[أبو زعانف]

فعلا الشاشه ما تستاهل الـ10000
ولكن فعلا الشاشه تعطيك فخامه جباره وغير موجودة بالأفالون ( بالإضافه إنها تشغل أفلام Dvd )
وأنا كنت محتار زيك لكن في النهايه أخذت جراندي بدون شاشه
لأن 10000 كثير وما تستاهل
,,,,,,,,,,,,,,,,,,,,,,,,,,,,,,,,,,,,,,,,,,,,
بالنسبه لريحة المكيف مو قد الضجه اللي الناس مسويتها أحيانا تطلع علي وبعض الأحيان خمس أيام ما أشم ريحتها
هي صح ريحه معفنه ولكن دقيقتين وتروح .
,,,,,,,,,,,,,,,,,,,,,,,,,,,,,,,,,,,,,,,,,,
والأمر أولا وأخيرا راجع لك ...

[لا لغير اليابان]

ابو الزعانف تسلم ويسلمو الشباب لمرورهم
هل ال 2008 رح تفرق
وهل الاقي جراندي مقاعدها مخمل

[ويلي]

^^^
الظاهر انت مثلي تبيها مخمل وبدون جناح خخخخ

بس ترى الشباب الي هنا زي زيك يعني مهوب شغالين مع علداللطيف ولا بمصانع تويوتا

ويا خبر اليوم بفلوس بكرا ببلاش

اذا منتب مستعجل انطر

[لا لغير اليابان]

تمام يا ويلي عليك نور
وكنت اكثر ما أتمناه اني الاقي مقاعد جلد لون أسود

[لا لغير اليابان]

هل مكيفها ضعيف

[اوريوناوي]

الرجال يبي العلم من اصحاب الاوريون
ابي افهم وش دخل حقين الافالون
ياخي قالكم ان الافالون خفيفة زي الكامري خلاص اقتنعوا .

اخوي صاحب الموضوع انا توني جاي من سفر ماشي بين الـ 160 والـ 150 السيارة راسية مرررره ومافيه تنسيم(طبعا سيارتي اوريون وسياحي بعد) واقسم بالله العظيم انها راسية ولا فيها تنسيم ابد.
وهذاني اقسمتلك بالله .

[دقات قلب]

هل مكيفها ضعيف

لا جيت مسافر .. لا تنسى المخدة

مكيف ما شاء الله

[لا لغير اليابان]

اوريوناوي هذا العشم منك اخوي ومشكور لمرورك
قلبو ياقليو ايش قصدق ترجم بليييييييير

[هداوي الشام]

اخوي اذا انك ياباني 100% انتظر الاكوورد 2008 صناعة يابانية خالصة وشكل جديد بالكامل
واذا انك مستعجل عالموتر فالاوريون جيدة وسعرها مناسب جدا بس اخاف تعض اصابع الندم.....
والله يوفقك ولاتنسى دعاء الاستخارة.

[لا لغير اليابان]

تويوتا وشيل اي شي ثاني من بالك بسبب
1- سيارة حلوة
2- خدمات قبل ومابعد البيع جد ممتازة
3- صيانة سريعة وموجودة في كل انحاء المملكة
4- سعر مناسب عند البيع
.
.
.
.
.
الخ الخ الخ

[مياس القلوب]

ياعزيزي الاافالون سياره رسمية يعني مو شباابيه

فاذا انت شخص متزووج خذ افالون واذا انت شبااابي وراعي دجه ووناسه خذ لك اوريون اما الكامري ا

لاان كل شخص استلك راتب يفكر بالكااامري

هاذا رائي انا وانت بكيفك انا جربت الااوريون وبصرااحه سياره تستحق انك تشتريها

والرائ الاول والااخير لك طال عمرك

تقبلوا مروري

[لا لغير اليابان]

مياس يا مياس القلـــ ـــوب
شكـــــــ ــــرا عزيزي على مرورك

[حياة_التميز]

هلا والله اخواني

انا راح احط ردي والي مو مصدق يروح و يقراء و يتأكد
اولا و قبل كل شيء مكينة ال الافالون 268 حصان نفسها نفس مكينة ال اورين و طبعا عبداللطيف قرطس الناس هنا و قال 280 بس في عقل نفكر بيه و في مواقع رسمية لتويوتا نستند عليها

