[مناصر]

السلام عليكم ورحمة الله وبركاته

كيف حالكم ياشباب ان شاء الله بخير

الموضوع ومافيه اني دخلت سيارتي كورولا 1.8 جي ال اي للوكاله
صيانه ولما طلعتها من عندهم بعد ما اخذوا 1440 ريال قيمة شغل يد وقطع غيار
لاحظت انها ما تشتغل بسهوله لازم ادق سلف مرتين ثلاث على ماتشتغل مع انها قبل
ما اوديها كانت تمام ورجعتها لهم دخلوها ساعه وطلعوها برضو نفس المشكله .
وش السواة ياشباب ارجع لهم مره ثانيه والا اتصل على الرقم حق الشكاوي ؟
صراحه محتار مدري وش الحل اخاف يدخلونها ويطلعونها زي ماهي واصير رايح
راجع للوكاله

شوروا علي ياشباب

ومشكورين

[هل يخفى القمر]

السلام عليكم


دخلها الوكالة مرا ثانية وشوف



واذا ما صلحت شوف الرقم حق الشكاوي


اخوك هل يخفى القمر

[طروووق]

روح لهم وقول يا انكم تصلحون المشكله ولى باشتكيكم وإذا شفتهم رفضو أو ما صلحوها دق على الرقم المجاني حق تايوتا وقول المشكله والله يربونهم والرقم هو للمعلوميه فقط ( 8002444400) وإذا طلعت السياره من الصيانه قدام المهندس جرب السياره عشان إذا ما صلحوها يشوف المهندس المشكله بنفسه.

[مناصر]

هل يخفى القمر
انت فعلا قمر ومشكور على الرد
هذا اللي افكر اسويه

الاخ طرووق
الشكر موصول لك ياعزيزي
المشكله اني اول ماطلعت من عندهم اليوم شغلت السياره تمام
بس هي اذا وقفت ساعه او اكثر تحصل هالمشكله لازم ازر على السلف شوي
علشان تشتغل وربك يعين بروح لهم بكرى وبشوف وش بيسوون

[تـو كورولا يوتا]

ياخوي والله نفس مشكلتي باضبط وانا لسه مادخلتها صيانه ولمابدخلها صيانه
بشوف وش النهايه معاهم

[الساهر.....]

بس هي اذا وقفت ساعه او اكثر تحصل هالمشكله لازم ازر على السلف شوي
علشان تشتغل

اخوي صحيح سياراتي مو كورولا لكن كانت تصير نفس المشكلة بسيارتي (كرسيدا) وبدلت البطارية ببطارية الكترونية والى الان والحمد لله تمام التمام.

جرب افحص البطارية