[ة ة]

السلام عليكم ورحمة الله وبركاته

أنا توني مشتري جيب فورتشنر أوتوماتيك بعد معاناة مع قير الهلي (هايلكس) وتبون الصدق ما أعرف للدبل بتاتاً البتة أرجوا ممن لديه الخبرة إعلامي بذلك وأكون شاكراً له !!!

[ة ة]

27 مشاهد ولا رد واحد ,,

شاكر لكم تواجدكم وعدم ردودكم ,,

ة ة

[حامدسعد]

سلام عليكم ورحمة وبركاته...

بإختصار اذا جيت تستخدم الدبل وكانت السياره الي معك قير اوتوماتيك لازم يكون وضع القير في الفاضي يعني الــ (n) وبعد ماتحطه في الفاضي تعشق الدبل زي في ثقيل ولا خفيف وبعدين تحط الــ (d) وامش واذا تبي ترد الدبل لوضعه الطبيعي ترد القير في الــ(n) وبعدين ترد الدبل وتمشي وصلى الله وبارك



شكلي كثرت عليك


لكن اتمنى انك فهمت

[أبوحمد]

أخوي الغالي الفورتشنر دفع رباعي مستمر بس خذ هذي المعلومات مني وأن أصبت فمن الله وأن أخطأت فمن نفسي

أول شي سيارتك في وضع Hh وهذا يعني دفع رباعي عادي وسريع وتقدر تقول أن النسبة للخلفي أكبر من الامامي ( يعني لا تستغرب اذا السيارة فحطت معك في حال من الاحوال ! )

بعدها يجيك Hl هذا يعني دفع رباعي سريع مع قفل الدفرنس الوسطي ويكون دفع الكفرات الاربع متساوي ما بينهم البين , وهذا تستخدمه على الرمال أو صعود بعض المنحدرات وتخاف انزلاق بعض العجلات .

ثمن يجيك N يعني فاضي تماما .

واخر شي Ll وهذا يعني الدفع بالعجلات الاربع بقوة متساوية ولكن بقوة كبيره !! وتستخدمه في السحب أو الصعود الشاق ..

وأي سؤال أنا حاضر وإن شاء الله تكون فهمت .

[اكوايدوس]

مشكور أخ ة ة والشكر موصول للأخ حامد والأخ بو حمد ويليت في شرح اضافي وبدون اختصار:
يعني تقدر تخلي على Hl على طول الطريق السريع ولا على ال N أفضل.
وتفاصيل قفل الدفرنس الله لا يهينكم علشان فائدة الجميع. وشكرا

[أبوحمد]

بناء على طلبك بشرح إضافي

Hh استخدمه داخل المدينه وعلى الزفلت .
Hl أستخدمه لثبات السيارة بشكل أكبر وقوة تماسك ,, وخطأ تستخدمه على الزفلت أو القيادة العادية لأنك بتلاحظ ثقل على الدركسون وأيضا ثقل على المحرك وعلى التعليق الامامي !!
N هذا يفظي السيارة تماما ويستخدموه إذا كانت السيارة مزوده بونش .
Ll استخدمه خارج الطريق المعبد اي في الوحول أو الرمل أو العقبات شديدة الانحدار أو اذا كانت السيارة محمله أو عند سحب سيارة ثقيلة مغرزه ...

أرجو أن أكون أفدتك .

أما قفل الدفرنس هذا تستخدمه في أسوى الضروف يعني لو طحت في رباضه وماطلع الموتر حتى على وضع Ll في هذي الحاله اضغط زرار قفل الدفرنس الخلفي , وإن شاء الله تتخارج .

[اكوايدوس]

الا أفدتني ,,وتسلم يا بوحمد.

[البحث عن المصير]

بالنسبة لتعشيق الدبل في (hlاتش ال)فلك أن تعشقه والسيارة ماشية لو على 120كما هو موضح في الكتالوج ولك أن تفصله وأنت ماشي على أي سرعة وهو الدبل الصغير وهذا مجرب
نجي عند الدبل الكبير لايمكن تعشيقه إلا وأنت واقف تضع القير على وضع التعشيق سواء كان اتماتيك أو كان عايدي شرط الوقوف ثم تعشق الدبل (llال ال)ثم تمشي بسرعات منخفضة ولك ان تضغط على زر الدف لوك عند تعلق السيارة سواء مع الدبل الصغير أو الكبير ....وعند فصل الدبل الكبير لابد من الوقوف ووضع القيير على nفي القير الآلي أو الفاضي في القير العايدي

[ة ة]

أخي العزيز حامد سعد بعد روحي والله ,,

ألا أستوعبت وفهمت ماقلت ,,

شاكر لك مرورك وإفادتي ,,

[ة ة]

أخي العزيز أبو حمد كفيت وفيت ,,

ألا والله أني فهمت وماقصرت بعد روحي ,,

شاكر لك مرورك وإفادتي بما أدليت به ,,

[ة ة]

أخي الفاضل اكوايدوس ,,

الشكر موصول لك اخي على تلك الاضافات والاستفسارات ,,

لا خلا ولا عدم ,,

[ة ة]

أخي الفاضل البحث عن المصير ,,

شاكر لك ومقدر هذه الإضافات ,,

ونتمنى من ذوي الخبرة وضع تجاربهم مع الدبل لتعم الفائدة للجميع ,,