[راعي المغاتير]

السلام عليكم
اما بعد ابغا اسئلكم اسئله عن الكراون فكتوريا
1-هل فيها تهريبات اومشاكل ميكانيكيه ملااحظه عليها؟
2-هل تغير فيها شي ال2007 عن الموديلات السابقه؟

وانا محتار مابين الهوندا اكورد والكراون فيكتوريا ال2007
وهل الهوندا اكورد فيها مشاكل لاني متخوف كثيرا منها لان بعض الناس مامدحها لي


وشكرا لكم

[راعي المغاتير]

ولا رد ياشباب مايصير جزاكم الله خير

[مشمش]

هلا اخوي راعي المغاتير

الكراون فكتوريا ممتازة جدا وتغيرة عن الموديلات السابقه شوي من ناحية الصدام الامامي وداخليه تغيير بسيط ومافيها اي تهريب والضمان الوكاله عليها زين بس المشكله يقولون ان 2008راح تتغير تغير جذري وانا مادري انت اسئل وتأكد



اما عن الأكورد فهي جيده بس ماتصلح إلا لواحد عزوبي وفيها سلبيات أنها ضيقه ومافيها مكيف في الخلف

وترى الامريكي معروف من ناحية الراحه

وانت عاد اخوي استخر ما خاب من استخر

وتقبل مروري واسف على الأطاله

[((ابومحمد))]

الكراون افضل من الاكورد

[الزين كله]

السلام عليكم
بس حبيت اعطيك معلومه ماني متأكد منها كثير
يمكن تتغير اشكال السيارتين في 2008
فلا تستعجل
ولا تنسى تستخير

[إحساس خالد]

والله ياخوك مدام انك بالرياض ما انصحك بالكراون فكتوريا

سياره عمي 2007 السبورت ام جناح < < < مدري وشسمها الظاهر SS

سرقت الاستبنه مرتين والمسجل مره

والله انصحك بالافالون الليمتد

[راعي المغاتير]

عندنا مرتين انسرقت الاكورد من حارتنا لاوقدام صاحبها وشكرا لكم

[داحس]

وعليكم السلام
كلهم على وشك انهم يتغيرون الفكتوريا راح يتطور شكلها نفس الكابرس والهوندا بعد اذا منت مستعجل انتظر 2008 وشوف اللي يعجبك

[متعاون]

أخوي راعي المغاتير

كوران فكتوريا ما عليه غبار 2007 خالي من اي عيوب على حسب كلام مجرب

لانها في أمريكا تستخدم من قوتها وتحملها لموزين أذا أنت صاحب خطوط طويلة خذ كروان فكتوريا قوي ومريح قطع غيار رخيصة

هي أفضل من الاكورد بكثير لانها لاتعتبر من نفس الفئة فرق كبير لا تقارن أكورد بكروان فكتوريا إختلاف في الماكينة والحجم السيارة

لا تقارن أكورد بكروان فكتوريا إختلاف في الماكينة والحجم السيارة

كلامي كثير

آسف على الإطالة

[عاشق الريشة]

إذا كنت مُصر على وحدة من الثنتين...........

لا والله خذ كراون فكتوريا بدون ماتتردد

احب ابين لك ليش..

لو بتاخذها اجار ينتهي تمليك فنسبتهم بسيطه جداً....ماني فاكر كم

ثانياً.. موتر في سفر في مدينه في اي ديرة مشي معك تمام ولا تشكي من الضيق ابد

ثالثاً... اللي يقولك ان الاكورد مريح... ارم في وجهة تراب ووالله انه ماصدق معك لو كان عنده سيارة
""" يمكن ماجرب الفورد """

رابعاً... مافيه مكيف خلفي

خمساً... قطع غيار رخيص ومتوفر مقارنه بالاكورد

سادساً... لو بتبيع زباينها في كل ديرة """لكن الاكورد متحصل زبون جاد الا بالموت ...اوتنحد تبيع برخيص



لكن إذا ما عندك منع تاخذ سيارة ثانيه وعندك امكانيات مادية .... فخذلك افالون

واذا ماتقدر خذلك كامري



تقبل مروري وتحياتي واسف على الاطاله

[كلتش ريس]

خذلك مارودر نفس الفكتوريا لكن سبورت واقوى

سياره عجبتني الصراحه

تحياتي

[راعي المغاتير]

مشكورين علي الردود