ثانيا بتجربة بسيطة لاصحاب الافالون اطالبهم انهم يكتبوا هذا الشيء في بحث الياهو او القوقل
Aurion Replaces Avalon
طبعا الصدمة الكبيرة الي راح يشوفوها ان الافالون راح تتوقف رسميا و بالاخص في اسواق امريكا و استراليا و ذلك لعدة اسباب منها قلة مبيعاتها التي شكلت ازمة و صدمة لتويوتا
طبعا لست متعصبا للاورين ولكن احب ان اخذ المعلومة من مصادرها الرسمية ولا استند على اشتهادات شخصية
الاورين داخليا بالضبط مثل الكامري 6 سلندر 2007 الي ما نزلت عندنا بناءا على طلب ابو جميل و بحكم انه مالك لنسبة من الشركة يحق له التحكم التام في السيارات النازلة عندنا او في الخليج , الكل يعرف ان اللكزس الاسطورية إي أس 350 ما نزلت عندنا و الهدف معروف انه يمشيء ال إي إس 300 و ال إيه اس 350 رغم ان الا أي اس اثبت انها اقوى سيارة ست سلندر حتى الان بتوقيت 4.54 ثانية من صفر ل 100 متفوقة على الايكورا و الجي 35 انفينيتي و بامكان الجميع تنزيل الدراسة كاملة من موقع تويوتا الرسمي

بالنسبة للاورين تم تصميمها بالكامل في استراليا على يد احد كبار مهندسي تويوتا اليابانيين و طبعا مصانع تويوتا تخضع لنفس الشيء سواء في السند ام الهند و الفرق يكون على حسب المواصفات المطلوبة في خط الانتاج يعني لو شفتوا كامري وارد امريكي افخم من الي عندنا لا تقولوا المصنع الفلاني افضل لكن تأكدو ان السبب يعود لاختلاف المواصفات والمعايير المطلوبة في خط الانتاج و للمعلومية ابو جميل لديه خطوط انتاج خاصه بالسعودية و تفرق عن الخليج .

السيارة ما شاء الله ممتازة و ثابته و قوية قومة و خط و جربتها الى 245 و قمت على كثير والله منهم كابريس إس إس و لومينا و دودج تشارجر و اف اكس انفينيتي و ماكسيما و قريبا التيما

العيوب الي لاحظتها
المكيف بعض الاحيان يكون حار بس السبب درجات الحرارة الخيالية عندنا
الصوت الي في الطبلون ووضعوا حلوله الشباب ما قصروا
غير كذا ما شفت منها غير الخير

و شكرا و لحد يزعل من كلامي عن الافالون بس اتمنى انكم تروحوا و تجربوا في الياهو بنفسكم و الي ما يقراء انجليزي يرجع لي

[لا لغير اليابان]

اخي عاشق التميز شكرا لافادتك لي
بحق انت طرحت افضل مشاركة لموضوعي
كفـــــــــيت و وفـــــــيت

لكن عندي سؤال وين عنوان محل التظليل ومادة الحماية في المدينة اللي تكلمت عليه في هذا الموضوع
طبقة حماية على بودي السياره لاهل الخبره

[حياة_التميز]

والله اخوي ما ادل مكانهم بالمدينة المنورة بس عندي رقم مدير الفرع بالخبر و رقم الوكيل الرسمي بالشرقية اكيد راح يفيدوك

مدير الفرع اسمه قوبا كومار و رقمه 0502419088

الوكيل اسمه الدكتور أحمد و ما ودي احط رقمه لاني ما أستاذنت بس قوبا عنده معلومات كافية

الشهادة لله صرت اوصي كل انسان عليهم حتى الي ما اعرفه والسبب حسن معاملتهم لي و لسيارتي و رخص اسعارهم بس شكلي راح اطلب نسبة بعد كذا خخخخخخخخخخخخخخخخخ

دمت سالما

[لا لغير اليابان]

شكرا شكرا شكرا شكرا شكرا شكرا
شكرا شكرا شكرا شكرا
شكرا شكرا شكرا
شكرا شكرا
شكرا
تسلم
thanks
thanks thanks
thanks thanks thanks
thanks thanks thanks thanks
thanks thanks thanks thanks thanks