[الشقردي الأول]

السلام عليكم ورحمة الله وبركاته
والله يا جماعة أنا شريت VX-R موديل 96 وفيه بعض التهريب فيه زيت القير ونقص في الأديتر ودي ادخله في الوكالة في الطايف لأني متواجد بالطايف إلى نهاية شهر شعبان إن شاء الله ولا أدي عن الوكاله هو شغلهم عدل وهل هم يشيكون على كل شيء بالسيارة وإلا شغلهم مش حالك اخذ دراهم وبس مع إن قيمة سعر الفحص على السيارة كاملة 470 ريال بس فحص فالله يعطيكم العافية إللي عنده علم عنهم وعن شغلهم ينصحني به

[حسونه]

أولاً / ألف مبروك الموتر الله يعطيك خيره ويكفيك شره .
ثانياً / ما عمري رحة لوكالة الطايف .
ثالثاً / مبلغ الكشف واجد ( تقدر تشتري فيه أي قطعة تطلبها منك الورش) .
رابعاً / الطائف تمتاز بورش ذات سمعه طيبه .( السواط ).

[فورد وبس]

مثل ما قالك اخوي حسونة وازيدك فوق السواط شوف
الحلواني تراة موزع لتويوتا في الطايف وخلك من الوكالة

[الشقردي الأول]

الله يعطيك العافية أخوي حسونه ويبارك فيك
أخوي فورد وبس اشكرك على حضورك وهل الحلواني عندهم صيانة وإلا بس قطع غيار

[راعي الكبسوله]

تحيه طيبه
الشقردي الاول اسعد الله اوقاتك بكل خير
انشاء الله افيدك انت والأعضاء
بالنسبه للوكاله متخصصين ولكن سعرهم الك عليه يا خذون بدل سمعه
بالنسبه للحلواني يبع قطع غيار وله مركز صيانه خلف محل قطع الغيار في شارع المعارض وترا شغلهم طيب
ولكن سعرهم زايد ما يباعد الوكاله

تريد النصيحه
هناك ورشه متخصصه للجيوب فقط خاصة التويوتا الجديد والقديم
مركز أبو حربة لصيانة السيارات الجيب ,المهندس اعتقد اسمه نور وهناك ميكانيكي اسمه مصطفى شغله طيب
العنوان : المنطقه الصناعية - شارع20
ت:7444761

واي خدمه انا حاضر

والعذر والسموحه

[الشقردي الأول]

الله يعطيك العافية أخي راعي كبسولة وبيض الله وجهك ما قصرت وإن شاء الله تكون الورشة على أتم وجه
غفر الله لك ولوالديك ولجميع المسلمين

[الولد@@@]

تبي الصدق أخوي

لا تدخله الوكاله بالطائف

نصااااااابين

ولو تبي قصص حصلت لي معهم أنا حاضر

وتقبل مروري

[الشقردي الأول]

الله يعطيك العافية أخوي الولد وليت تذكر لنا من القصص لهم

[الولد@@@]

تفضل أخوي بعض القصص:/

1-عندي جي إكس آر موديل 2003 وديته للوكاله عشان الصيانه الدوريه شوف اش سوو
( خربوا حساس لوحة العددات وركبوا لي عداد جي إكس لأن ما عندهم وسوو طلبيه وجلس كذا شهر ما جاء )
( خربوا فتحات التكييف وكسروا اللي توجه به المكيف )


2- عندي كامري موديل 2001 وديته عشان أغير مقصات وأقمشه ....إلخ
( لما جيت أستلم السياره ما اشتغلت قالوا أنت لما جبتها كان السلف خربان وغيروه على حسابي وأنا لما جبت السياره كانت زي الفل وسلف بلادها بعد )



3- قبل كذا سنه شريت كرسيدا 1994 ووديتها للوكاله بفحص وأغي الأقمشه وكل شي تحت لأني دوبي مشتريها
( كسروا غطاء البوريوطلبوا وما جاء إلا بعد اسبوع أو أكثر )
( كسروا أزرار المكيف وطلبوا طلبيه بعد )
( كسروا علبة الفيوز اللي بالكبوت وما أدري كيف صلحوها بعدين )


4- واحد من أقربائي اشترى كورولا 2005 من فرع جده ولما كملت السياره 1000كيلو قال بفحصها بالطايف
( كان بالمسجل سي دي ولما طلع السياره افتقد السي دي قبل ما يبعد عن الوكاله ولما لاحظ ................. لقا المسجل مسروق ومغير بقديم وممخش ورجع وطلبوا له من جده طلبيه )



5- واحد أيضاً من أقربائي اشترى جي اكس آر 2004 وصارت معاه نفس حكاية المسجل بس ما غيروه

[الشقردي الأول]

افففففففففففف كهذا والله إنك خوفتني منهم والله حراميه الله لا يوفقهم والله إني متردد ادخلها عندهم لكن بعد هذا كله ولا أفكر حتى الله يعطيك العافية أخوي على القصص التي ذكرت وإذا كانت الوكالة كذا أجل الورشات ما عليها شرهه ولا لوم

[الولد@@@]

العفو أخوي

هذا بس اللي حصل معي غير اللي ما نعرفه

وأنا عني لو أشتري سياره من تويوتا جديده راح أفحصهامن الحلواني


وفيه حاجه بعد تضحك بوكالة تويوتا اللي بالطائف اللي هي
إذا انتهى وقت الدوام و وإذا كانوا الفنيين سعوديين أو غيرهم بيخرجون
يفتش السيكيورتي جميع أكياسهم **************** لكثرة السرقات ويبيعون برا<*****<*****<*****<*****

[الشقردي الأول]

الله يعطيك العافية أخوي الغالي بالنسبة للحلواني عندهم صيانة عامة ( فحص شامل ) وكم سعرهم

[الولد@@@]

الحلواني يا أخوي وكيل كغيره من الوكلاء

وعنده فحص شامل بس ما أعرف بكم

والكامري 2001 اشتريتها من عنده ولما كملت ألف كامل فحصها لي في نص ساعه وقدام عيني

أما الوكاله يحجزون سيارتك كم يوم وإذا كان حاجه بسيطه زي الزيت تجيهم العصر

[الشقردي الأول]

الله يجزاك خير أخوي الغالي على سرعة ردك وطريقة الحلواني بأنه يفحص السيارة وانت موجود هذا شيء يطمئن وأشكرك مرة أخرى على سرعة ردك

[الولد@@@]

العفو أخوي

وأي خدمات ثانيه أنا موجود على الخاص