[العـــبري]

قبل كل شيء السلام عليكم ورحمة الله وبركاته
وهذا أول موضوع أنزله بمنتداكم الكبير بعيني وعين الجميع
المهم..الإقتراح هذا مب أنا اللي إخترعته..لكن شفته في أحد المنتديات وبغيت رأيكم فيه قبل لا أقوم بتنفيذه في سيارتي ..<***** --- أقوووول دش في الموضوع وبلاش فلسفات
أحد الشباب إقترح نركب باقات لنوافذ السياره وبعد كذا راح تفلللللللللللل معاك وتحلووو...إنظر الصوره أدناه




شووو رأيكم ...؟؟

[عاشق الكمر]

أتوقع أن لم أجزم أنه ماراح تنحل بشكل نهائي

50 % من المشكلة ممكن تنحل

على كل حال مشكور يالغالي

و لا تحرمنا جديدك

[العـــبري]

تسلم والله أخوي على تعليقك

[حبيتك يا كامري]

اول شي اشكرك على طرحك على هالموضوع يالعبري
انا من ناحيتي احس انها راح تشوه منظر الكامري
وشكلها بصراحة راح تطلع غريبه شوي ماخذو الناس عليها
وهي محطوطه قالك للشمس والزينة للسيارة احس انها ماراح تنفع تركبها لأجل التنسيم
تقبل مروري يالغالي

[mikhled]

ياخوي التنسيم محلولة مشكلته
ركب جلب على البابين الاماميين وخلاص ما تسمع صوت للابد

ومشكوور على الموضوع

[العـــبري]

حبيتك يا كامري
.
.
تسسسسلم..وكلامك فيه من الصحه الكثير...........
mikhled
.
.
شاكر لك مداخلتك عزيزي لكن ما فهمت قصدك بالضبط ؟ شو جلب؟...يا ليت لو توضح لي إذا أمكن لأني هالمشكله تربشني كلما مسكت الخط ............تحياتي

[mikhled]

يا خوي الجلب او الجلد اللي هي بلاستيك اسود يلصق تلصيق بين الباب و البودي حق السيارة

[العـــبري]

إذا تقصد اللزقه اللي تنحط حول الفريم اللي يركب عليه الباب هذه سويتها اليوم وعلى البيبان الأربعه ولكن بدون فائده تذكر أخوي....!

[الوريث]

أكيد الكامري تبعك مهي 2007

أريح حل لك طال عمرك طلع كامري 2007 وريح بالك

[العـــبري]

لا وأنا أخوك الكامري 2007 وشاريها قبل شهرين فقط..تحياتي لك

[مخاوي لكزس]

والله الجلب جربنها على سيارتين عندي اول وما فادت مع ان التنسيم فيها خفيف فما بالك في الكامري ام التنسيم على العموم اللي ما يبي تنسيم يشتري 460 ويريح نفسه

[اوريون جراندي]

اخوي العبري ايش فائدة هالباقات الي ودك تركبها؟؟؟!!!

[الوريث]

المشاركة الأصلية كتبت بواسطة العـــبري

لا وأنا أخوك الكامري 2007 وشاريها قبل شهرين فقط..تحياتي لك

عزيزي كامري 2007 ما فيها تنسيم
والصوت اللي تتحدث عنه يبدو صوت اصطدام الهواء بالمرايات الجانبية وبالزجاج الأمامي.. الصوت هذا بتلقاه في أي سيارة بالعالم باستثناء السيارات اللي زجاجها طبقتين أو سماكة نصف سم وأكثر مثل المايباخ

هدي بالك ولا تركز بالصوت تراه طبيعي بأي سيارة،، خصوصا الكامري 2007 مراياتها كبيرة حسب المقاييس الأوروبية الحديثة

[mikhled]

و الله يالعبري عندي كامري 2005 وكان صوت الهواء مزعج وبقوة خصوصا اذا وصلت 140 ........... لكن بعد ما ركبت الجلب امشي 220 مااسمع شي ما شاء الله

[العـــبري]

مخاوي لكزس
.
.
شكرا لمداخلتك

اوريون جراندي
.
.
كنت أريد رأيكم إذا هالباقات تحل مشكلة التنسيم

الوريث
.
.
يا هلا والله..إذا تريد الصراحه أنا كنت أنتظر ردك على موضوعي لأني متابع ردودك المقنعه في المنتدى..تسلم والله على المعلومه أخي العزيز

mikhled
.
.
بارك الله فيك أخوي لكن مثل ما قالوا الشباب الشكل راح يتغير وراح يشيّن تصميم السياره ..سلامي لك..