[ولد الدوحة..]

السلام عليكم

شحالكم .. طبعــا هاي اول موضوع لي وطالب الفزعــة منكم ...

يالربع انا ابي اشتري سيارة جديدة ومحتار بين هالثلاث

وياريت لو تساعدوني في الاختيار
ومب المقصد انه وش السيارة الاقوى وش السيارة الاسرع
المهم انا قصدي يعني تختارون أحسن سيارة بين الثلاث من كل النواحي
والي يختار يحط نفسه مكاني بس لاحظوا على هالكلمة( من كل النواحي )

تكفووووووون يالربع انا محتار
بس شكلي قربت من الكورلا وارتحت لها اكثر
ومادري انتوا وشرايكم ..؟؟

[عسكـــــريم]

مكسيما حلوه واوسع من الكورولا واكشخ

[احلى واحد انا]

التيما

احلى واقوى واسرع واوسع نوع ما

[مخاوي لكزس]

والله ياليت تحدد وضعك عزوبي .. راعي مقاومات .... تشيل عايله لاكن اشوف الكورلا انسب طبعا فل اوبشن

[حمتوووو]

الكورلا انا اشوفها افضل وحقت كرف يعني لك وللزمن

[اسير الذكرى]

[كلتش ريس]

المكسيما اعتبرهاالافضل لانها يابانيه 100%

ومحترمه في الشارع اكثر من الكورولا

تحياتي

[ولد الدوحة..]

تسلمون ع الردود
والله انا عزوبي
ابي سيارة تنفع في الزمن مهما طال
ههههههههههههه
وانها ماتخترب وخفيفة في كل شي والمصاريف وغيره وغيره

[فزة الصحراء]

المشاركة الأصلية كتبت بواسطة كلتش ريس

المكسيما اعتبرهاالافضل لانها يابانيه 100%

ومحترمه في الشارع اكثر من الكورولا

تحياتي

وش قالولك الكورلا صينية

يكفي ان كل النيسان يتفكك مايصبر واسأل اهلها لكن التويوتا لك ولزمن

والرأي الاول والاخير لك اخوي ولد الدوحة .

[إحساس خالد]

مشكلتنا يا أهل الخليج على قد سيارتك يسوى مقدارك!
...

لكن

اخوي تبي كرف كورلا

تبي تشخيص التيما بس طبعا (لؤلؤي)

----

واذا نصيحتي :d

اكورد مو عشانها معاي لكن والله عمليه سيارتي جاها كرف مو صاحي ماشيه فوق الميه واربعين الف بشوي مو واجد

ماكد دخلتها للوكاله ابد ..

[ولد الدوحة..]

بس ياخوي يقولون الاكورد قطع غيارها نااار
عشان جي انا مافكرت فيها

[عسكـــــريم]

انا أأيد الماكسيما لأن ربعي عندهم 3 ماكسيمات وماشيه معاهم زي العسل

صحيح بعض قطعها غاليه

لكن تجمع القوه والوسع والرياضيه والتحمل

[الحقيقة والخيال]

والله كيفك أخوي ولد الدوحة ... يعني الراي الأول والأخير لك ..

لكن إذا تبي رأيي كمجرب (( نيسان + تويوتا )) لا تقرب للنيسان مايعرف الصبر .. وقطع الغيار غاليه شوي ..
أما التايوتا ... صبر وتحمل + وقطع الغيار متوفرة وبكثرة (( حتى بالبقالة )) .. + تمسك سعرها عند البيع لرغبة الناس له .. وهذه النقطة لا توجد بكل الشركات عدا التايوتا ...

وبهالمناسبة أذكر قصة لي على عجل :د
ولا هو لك فال الشر كان معي صني (( الله لا يقبلها )) وصدمت فيها صدمة محترمة ... تصدق مروحة بس قعدت أدورها يومين .. حتى لقيتها بالتشليح ... لا وغاليه بعد ...

وأعيد وأكرر الرأي الأول والأخير لك أخوي ...

تقبل نصيحتي كمجرب (( أسأل مجرب ولا تسأل طبيب )) ..

[الهايم وهو نايم]

انصحك اخوي بالتيما لانها شكلها حلو وسعرها مناسب بالنسبه لمواصفاتها الحلوة واما الكورولا
فانها بتتغير شكل 2008 يبغالك تصبر شوي

[الديحـاني]

كورلا وبس

[ملك اللانسر]

اللانسر افضل من الكورولا و ال suny ومافى مقارنة بين الكورولا و الماكسيما

[الحـ(درب)ـب]

انا اقطري

وشتبي بالكورلا
بس ترى بقطر ماهي إلا عند السودانيين والهنود (( انا اتكلم عن قطر طبعا))
صحيح ان السيارة روعه
وواسعه من داخل لايغرك صغرها
بس المشكله حنا بقطر مايقدرووك إلا بسيارتك

خذك ماكسيما
ابرك واحلى واقوى وترى اقتصادية

وتقبل مروري الغريب حبتين