[عليك لمبه]

هلا وغلا اخواني انا ركبت اشارة مرايه وليتني ماركبت .. لان عندي صوت في نفس المرايه زي التصفير خفيف .. من جهة المرايه اليمين فقط .. ومدري وش المشكله علما بان السياره قبل لااركبها ماكان الصوت موجود .. ساعدوني وش اسوي .. حتى ان الوكاله عيال الكلب نسو يشبكون سلك الطاقه اليمين .. والمرايه وقفل الباب ورجعت وركبوه .. اظافه ان الصوت موجود وقلت يمكن يتورالي وانتظرت كم يوم ولا زال الصوت موجود .. الي معه كامري جي ال وركبه يقولي في صوت وحتى الي معه جي ال اكس وشاريها وهي فيه يقولي في صوت مع الشكر افيدوني افادكم الله لكل خير

[كااااااااااامري]

اولا عل بركه المرايات
وبعدين اخوي لو من الاساس شاري لك جي ال اكس ازين لان الفرق مو كثير
وبالنسبه لصوت انا موتري جي ال اكس والحمدلله مافيها صووت في المرايه
وبالتوفيق

[صرموح]

المشاركة الأصلية كتبت بواسطة عليك لمبه

هلا وغلا اخواني انا ركبت اشارة مرايه وليتني ماركبت .. لان عندي صوت في نفس المرايه قويه وزي التصفير.. من جهة المرايه اليمين فقط .. ومدري وش المشكله علما بان السياره قبل لااركبها ماكان الصوت موجود .. ساعدوني وش اسوي .. حتى ان الوكاله عيال الكلب نسو يشبكون سلك الطاقه اليمين .. والمرايه وقفل الباب ورجعت وركبوه .. اظافه ان الصوت موجود وقلت يمكن يتورالي والسياره كم من يوم معي ولا زال الصوت موجود .. الي معه كامري جي ال وركبه يوقولي في صوت وحتى الي معه جي ال اكس وشاريها وهي فيه يقولي في صوت مع الشكر افيدوني افادكم الله لكل خير

بعتبرها نصيحك منك ولاني مركب

كنت افكر فيها سابقاً

[حبيتك يا كامري]

بصراحة يوجد صوت لاكن مهب ذاك الصوت المزعج على خفيف
سئلت مهندس بالوكالة سوداني
عند التشييك 1000كيلو
قالي عادية قعد يتفلسف يشرحلي نظرية للمراية السيارة

[شرق]

نصيحتي لك انه مع اقرب تشييك تدخل على مدير الصيانه وتسحبه معك للسيارة وتقوله ان الفلوس ماني لاقيها بالشارع وكبر السالفة وسو مشاكل بالفرع وصدقني بهذي الطريقه راح توصل لحقك. لأنه اكثر موظفين عبداللطيف يتكلمون معاك من روس خشومهم ويزمرون عليك , وبس انتبه تعطي اي واحد فيهم وجه, ومن حقك ترفع صوتك عليه بالحق.

[عليك لمبه]

^
^
^
^
هلا والله .. بس مشكلتي لاعب في الكامري لعب .. اول شي السياره جي ال ومغيير جنوطها لجي ال اكس ومركبلها ستارة جي ال اكس .. وكشافات وحتى العلامه مغيييرها .. اخاف يوقف في وجهي ويقول اني لاعب في مواصفات السياره .. وش رايكم !!

[عليك لمبه]

المشاركة الأصلية كتبت بواسطة صرموح

بعتبرها نصيحك منك ولاني مركب

كنت افكر فيها سابقاً

صدقني لاتخاف انا الصوت عندي يطلع بعد ال60 تقريبا ... وبعدين من الجهه اليمنى فقط يعني اليسار عسل .. الفني حسبي الله عليه نسى يشبك اسلاك الباب الايمن كلها شامل الطاقه وقفل الباب وتحريك المرايه .. يعني خطأ في التركيب واكيد ماركب غطى المرايه صح ولو ان شكله تمام يمكن من جو في غلط ..

