[أحمد السعودي]

السلام عليكم ورحمة الله وبركاته
شباب أنا جاد في هذا الموضوع وأرجوا منكم ممن لديه معلومات الرد بسرعة
أنا راح أشتري كامري2007 ولكن كثير من الناس نصحني بالابتعاد عنها وذلك لعدة أسباب ومن أهمها أن ماكينتها عبارة عن المنيوم فهل تنصحونني بشرائها أم لا
وهل أصبر حتى تنزل كامري 2008 ومتى راح تنزل في أي شهر
أفيدوني أثابكم الله وجعلها في موازين حسناتكم

[القويعي]

من الي يقـــول انها مهب زينه الا فله


يقول اسأل مجرب ولا تسأل طبيب

انا مستاجرها أول ما نزلت والله


عزم وراحه ووو...

[أحمد السعودي]

أنا أريد أتأكد هل ماكينتها المنيوم أم لا

[القويعي]

واللــــه سؤالكـ لا أملك له اجابه

[صلاح الطبراني]

اشترها وتوكل على الله

[الجنتل مان]

سؤال يطرح نفسه وبقوه اذا كانت الكامري 2007 مكينتها المنيوم وانت تقول هل تنصحوني انتظر بين يتنزل 2008 هل تتوقع راح يغيرون المواد اللي مصنوعه منها الكامري لانه ماعتقد في شركة في العالم تغير المواد اللي تصنع منها المكينه و هي من جيل واحد وموديلات متتابعه وبعدين ممكناعرف ايه تفرق معاك لو كلنت المكينه المنيوم يعني اللي يسمع كلامك يقول بتسافر فيها لشمس وخايف المكينه ماتتحمل اخوي اذا كنت تفكر في ان المكينه ممكن تبوش والسياره جديده ولا حتى بعد خمس سنين فانصحك لا تشتري جديد ودورلك مستعمل لأنه بكل بساطه اي سيارة تهتم بزيتها وفلاترها والتسخين قبل التحرك راح تعيش معاك بدون اي مشاكل بإذن الله وانا اقلك اشتري وتوكل على الله وخلك من الاشاعات لو بتسمع كل كلمه تنقال ماراح تشتري سيارة طول عمرك واسف للإطاله

[عاشق الكمر]

كلام الجنتل مان عين الصواب

[متعاون]

يا احمد ترى كلام الجنتل مان صحيح :d

وللمعلومية السيارة ممتازة ولا فيها اي عيب في الماكينة

ماكينة الكامري 2007 أفضل من ناحية العزم وترىالسيارة راسية في الخط وبدي السيارة فيه صلابة أفضل من الكامري 2006

لكن بالنسبة للماكينة انا أعرف انا أغلب مكائن السيارات الجديدة مصنعه من الالمنيوم

[أحمد السعودي]

مشكورين على الرد لكن للمعلومية خبرتي ماهي ذاك الزود في السيارات فحبيت تزودوني بالمعلومات ويعطيكم ألف عافيه

[ابودايخ]

يا عزيزي انا عن نفسي انصحك انك تصبر لين تنزل 2008


تحياتي لك
ابودايخ

[عليك لمبه]

المشاركة الأصلية كتبت بواسطة ابودايخ

يا عزيزي انا عن نفسي انصحك انك تصبر لين تنزل 2008


تحياتي لك
ابودايخ

اي شكل جديد في دفعاته الاول فقط الغالب يوجد بها عيوب .. نظرب مثال الاتيما 2005 وجدت عيوب في الاذرعه والمساعدات وتم تغيير هذا الخلل مجانا وفي نفس الوقت تم نزول دفعات اخرى ومايسمى بالدفعه الثانيه والثالثه من نفس الموديل لايوجد بها هذا الخلل .. معنى ذلك ان التيما 2005 وبشكلها الجديد ممتازه وجيده .. نجي للكامري الحين الدفعات الاول مثلا على حسب معرفتي لشخص يمتلك كامري 2007 دفعه اولى صناعة 2006 .. الوكاله غيرولها المساعدات والاذرعه الأمامي كامله مجانا لأانها يعتبر خلل فني في القطع .. وتلاقيها سياراة خويي جاها الخطا من بين 50 سياره مو دليل 2007 كله باح وفيه خرابات مثل هالنوع .. لكن عشان تكون في الصوره الدفعه الثانيه للكامري وغيرها تكون معدله من اي خطا باذن الله او خلل .. يعني اذا بتاخذ 2007 افتح الباب وناظر اذا مصنعه 2006 لاتاخذها اما في 2007 خذها فهذا دليل الدفعه الثانيه ...
شي اخير بقوله لك واحد من الشباب معه كامري 2006 والوكاله غيروله المساعات كلها امامي على الظمان .. وش رايك !!! والسياره لسى جديده على وقتها .. شف هذي كامري وآخر شكل وآخر دفعه من 2006 وبعدها 2007 شكل جديد وبها خراب .. فلا تحكم كثرت قرقره عليكم ولكن واقعه حبيت اسردها لك وللقراء لتعم الفائده ودمتم بحفظه