها شهر ويبين كل شئ

انا ميزانيتي 120000
هل فيه موتر افضل من الافالون بهالسعر ؟؟
السيارات كثيرة بس مو 120000 الف إذا بغيت مثل مواصفات الافالون
ماراح تلقى بأقل

وخير الكلام ماقل ودل
افالون اتحدى فية سيارة بقيمتها وبجمالها وروعتها
وغير ذلك كلة انها (( تويوتا ))
واستخر رب العالمين قبل كل شيئ

ودمت لنا

[متعب الليل]

السلام عليكم


عزيزي أنا نفس مشكلتك كنت محتار وهذا الرابط فيه اخر الاسعار والفرق بينها التي رأيتها لعله يفيدك

من يفتيني محتاااااار جدا جد ــــ وأيضا هناك بعض الأسئلة فقط لخبراء أفالون

[الـــراقـــي]

نصيحتي لك

ابعد ابعد ابعد عن المعارض

خذها من واحد مجرب

[أبو ريان]

ما أزيد عن كلام أخونا م. أنس شي

بس فيه عندي ملاحظتين

1- بالنسبة للأسعار (( أغلب البائعين يبوعونك السيارة بالتظليلة والبلوتوث)) وهذي تزيد في قيمة السيارة 3 آلاف ريال وهي ما تستاهل (( البلوتوث ما أتوقع انه مجدي في الأفلون ... التظليل العازل غالي بألفين ريال .... انا مظلل في لومار بـ 1100 ريال ))

2- انت قلت انتك بتشتري بنظام التقسيط او التأجير المنتهي بالتمليك ... وأنا أنصحك يا عزيزي تسوي مثل ما سويت ... أخذت المبلغ اللي معي .... وكملته بـ قرض من البنك ... ووفرت أكثر من 15 الف ريال اللي بأدفعها في نظام التأجير المنتهي بالتملك غير مرمطة التسديد وتجديد التفويض ودفعه أخيره وغيره من المرمطة

3- زي ما قالوا الأعضاء ... اصبرلك شهرين وشف وش بيصير على موديلات 2007

4- من رايي تشتري أفلون البازعي أصرف

[نسكافيه]

شوف اخوي

دامك ناويها تقصيد تقصيد

حرام تروح في تاجير منتهي بتمليك

خذ لك قرض بقيمة السيارة من بنك ساب

حسب ما سمعت فوائدهم اللي بياخذونها 2%

يعني لو نقووول انك بتاخذ 120 الف من البنك

+2% = 122400

يعني فايدة 2400 حلوة

وبعدين فيه فرق بين 2400 و 48 الف

والراي رايك

والافلون سيارة حللللللللللللللوة

بس انا حاط اوريون وابي اوريون لان ميزانيتي ما تتعدا ال100 الف ولاني توني شباب (17 سنه بسم الله علي) <*****<***** دخل غلللللطططططططط في الموضوووووع

ههههههههههههههههههههههههههه

فالاوريون احسن لي من الافلون

لكن باين انك انسان عاقل وتوك مخلص جامعه <*****<***** حللهاااااااااااااا

ههههههههههههههههههههههههههه

معليش طولتها

ترا حقين السويدي اللي على الدائري نصابيييييييييين قسما بالله

رحت عند واحد قلت ابي اسعار الاوريون

قال لي بدون نافقيشن 100 الف وهي اصلا ب97

اللي بنافقيشن 111 الف وهي ب108

ما عليك منهم يا رجال وسع صدرك

وزي ما قلت لك وانا اخوك والراي رايك

[وكراااوي]

المشاركة الأصلية كتبت بواسطة نسكافيه

شوف اخوي

دامك ناويها تقصيد تقصيد

حرام تروح في تاجير منتهي بتمليك

خذ لك قرض بقيمة السيارة من بنك ساب

حسب ما سمعت فوائدهم اللي بياخذونها 2%

يعني لو نقووول انك بتاخذ 120 الف من البنك

+2% = 122400

يعني فايدة 2400 حلوة

وبعدين فيه فرق بين 2400 و 48 الف

habibi
not like that they calcculate the interest
2% is compunded interest
simple interest doesn't exist in the world
so the payment will be around 35000 -40000
not 2400 interest !!!