[عليك لمبه]

المشاركة الأصلية كتبت بواسطة حبيتك يا كامري

بصراحة يوجد صوت لاكن مهب ذاك الصوت المزعج على خفيف
سئلت مهندس بالوكالة سوداني
عند التشييك 1000كيلو
قالي عادية قعد يتفلسف يشرحلي نظرية للمراية السيارة

اترك عنك صوت الطاقه هين هو موجود في اي كامري .. هذا طبيعي .. يمكن الكلام السابق هو الي يقصده السوداني .. لكن الموطبيعي الصوت الي عندي تصفير كانك تارك الطاقه مفتوحه شوي مثل هالصوت قاعد اسمعه .. وطبعا صادر من اشارة المرايه اليمين فقط الله لايهينك دقق وقلي نفس كلامي ولا لا .. حسبي الله عليهم ونعم الوكيل

[حبيتك يا كامري]

المشاركة الأصلية كتبت بواسطة عليك لمبه

اترك عنك صوت الطاقه هين هو موجود في اي كامري .. هذا طبيعي .. يمكن الكلام السابق هو الي يقصده السوداني .. لكن الموطبيعي الصوت الي عندي تصفير كانك تارك الطاقه مفتوحه شوي مثل هالصوت قاعد اسمعه .. وطبعا صادر من اشارة المرايه اليمين فقط الله لايهينك دقق وقلي نفس كلامي ولا لا .. حسبي الله عليهم ونعم الوكيل

اها فهمت عليك
سوري ياخوي :d
بصراحة ما اسمع صوت الصفير اللي تقول عنه
لا اوصيك فيهم بالزنوبة انا اخوك
ورهم العين الزرقا
طيب الغلط من عندهم يعني ماراح يردولك اي طلب
تقبل مروري ياجميل

[صرموح]

المشاركة الأصلية كتبت بواسطة عليك لمبه

^
^
^
^
هلا والله .. بس مشكلتي لاعب في الكامري لعب .. اول شي السياره جي ال ومغيير جنوطها لجي ال اكس ومركبلها ستارة جي ال اكس .. وكشافات وحتى العلامه مغيييرها .. اخاف يوقف في وجهي ويقول اني لاعب في مواصفات السياره .. وش رايكم !!

بكم ماخذ الجنوط

[عليك لمبه]

ياطويل العمر ماخذها من محلات في الغرابي .. محل اسمه الشرف .. راعيها الاول بدلها مع امحل بجنوط نيكل واخذتها ب1400 مع التركيب تقريبا جديده ومركبها من شهر وطبعا الوكاله لا يعلى عليها سعرها ب 2200 من غير تركيب بعد ( شين وقوي عين ) وبالتركيب 2600 او 2500 فهالحدود والله اني ناسي ..

[عليك لمبه]

عرفت الصوت ليش طلع غطا المرايه يمين فيه فتحه ومع السرعه اصطدام الهواء يطلع الصوت لرجع لسوري ولاحوسه هو ووجه الي يبي يجي مع حياه الله .

[لورد قطر]

أنا مااقدر أخدمكم في الموضوع بس أبي أسأل عن شيء ألا وهو أن أنا سيارتي جي أل أكس بس مواصفاتها غير عن إللي أسمعه منكم هي الكامري تختلف من السعودية لقطر ؟!! أنا ما عندي أشارة على المرايات الجانبية ولا ستارة اللهم خشب تيك وسيدي وفتحة ورنجات المنيوم 15 وتحكم السيدي في السكان وسنسور خلفي هل عندكم يجي بنفس المواصفات؟

[عليك لمبه]

اميد يالورد لان الاشارات من تريكب الوكيل ومهي يابانيه بس عادي تركيب تمام ان شاء الله .. لكن الستاره شد بلد .. اخواني نصيحه من اخ يحبلكم الخير الي بيركب يتاكد عن استلام السياره من عدم وجود كسر سواء في غطى الاشاره ام من قاعدة المرايه الي يوظع عليها غطى الاشارات .. عشان ماتوقعون في خطأي ( حب لاخيك ماتحب لنفسك) وان شاءالله ماتمرون بالي مريته