[كروزري]

السلام عليكم ورحمة الله وبركاته

اشكر جهودكم في هالموقع قبل كل شي.. وعندي لكم كم سؤال بما اني افكر آخذ ستيشن ان شالله.. وانتظر آرائكم

1) بعد ماينزل اللاندكروزر 2008 .. كم تتوقعون تنزل قيمة الموديل 2007؟

2) شورايكم الشكل اليديد احلى ولا الجديم؟ لان احس الجديم مميز اكثر

3) شو الفرق في الموديل الحالي بين 6 سلندر و8 سلندر غير قوة المكينه؟

بانتظار تفاعلكم

تقبلوا تحيتي

خالد

[بوشهاب]

حياك الله عضو معانا
ونورة المنتدى بأنضمامك لنا
بالنسبه لسؤالك ..
أعتقد أن 2007 راح يتم محافظ على سعره أول سنتين وهي 2008 و2009
رأيي الشخصي أن القديم احلى
الفرق بين 6 و 8 سلندر هي الكماليات منها مثبت السرعه تعشيقات الجير 5 بالاضافه إلى أنه سوبر أكتروني يعني الأقتصاد في صرفيه البترول من 6 سلندر
وفيه بعض الاكسسوارات بزياده .

وتقبل تحياتي

[أبو رشا]

تبـــــي رايي خذلك 2007 ازين

[كلتش ريس]

الموديلات الحاليه افضل

تحياتي

[كنافه]

المشاركة الأصلية كتبت بواسطة بوشهاب

حياك الله عضو معانا
ونورة المنتدى بأنضمامك لنا
بالنسبه لسؤالك ..
أعتقد أن 2007 راح يتم محافظ على سعره أول سنتين وهي 2008 و2009
رأيي الشخصي أن القديم احلى
الفرق بين 6 و 8 سلندر هي الكماليات منها مثبت السرعه تعشيقات الجير 5 بالاضافه إلى أنه سوبر أكتروني يعني الأقتصاد في صرفيه البترول من 6 سلندر
وفيه بعض الاكسسوارات بزياده .

وتقبل تحياتي

شكلك نسيت اهم شيين وهي الكاميرا والشاشه ........

[عسكـــــريم]

بالنسبه لأول موديل لأي سياره في العالم تكون عرضه للعيوب والأخطاء المصنعيه وان لم يكن فيها اخطاء يكون في اوائل الدفعات من هذي السياره

مثل الكامري 2007 اول دفعات نزلت في امريكا وكانت اول مشاكلها في القير..وتلاحقوا نفسهم المهندسين اليابانيين وحلوا المشكله

بالنسبه لموديل 2007 مثل ماقال للك اخوي بوشهاب ان 2007 راح يمسك سعره على مدى 3 سنوات واكثر مثل موديل 97

لكن الشكل الجديد 2008 مميز عن الـ2007 لأن الشكل الحالي تعودنا عليه اما الشكل الجديد بيكون ملفت للأنظار

واذا عزمت تاخذ واحد خذلك 8 سلندر اريح واقوى ومواصفات اكثر واقل صرفيه

والله يوفقك

[ابودايخ]

حنا ما نقدر نحكم الا اذا نزل الموديل الجديد

[أسير الهمسات]

الشكل القديم الخارجي أحلى
اما الجديد شكله من الداخل أحلى من القديم
نحنا ما شفنا غير الصور
لما بتشوفه على الطبيعه غييير بيكون
احترامي لك

[كروزري]

بوشهاب

الله يحييك.. والمنتدى منور بأعضائه والقايمين عليه يعطيهم العافيه
تخمين معقول تشكر عليه
بس مادري يقولون ال8 سلندر يصرف وايد اكثر عن ال6..
وانتو تقولون العكس.. كيف؟
لايحوشك ياخوك روحه البترول وهقه
لك مني اطيب تحيه

ربي يحفظك

[هاهاها]

الموتر الحقيقي للاندكروزر فكسار اتحس انا موتر متكامل وعملي للعلم الامريكان ماياخذون الا فكسار والي تحتة والايدور عندهم ولا يعترفون فية. طالما الموتر الجديد اكاسل نفس القديم خذلك اي واحد مب خسران شي ترا نفس المواصفات الا البدي غير وذا قوو المكينة بيفصل عند 180 واسفين على الاطالة وشكرا

[كروزري]

القويعي

ان شالله.. افكر جديا بموديل 2007
بس اتشاور الحين 8 سلندر ولا 6
وان شالله خير

[كروزري]

كلتش ريس
تشكر على الطله

[كروزري]

كنافه

فعلا الكاميرا والشاشه
رحت اليوم الوكاله وقالي غير المكينه.. الكاميرا والشاشه والnavigation وسيتات جلد ومثبت سرعه

تحيتي لك

[كروزري]

عسكـــــريم

ويوفقكم عزيزي.. يعطيك العافيه على المرور

( اريح واقوى ومواصفات اكثر واقل صرفيه)

نصحتني في ال8 سلندر بس مافهمت اريح من اي ناحيه؟

فعلا اقوى ومواصفات اكثر

لكن كيف اقل صرفيه وهو 8 سلندر؟

اتمنى تفيدونا بخبرتكم

تحيتي

[كروزري]

ابودايخ

تشكر على الطله.. وفعلا مثل ماقلت بس كان قصدي الشكل لا اكثر

تحيتي لك

[كروزري]

أسير الهمسات

تشكر عزيزي تحيتي لك

[بوشهاب]

المشاركة الأصلية كتبت بواسطة كنافه

شكلك نسيت اهم شيين وهي الكاميرا والشاشه ........

الله يعطيك العافيه فعلا نسيتها
شكرا لك