[متوهق حدي]

السلام عليكم ..


شباب انا صار لي شهر محتار ... بين افالون 2005 او 2006 و كروزر 2002 جي اكس ...


وكل ما بي اخذ شي ... توصلني معلومات عنه ما تنفعني ... واحس اني كرهته ... وبالعكس ...


عندي جمن سؤال واتمنى من كل واحد يعرف لا يبخل علي ..


الكروزر والافالون معروف ان عداد الافالون سرعته اكبر من عداد الكروزر ..


هل الافالون اسرع من الكروزر ام لا ؟؟ لأني داش ان شاء الله على جو كله ريسات وبلاوي ... واي منها يتحمل كثرة الريسات .. وايهم اسرع اذا خليناهم مع بعض ريس ؟؟؟ الكروزر ام الافالون ؟؟


سمعت ان الافالون تطيح مكينته او قيره بسرعه ؟؟؟ صح هذا الكلام ولا لا ؟؟


ايهما اثبت الافالون ام الكروزر ؟؟ سمعت ان الافالون لما يكون ماشي تحس ان السيارة تهتز فوق وتحت ويمين ويسار .. هل هذا صحيح ام لا ؟؟


هل الافالون مساكة خطوط مثل الكروزر ولا لا ؟؟ يعني تتحمل السفر لين قطر او الامارات او الكويت من البحرين ؟؟


هل الكروزر قد المواجهه ويا اللكزس او البي ام ...


والافالون نفس الشي ...


ارجوكم شباب ساعدوني ... ما بقى لي الا شهر حق الجامعه ولا ني عارف شنو انزل ...


وعلى فكرة جم اسعار الافالون 2005\2006 و كروزر جي اكس 2002 ؟؟؟؟


ومشكورين وعساكم عالقوة ...

[متوهق حدي]

شباب .. شدعوه ...


على الاقل قولو ما اعرف ..


25 دخول للموضوع ولا رد واحد ..


شباب ارجوكم يا شباب ...

[متوهق حدي]

شباب يمكن ما كانت صياغتي للطلب جيده ..


بس ارجوكم يا جماعه ...


الحقوني ...


صاروا 36 ... لا حول ولا قوة الا بالله ..

على العموم اطلب من المشرف الغاء الموضوع ... اذا ماكان عليه كلافه يعني ..

[الافق]

نصيحه أخويه .. حتى لاتندم .. كما ندم غيرك

خليك على .. كروزر 2002 جي اكس ...





تحياتي

[احلى واحد انا]

انا انصحك بالأفالون


او الأوريون

على حسب ماليتك

[ابوفيصل]

اخوي متوهق

الافالون سيارة فخمة قوية سريعة تعتبر من السيارات العائلية المتوسطة الحجم

اقتصادية في البنزين مقارنة بالكروزر ، وهي افخم سيارات تويوتا

من ناحية الرساوة فالسيارة لابأس بها مقارنة بالياباني ولكن ليس في رساوة السيارات الاوروبية

ومن ناحية المكينة والقير ما اذكر احد الاعضاء اشتكي من مشكلة فيهم

انا شخصيا السيارة لها معي سنتين ماقد اشتكيت من مشكلة في المكينة او القير ، والسيارة ولله الحمد لا زالت معي كانها جديدة

الكروزر سيارة عائلية كبيرة ويعتمد عليها في الخطوط الطويلة وفي البر ، وهي اعرق سيارات تويوتا

صناعة يابانية 100% ، استهلاكية في البنزين مقارنة بالافالون ولا تقارن بالافالون من ناحية السرعة

باختصار اخي الكريم السيارتين كل منها له استخدامه وله فئة تختلف عن الاخرى

وله مزايا وعيوب

وانت الوحيد تقدر تحدد ويش اللي يناسبك اكثر من الاخرين

تحياتي لك

[أفالون وبس]

المشاركة الأصلية كتبت بواسطة ابوفيصل

اخوي متوهق

الافالون سيارة فخمة قوية سريعة تعتبر من السيارات العائلية المتوسطة الحجم

اقتصادية في البنزين مقارنة بالكروزر ، وهي افخم سيارات تويوتا

من ناحية الرساوة فالسيارة لابأس بها مقارنة بالياباني ولكن ليس في رساوة السيارات الاوروبية

ومن ناحية المكينة والقير ما اذكر احد الاعضاء اشتكي من مشكلة فيهم

انا شخصيا السيارة لها معي سنتين ماقد اشتكيت من مشكلة في المكينة او القير ، والسيارة ولله الحمد لا زالت معي كانها جديدة

