[أبيض غامق]

يا اخوان من يوم شريت الأفالون و الرجة موجودة و الصوت يا سلام !!! و الفرامل زفت ( أكرمكم الله ) وفوق كل هذا تشقق واضح في الكفرات
وش السالفة اللي اعرفة ان تو يو يابانية !!!
لكن و الله ما اشتري مثلها ولو كانت حقت وكالتها
غيرتها ببرجستون و ياسلام اختفت الرجة و الصور و تحسنت الفرامل
أي واحد معه افالون لازم يشيك على الكفرات و يا ليته يغيرها في أسرع وقت مع انها تكلف أكثر من 2000 ريال لأنها عريضة و رياضية

[ابوفيصل]

الغريب ان كفرات تويو هي نفسها كفرات اللكزس 350 ES بالمقاس

اما بالنسبة للبرجستون فهي كفرات ممتازة وسمعتها معروفة عالميا لكن بصراحة ركبتها مرة على الافالون وما عجبني شكلها ابدا

المرة القادمة ناوي اجرب اليوكوهاما بإذن الله لان بعض الشباب مدحها لي

تحياتي لك على الموضوع

[وااوأفالون]

إن شاء الله رايح أغير يوكاهاما أشوفه أفضل من غيره
وشكــــــــــــــــــــــــرا

[هامور المستقبل]

حبايب قلبي جربوا ميشلان وبرلي وبعدها قلي ايش الفرق

[الحـ(درب)ـب]

انا مع اليوكوهاما
من رغم ان لين الحين مركب التويو- والرجة معدومة (( الحمد لله))

لان البرجستون في منه تقليد وتصنيع خارج البلد المصنع الأساسي

[المحب بلا حدود]

هلا بك يابيض غامق انا ناوي اركب بريجستون على سيارتي ابيك تفيدني كم المقاس اللي ركبته وكيف السياره من حيث الثبات والله لايهينك اذا تقدر عالخاص

[هلالي شقراوي]

يعطيك العافيه على المعلومه وظاهر ان تشقق الكفر لأنك ماخذ الكفر تاريخ قديم والرجه اطوقع لو ترصص الكفرات كان تروح

[نــــاصر]

انا حسيت بالمعاناة الي صارت لك


وغيرتها وركبت ميشلان ياخي فرررررررررررررررررق

[بورغد]

مشكور ياابيض غامض لو تقدر اتنزل صور الكفرات علشان انشوف التشكيله على الرنجات

[الفهاد]

والله يابعي اذا انت راعي خطوط ومشاوير مالك الا البيرلي اما اذا انت موراعي خط
فيه كومهو كوري بس جيد انا ركبته عبره لكن طلعوا 100%100 رساوه وصوت التويو اختفى الله يقرف التويو

[المــمـــيــز]

تويو معي زي الزفت الله يكرمكم


تصريخ وتزلق وتتشقق بسرعة مع انها ما كملت سنة ال قبل شهر ومشيت على السيارة بس 30الف


وكل لفة تصرخ تصريخ يفشل من جد واي دعسة خفيفة تصرخ مكانها انا قد جربت البرجستون على سيارتي


الاولة واخذته من الوكالة ونفس المقاس تقريبا سعرها 480او 450 وخطتها كانت مرة روعة ولا اصوات


ولا تصريخ حتى بعد ما تمسحت مافية اصوات ولا رجة وان شاء الله خطتي القادمة برجيستون

[مااحب النصر]

شباب وين موقع وكاله برجستون بالرياض

[ميلاني للأبد]

يا شباب أحسن كفرات يوكوهاما تقعد معي شخصيا من 3 إلى 4 سنين مع إني مساك خطوط

[البروفسيور]

التويو كفر جيد وناعم على المطبات وهادي جدا من اقل الكفرات صوتا ولكن عيبه انه مايعمر طويلا عمره الافتراضي قصير ومافي شي كامل

[تويـ وبس ـوتا]

السلام عليكم
من تجربتي الشخصية انا اركب كفرات هانكوك الكورية والحمد لله ماشفت منها مشاكل مع العلم اني راعي سرعة وسفريات بس اني مستحيل اخليها اكثر من سنتين

[سفاري الكويت]

وانا قلت من قبل لاحظت السيارة ممشاها مو مضبوط واكتشفت ان التاير مشقوق قلت للوكالة
طبعا كان الرد "ما فيهاش حاجة"
وانا كعب داير من مدير الى مدير
وبالغصب غيروا لي تاير واحد....وهاذي اهي السيارة نفس الرجة والنفضة " عنبر أخو بلال"
والحين يا شباب معقول ان السيارة ماشية 8000 كيلو اغير توايرها؟

[الله يعين]

اسعد الله اوقاتكم بكل خيـر ،،،

بصراحه انا استعلمت كفرات كثيره والله لمختلف انواع السيارات ،،،

بس عجبتني فالكـين الكوريهـ .. بصراحه جودتها عاليـه والله وسعرها منآسب ،،،

فـ مادري اذا تناسب الافالون او لأ .. بس بشكل عامـ جيييييدهـ وتستحق الاحترام ،،،

وتحيــاتي ،،،