[احلى واحد انا]

السلام عليكم ورحمة الله وبركاته ..

كيف حالكم ياخوان؟ عساكم طيبين ..

ياخوان الحمدلله انحلت ازمتي امس الأحد طلبت السيارة اوريون جراندي ذهبي بدون شاشة بـ 97 الف

وعطيتهم الشيك بـ 97 الف وماشالله شيكت انا والوالد على الحساب المغرب إلا وصرفوا الشيك

المهم قالي الموظف احنا طلبنا السيارة من جدة وبتوصل الشرقية على يوم الخميس بنعطيك البطاقة

الجمركية وانت طلع اللوحة -طبعا اللوحة الوالد بيطلعلي إياها مميزة - وقالي تسوي عليها

التأمين بـ 375 ريال على السيارة وخلال يوم السبت الصباح تجيب اللوحات ونركب اياها والف مبروك لك

الحين انا ماعرف امرن السيارة ولا شي ..

قالي واحد من اصدقائي امش فيها عادي مرة وافتح المكيف لكن خل تسارعها تدريجي وامش عادي فوق

160 لو تبي لكن اهم شي تسارعها تدريجي لان اصلا السيارة تجيك مدربة وقاضية ...

طيب بالنسبة لـ صيانة الألف يقولون في زيت مايغيرونه يقولولك تعال نغيره صيانة الـ 5000 كم

هل اروح اغيره انا من ورشة لانه يكون جاي خفيف ..؟؟

طيب انا ابي اسوي للسيارة حماية البودي وين اروح زيبارت ؟ هل لازم موعد ولا ادرعم ؟يطولون ولا لا ؟

ونفسي اسوي تظليل للسيارة النوافذ كلها كتم 08 ماعدا الأمامية 02 وبنفس الوقت تكون عازل للحرارة ..

هل زيبارت يسوولي هذه عادي مابي ضمان انه مايفكونه المرور اهم شي تظليلة وبنفس الوقت عازل ..

وآسف طولت عليكم تحملوني يالربع شوي ...

يلا ابي اسمع الردود الحلوة والتباريك

[عاشق الكمر]

ماشاء الله تساؤلاتك واجدة

لي عودة قريبة أن شاء الله للأجابة عليها

[دقات قلب]

قالي واحد من اصدقائي امش فيها عادي مرة وافتح المكيف لكن خل تسارعها تدريجي وامش عادي فوق

160 لو تبي لكن اهم شي تسارعها تدريجي لان اصلا السيارة تجيك مدربة وقاضية ...

اول 300 كيلو .. احرص على ان لا تتعدى 100 كيلو متر /ساعة
كذلك احرص على عدم الفرملة بشكل مفاجيء
النقطتين اعلاه تلاقيها بالكتالوج

شغل المكيف مافي مشكل
تبي تشد على السيارة انا افضل بعد الـ300 كيلوا .. شد بس المكيف لازم يكون مطفيء
بعدها سوي اللي يعجبك

طيب بالنسبة لـ صيانة الألف يقولون في زيت مايغيرونه يقولولك تعال نغيره صيانة الـ 5000 كم

هل اروح اغيره انا من ورشة لانه يكون جاي خفيف ..؟؟

صيانة الألف يتم تغيير زيت الماكينة مع تبديل لمواقع الكفرات .. واذا عندك اي ملاحظة سجلها بورقة خارجية

لا تروح للورش الخارجية .. السيارة في اول موديل لها .. ولاتخلي احد يتعلم بسيارتك الفك والربط

طيب انا ابي اسوي للسيارة حماية البودي وين اروح زيبارت ؟ هل لازم موعد ولا ادرعم ؟يطولون ولا لا ؟

ونفسي اسوي تظليل للسيارة النوافذ كلها كتم 08 ماعدا الأمامية 02 وبنفس الوقت تكون عازل للحرارة ..

هل زيبارت يسوولي هذه عادي مابي ضمان انه مايفكونه المرور اهم شي تظليلة وبنفس الوقت عازل ..

سوي ما بدا لك

ولكن المرور مراح يقصر .. على طول راح يوقفـك وتضطر لفكر العازل .. حتى لو اظهرت لهم شهادة العازل والضمان .. فخليك نظامي اريح لك ..
(مجرب .. سددت قسايم ب3 الاف مخالفات تظليل عازل من في كول على كامري قراندي 2001)

اما حماية البودي من الترميل .. فشوف في مواضيع في اقسام اخرى للمنتدى تكلموا عنها


مبروك مقدما .. والله يعطيك خيرها ويكافيك شرها

[لحظة]

اخوي الف مبروك على السيارة

والله يعطيك خيرها ويكفيك شرها

كلام اخوي قلبو ماعليه جدال

ومبروك مرة ثانية وثالثة

[زهير جمال]

مبروك مبروك

[نقطة بداية]

1000مبروك1000
اللون ممتاز مره وحلو مره ورسمي مره وجذاب مره وجراندي ماشاء الله تبارك الله مثل سيارتي
الله يعطيك خيرها ويكفيك شرها وشر الحاسدين
وعلى طاري "الحاسدين" كفانا الله واياكم شرهم
امس مراية السواق مكسوره عمدا بالبلك " الطوب" وانا عند عمي في الخميس
حسبي الله على من كسرها ..آآآميين
و زاد من حده غضبي ان الجنب الايسر محكوك من اوله الى اخره
حسبي الله ونعم الوكيل ...
............................
واما عن التساؤلات
اجاب عليها الاخ .. قلبو .. اجابات كافيه ووافيه

[الزين كله]

الله يعطيك خيرها ويكفيك شرها
اخونا قلبو ماقصر عطاك المفيد

[احلى واحد انا]

المشاركة الأصلية كتبت بواسطة عاشق الكمر

ماشاء الله تساؤلاتك واجدة

لي عودة قريبة أن شاء الله للأجابة عليها

كنك سحبت علي ومارجعت

خخخخخخخخخخخخخخخخخخ

==============================

مشكورين اخواني على الردود

وشكر خاص لاخوي قلبو على التوضيح

تحياتي

[دقات قلب]

لا حول ولا قوة الا بالله

نقطة بداية


الله يعوضك خير ان شاء الله

هذولاء .. ناس بداخلهم شر

حاول ان تنتبه على السيارة

[دقات قلب]

انت يا احلى واحد

العفو ياسيدي

تحياتي لك

[><><]

ابي اضيف شي واحد بس صيانة 1000 مافيه تغير زيت التغير يكون في 5000

[دقات قلب]

ابي اضيف شي واحد بس صيانة 1000 مافيه تغير زيت التغير يكون في 5000

لا صيانة 1000 .. يتم تغيير الزيت والفلتر

[بات مان]

مبروك خيووووو ع سياره الكثير حلوه ويارب يعطيك خيرها ويكفيك من شرها زي ماقالك اخوي قلبو