الكروزر سيارة عائلية كبيرة ويعتمد عليها في الخطوط الطويلة وفي البر ، وهي اعرق سيارات تويوتا

صناعة يابانية 100% ، استهلاكية في البنزين مقارنة بالافالون ولا تقارن بالافالون من ناحية السرعة

باختصار اخي الكريم السيارتين كل منها له استخدامه وله فئة تختلف عن الاخرى

وله مزايا وعيوب

وانت الوحيد تقدر تحدد ويش اللي يناسبك اكثر من الاخرين

تحياتي لك

نفس الكلام كفيت ووفيت اخوي بو فيصل



راعي الموضوع في ملاحظة عندي :

استنادا الى كلامك في اول رد من الواضح ان الكــــــــــــــروز اقل قوة وعزم

وصدقني في الخطوط لعل مساحته اكبر من مساحة الافالون بالداخل

لكن حط في بالك الكروزر والله مب زي الامريكي مريييييييييييييييح

انا عندي فكس آر 2003 قير عادي

وثقل الموتر يتعبك اشوي في الطريق زي ماتعبني

لكن ربما انت تميل اليه بسبب جودة تويوتا وقوة الدفع

عكس الافالون الي راسية وهادية وافضل من كذا انها خفيفة وتستجيب في قيادتك

قبل اسبوع كنت مسافر للحسا الى الرياض وبالافالون

3 ساعات من الراحة في الطريق

وأهم ميزة احمد ربي انها موجودة فيها

ولاهي موجودة في الكروزر الجيكس حتى الفل اوبشن

الا وهي مثبت السرعة

ومن دونها صدقني راح حتتعب رجـــــــــــــلك من الدعس

امش في الخط حتى 120 كلم وثبت وريح رجلك الين ماتوصل .....



اتمنى اني افدتك واسف علىالاطالة

[المهذب]

8
8
كلام الأخوان صحيح واتفق معهم 100%

[الكنق]

اخوي متوهق الاخوان كفو ووفو

بس واضح عليك حق مقاوم وريسات

في هذي انصحك تخذ الكروزر يصبر اكثر من الافلون بس يبغالك ترهمه او تركب تيربو اما غير كذا ماينفع

في المقاوم لانه ثقيل مرة

انا عندي في اكس فل اوبشن يعني 8 سلندر 2006

ذابحني من ثقله يعني وش بيصير الجي اكس 6سلندرثقيييييل



الاسعار الجي اكس 2002 في حدود 90000 ريال سعودي

تحياتي

[متوهق حدي]

الافق


احلى وحده أنا


ابو فيصل


افالون وبس


المهذب


الكنق


شكرا جميعا ... ولكل من مر على الموضوع ..


الله يجزاكم خير ويوفقكم ... ويفك ضيقكم مثل ما فكيتو ضيقتي ..


ونا بغيت أسأل الافالون 2005 جم سعرة .. والـ 2006 بعد ..


وسامحوني على القاله الزايده ..


هههههههههههههههههههههههههههه

[مجنون الأفالون]

افالون 2006 ما تلقاها جديد الا يمكن مخزن ولازم لك معرفة


و 2007 سعرها وكالة 117000 ريال سعودي


اما المستعمل تتراوح اسعار 2006 بين ال 90 الف وال 100 ألف

اخوك

احمد

[((ابومحمد))]

بتحصل اخوي متوهق حدي افالون 2005 بـ 85000 الى 95000

[وااوأفالون]

ماقصرو معاك شباب وأنا رأي مع شباب

أفالون أفضلك أخف من الكروزر

والله يوفقك أخوي

[الحـ(درب)ـب]

المشاركة الأصلية كتبت بواسطة الافق

نصيحه أخويه .. حتى لاتندم .. كما ندم غيرك

خليك على .. كروزر 2002 جي اكس ...


تحياتي

من اللي توهق

اخوي كاتب الموضوع: مافي مقارنه بين الأفالون واللاندكروزر
الأفالون ضخمة ومريحة وقوية
والكروزر عائلي جدا وسيارة طرقات وعرة بالأساس
واذا على السفر ترى لو طفت فيها 170 تحس انك بتنتحر
والأفالون مع الأهل تمشي فيها 200 وانت تشرب شاي وتسولف وحاط اذاعة ام بي سي اف ام
خخخخخخخ

وتقبل مروري