[الحالم]

السلام عليكم
عندي كامري 96 استخدام امريكي شريتها قبل 10 شهور والله السيارة نظيفة وحلوة وكل الناس اللي شافوها يمدحون فيها أخرتها شكل واحد عطاها عين حسبي الله عليه المشكلة يا أخوان ان السيارة مادري وش جاها صارت ما تشتغل الا بعد النقرة السادسة والسابعة و.وفي الاخير تشتغل بعد طلوع الروح واذا اشتغلت تحس السيارة كأنها تبي تطفي رحت الكهربائي قال غير البطارية وغيرناها وما فايدة اقعد انقر فيها لين تشتغل على فكرة بعد كذا أشم ريحة البنزين مرة قوية رحت كهربائي ثاني قال الكويل غيرت الكويل ومافي فايدة قال غير البواجي غيرنا البواجي ومافي فايدة ثم غيرنا الكهربائي ورحت للثالث قال كمبيوتر السيارة واخذت السيارة عنده يوم ونص والله ما سوا شي وشكلها موعارف قلت ياولد مالك الا وكالة تويوتا ورحت لتويوتا لكن قالو الاسخدام الامريكي ما نكشف عليه؟؟؟. يا أخوان وش الحل تكفون إذا احد يعرف ورشة معروفة مشهورة في مكه يدلني عليها ولا قولولي وش الحل .

[هادي جدا]

السلام عليكم أخوي الحالم

أحب أقولك كانت مع كامري 94 وصارتلي نفس المشكله كنت اذا شغلت السياره تطفي لين أشغل وأدعس بنزين لمدة 10ثواني تزين بس مع تفتفه صارت من حساس الهواء كذلك بلف الحراره ماكان مثبت فبي مكانه الصحيح الحمدلله صلحت المشكلتين هذي وزانت.

[شرهمك؟؟]

مشكوووور...............



على المعلومات..................

[الكروالي]

شوف ياعمري هذا الخراب من حساس البنزين بس تراه غالي انا عندنا باث فيندرنفس الخراب الي تقول رحنا الوكاله وصلحناه 4000

[الحالم]

[align=center]هادي جدا

الكروالي

مشكورين والله يعطيكم الصحة والعافية ويبارك فيكم.[/align]

[فكرة]

حبيبي الله يعينك ويفك زنقتك لكن لو زي ما قلت إنه واحد عطاها عين وتعرفه زين ترى مالك إلا تروح له وتخليه يتوظأ وتاخذ بقية وضوؤه وترشه على السيارة وكذا إن شاء الله ربي يفك زنقتك .
و إذا ما مشيت معك الأمور أنا أعرف واحد في جدة كان شغال في شركة تويوتا عشر سنوات وألحين عنده ورشة خاصة فإذا حبيت راسلني على الخاص و أبشر بين يدينك .
الله يعينك .