[بإختصار لكزس]

السلام عليكم ورحمة الله وبركاتة

انا عندي مشكلة بسيارتي الكامري 2005 جي ال قير اتو المشكلة هذي صارلي سنة واشوي وانا ادور
الصوت اللي يطلع من تحت السيارة من جهة الكفرات وما خليت ورشة ماجيتة ولما يشيك ع سيارة راعي الورشة يقول مافي شي ابد وكل ما اروح ورشة واحد يقولي عندك ربلات وغيرتها ونفس المشكلة وكل ما اودي ورشة يقولي ما ندري وين المكان قلت ما لي الا صيانة عبداللطيف جميل رحت عندهم قالي مهندس صيانة تدورون وش يقول لازم تشيك كامل ع سيارة قلت طيب بكم تسويها قال "1400 ريال
والله حرامية المشكلة وانا اشرح له وهو يضحك قالي لازم تشيك كامل انا حسيت انه عرف وش الخراب بس يبي دراهم المهم وانا احوس من ورشة لـ ورشة اخر شي لقيت ورشة صغيرة سبحان الله ما ادري شلون طحت عليها علمته السالفه قالي افتح الكبوت السيارة جالس يشوف يمين يسار راح جاب الجيك اللي يرفع السيارة رفع السيارة قالي عندك المساعدات تعبانة مرررررة اللي قدام لازم تغيرها حتى يوم نزل الجيك قالي شوف سيارة كيف مرتفعه اشوي حط ايدينة على الكبوت ويضغط عليها السيارة اشوفها نزلت ...

هذي كل السالفه شباب انا ما كتبت الموضوع الا ابيك تعطوني حل بالمشكلة
وانا بصراحة كرهتها وكرهت الكامري بكبرها لاني بصلحها وابيعها

ايك تعطوني احسن ورشة بالدمام او الخبر الصناعية شغلة تمام

ادري اني طولت وقلت قصة حياتي .. واكون شاكر لكم

[أسير الليل]

يا اخوي لا تكره السيارة ولا تبيعها
خذها على وكالة البحرين قريبة منك وفحصهم كامل على ما اذكر حوالي 200 او 250 ريال بس
وبعدين يا تصلحها في الوكاله او في السعوديه عندك وأي مساعده انا حاضر

[مصرقع الشرقية]

واللة انا عندي نفس الموديل ونفس الخراب ومن اول ماشريتها الصوت كأنة ياي ياي مصدي
لما اقوم السيارة لما اضغط بريك ولما اخذ اللفه اسمع صوت طقة بعض الاحيان وبعض الاحيان مايطلع شي
وبعدين اذا طلع الصوت اذا قعدت اسوقها ساعتين ثلاث راح المهم انا بالبداية كنت خايف قالي خويي غسل بستم ورشها من تحت زيت سويت وخف الصوت المهم رحت لورشة قالولي صوت الجلد وقالي مو مهم اي وقت غيرها شوف اذا تبي ورشة صح او حسن ورشة للمساعدات على ضمانتي روح ورشة الحساوي بالخبر الي مقابل السجن عند الصناعية القديمة وبعدين ترى لها فرعين روح الفرع الي بالزاوية واذا ما عرف لها روح سولك فحص كمبيوتر بـ 100 عندكم بالدمام من الصدام لصدام وأنشاء اللة تطلع العلة بلا بوجميل بلا هم
أنشاء اللة اني اكون افدتك تقبل مرووري

[بإختصار لكزس]

اسير الليل..
خلاص بشوتها سيارة <-------- طاب خاطري منها
الله يعطيك الف عافية ومشكور ع دخولك ..

مصرقع الشرقية..
الله يعينك اجل انا وانت في الهوى سوى بس انا اللي اشوف
انت اهون مني انا لا اول ما اركب سيارة اسمع الاصوات احس شي بيطيح
تمسك خط الخبر مثلآ اسمع قرقعة المساعدات مع ان الشارع جديد .. والله كأني راكب ((باص))
اما الورشه اللي قلت لي عنها انشاء الله اجية هاليومين.

الله لا يحرمني منكم

[هزاع]

اخوي انا طلعت الكامري 2005 من الوكاله وطلع فيها زي صوت العصافير وجنني الصوت وبعد الكشف غيرو المساعدات

[فرحة لقانا]

هاذي مشكلة مرة على واحد من الشباب . معة كامري 2005

وحلها انة وداها لمحل تربيط ربطلة السيارة من تحت ولقى احد مسامير مو مشدودة وخاصة الى

مربوطة بالكمر الى تحت المكينة , وبعدها وداها عند بنشري وسوالة تشحيم ورجعت السيارة مثل الحلاوة .

اما بالنسبة للمساعدات اذا تبى تعرف انها خربانة او ومنتهية شوف اذا على اطرافها زييت طالع فعرف

انها خلاص منتهية ولازم تغيرها . واذا شاك ان الزيت من مكان ثاني ارفع السيارة ومسح الزيت

وبعد يومين او ثلاث شيك عليها فعرف ان المشكلة منها .

واذا تبى تختبرها جب لك اثنين من الشباب وخلها يهزون السيارة

فوق وتحت ويمين ويسار اذا طلع صوت طق طقة وهي واقفة فعرف انها من المساعدات
منتهي و المشكلة منها

وافضل مساعدات أسمها جبريالgabriel رخصية أرخص من حقت الوكالة

وسعراها بحدود 800 ريال من غير التركيب وهي هوا مو زيت مثل الي تجي من الوكالة الى سعرها

الياباني وكالة 1050 ريال ( مساعدين ) بدون التركيب

مساعدات المنرو استرالي ضمان سنة بحوالي 450 ريال ( مساعدين ) بدون الرتكيب .

اتمنى انى افدتك ولو بالقليل . هاذا والله اعلم . . .

[بإختصار لكزس]

ماقصرتو والله يعيطكم الف عافية