[نسكافيه]

المشاركة الأصلية كتبت بواسطة وكراااوي

habibi
not like that they calcculate the interest
2% is compunded interest
simple interest doesn't exist in the world
so the payment will be around 35000 -40000
not 2400 interest !!!

ترجمة النص

حبيبي لا يظهر انها كالكولاتي الفاءده 2 ٪ كومبونديد مصلحة بسيطة لا يوجد في العالم ما دفع ستكون حوالى 3500 -40000 ليس 2400! !

حبيبي وكراوي

قوقل ما ترجم لي صح هههههههههههههههههههههههههه

وما فهمت شي

انا اتكلم عن التقصيد وفرقه عن التاجير المنتهي بالتمليك

التاجير بياخذون عليه فايدة 48 الف

شوف سعر السيارة 120 الف

وبتطلع عليه ب168

يعني فائدة 48 الف

فيه بنك عندنا ومعروف عالميا اسمه ساب

هذا يقولون والله اعلم <*****< وانا ما اكدت 100% قبل كذا

انهم ياخذون فايدة على اي قرض 2%

يعني اذا كانت السيارة ب120

فراح تكون الفايدة 2400 ريال بس

يعني بتطلع عليه ب122400 ريال

فهمت قصدي

[وكراااوي]

المشاركة الأصلية كتبت بواسطة نسكافيه

ترجمة النص



حبيبي وكراوي

قوقل ما ترجم لي صح هههههههههههههههههههههههههه

وما فهمت شي

انا اتكلم عن التقصيد وفرقه عن التاجير المنتهي بالتمليك

التاجير بياخذون عليه فايدة 48 الف

شوف سعر السيارة 120 الف

وبتطلع عليه ب168

يعني فائدة 48 الف

فيه بنك عندنا ومعروف عالميا اسمه ساب

هذا يقولون والله اعلم <*****< وانا ما اكدت 100% قبل كذا

انهم ياخذون فايدة على اي قرض 2%

يعني اذا كانت السيارة ب120

فراح تكون الفايدة 2400 ريال بس

يعني بتطلع عليه ب122400 ريال

فهمت قصدي

LA ELLAH ELA ALLAH
Please guys, someone translate for him

this 2% interest is simple, which doesn't exist in reality
all banks takes compounded interest, so the 2% will not be (.02 X 120000) no!! it will be claculated in a formula

otherwise, everyone in the worl will come to your bank saab

i hope someone here know english and translate for you

because seriousley, i'm at work and my PC doesn't have arabic letters.

Take Care

[السيف الهلالي]

أفالون أخوي وانت مغمض ... بدون منااازع ماشاء الله تبارك الله ...


ان كان تبي سيارات فخمه بسعر الــ 120 الف ...عندك المقاسات الصغيره من مرسيدس بنز وبي ام الفئه الثالثه ...


ومرسيدس كمبروسور .. اعتقد .. لكن القوه لصالح الأفالون ...


وعندك الفولفو وعندك الاودي A4


بس يا اخوي كلها المانيه .. يمكن تمشيك 5 سنوات لكن باستخدام نظيف جدا جدا جدا

وقطع غيااار نااار



فالأفضل بلا منازع افاللوووون حتى التصميم والديزااين روعه ..

والداخليه فياقرا .. لا تتردد ^_^

بالنسبه لباقي اسألتك مالي علم فيها حبيبي ..




بالنسبه للأخ نسكافيه اللي ناشبلنا بنيسان اريبيا ^_^ ههههههه امزح معك حبيبي

يقول الرجال انها ما تنحسب كذا لو كان كذا كان العالم كله جا للبنك تبعك سااب ...

هي ما تنحسب بطريقتك لها حسبه ثانيه والله كنت اعرفها بعدين نسيتها انا ...


عموما فلها وربك يحلها ^_^ وهات كوب نسكافيه يا حلو خخخخخخ