السلام عليكم ورحمة الله وبركاته
ندخل في الموضوع
انا معاي افالون 2007 لؤلؤي
وصار لها بالضبط 3 شهور معاي
بالشهر الأول ماشيه زي الحلاوة , ودخلت هالمنتدى واشتركت ومن هالأمور ... واتفقنا نسوي اجتماع الرياض اللي كلكم تعرفونه والغريب ان 8 سيارات أفالون لونها لؤلؤي وانا كنت المختلفة بينهم .
الزبدة ان الشباب اللي معاي وانا لاحظت هالأشياء :
1 - الصدام الأمامي والخلفي يختلف عن لون البدي للسيارة وكان واضح جدا
2 - الحساسات الأمامية والخلفية تختلف عن سيارات الأفالون الـ 8 بحيث ان سيارات الأفالون حساساتها داخلية مجوفه وأصلية مثلها مثل حساسات اللكزس والبي ام والمرسيدس وسيارتي حساساتها خارجية غبية شكلها .
3 - الستائر الكهربائية الخلفية تعلق معي وصوتها مزعج .
4 - نسم الكفر الأمامي اليمين ورحت أرقع الكفر ورحت لبيريللي وفكو الكفر ويبون يرجعونه ما قدروا لأن البسامير الداخلية للهوب ما قدر انه يربط بالصاموله ؟؟؟؟ معقوله اول مره أفكه ويصير هش البسمار .؟؟
5 - تهريب للبنزين من الطرمبة الخارجية للسيارة .
طبعا رحت لأبو جميل وقلت لهم كذا وكذا وكذا طبعا ردهم ... مستحيل يا باشا مش ممكن ما حصلش
تعرفون المصارية شغل المكاتب .
المهم راحوا جابوا أفالون لونها لؤلؤي وشافوا الفرق ورشوا الصدام وغيروا الحساسات .
تخيلوا يا جماعة الخير سياره جديده ماشيه 5000 تنرش صداماتها وحساساتها تتغير كأني صادم فيها
ويالله يالله عطوني سياره بديلة ومن زين هالسياره عشان تسكتني ( دايهاتسو ) ههههههههههههههههههه
ولما اتعدى 150 باليوم يحسبون علي ؟؟؟ تشوفون كيف الوقاحة
اما الجميح ما حصل لأخوي معاه اسكاليد وكان بيركب قزاز خلفي عازل وقالوا له يبغى لها شهرين عشان تجي من أمريكا ...
تدرون وش عطوه سياره بديلة .؟؟؟
عطوه جيب كاديلاك اللي فتحته سقف بانوراما لكن ما ادري بالضبط وش نوعه
شفتوا كيف الفرق ؟؟؟
نرجع لحديثنا
رحت خذيت السياره من عندهم بعد المرمطة لأني كنت الاحقهم اسبوعين من ادارة لإدارة والمدير ساحب وما يداوم ولد النعمة .
وحطيتها بالباركينق وسافرت خارج السعودية
لما رجعت والا يا جماعة اللون نفس لون الصدامات ما تغير شي
مع اني لما خذيتها شفت اللون عادي ما لاحظت ذيك الملاحظة
وهذا انا على خبركم للحين الاحقهم ومواعديني يوم الأحد وعلى الله اطلع بنتيجة والا أبيعها واروح اطق لي لكزس واريح راسي .
الغريب في الأمر
لما رحت اطلع السياره بعد التصليح
لاحظت أفالون نفس سيارتي ... اللون غير والحساسات مختلفة ... كان ودي أقوله لكن ما لحقت عليه
عشان كذا حبيت ابلغكم كل واحد يشوف سيارته ويلاحظها زين قبل لا يشتريها
ويطلب انه يشوفها قبل الشراء عشان تتأكد
عبداللطيف استغل سمعة تويوتا وبدى يلعب على راحته
وحتى لو رحت واشتكيت او كتبت بالجرائد
والله ما راح نحرك فيه شعرة
لانه مو مهتم لانك راح تقنع 10 بالمية و 90 بالمية بطريقه لتويوتا ياخذ له سياره
اخوكم
احمد
شي خطير جدا لأصحاب الأفالونات ...حصل معاي الموقف ..وتفاجأت..وشوفوا التعامل كيف 
