[بورغد]

رحت اليوم لوكاله اطارات اليوكوهاما وشاف تواير سيارتي وقالي هاي مب زين تمشي عليهم وايد ممكن مع الحر ينفجر التاير مع ان التواير فيهم شقوق بسيطه والسياره ماشيه 20000 كم بس قلت يله انغير انغير وغيرتهم ورحت اسوي ميزانيه رودات وطلعتها الا السياره تمشي سيده لكن السكان عوي رجعت له وسواه وماضبط معاي طجعت له ورحت محل ثاني وضبطلي السياره ماشاء الله بس المشكله اني دفعت 80 ريال للمحل الاول و90 ريال للمحل الثاني بس يله الحمد لله انها ضبطت معاي مثل قبل وسعر الاطارات مع الترصيص 1700 ريال ونقشتهم مثل الي على الكامري 2007 بس املاحظ ان السياره اشوي ثقيله اظاهر ان التواير اجداد المهم كم لازم يكون ضغط الهوا في التاير وهو جديد لان قالوا لي لازم يكون 40 وبعد 10 ايام اسويه 32

[احمدجاسم]

الله لا يوريك تعب خوفتنا عليك

[البروفسيور]

مبروك الاطارات والله لايورينا واياك التعب انشاء الله

[ابوفيصل]

اولا مبروك الكفرات اخوي بورغد وتقطعها بالعافية ان شاء الله ، الله يبعد عنا وعنك التعب

لكن اخوي اسمحلي انت جبت التعب لنفسك المفروض ماتمشي من عند المحل الاول

الين يضبطلك الدركسون ( السكان ) ، اجل انت دافعله فلوس ليش !!

بالنسبة لثقل الكفرات المفروض ماتحس بثقل الا اذا انت مركب اعرض من مقاسات الكفرات الاصلية

وضغط الهوا المفروض يكون على 32 وتلقاه مكتوب على استكر في حافة باب السائق

ومبارك مرة ثانية وتحياتي لك

[بات مان]

مبروكككككككككك عليك يا الغالي

[بورغد]

الثقل ممكن ان التواير اجداد بس صدقني شنو تويو بالنسبه ليوكوهاما (صفر على الشمال)

[هلالي شقراوي]

مبروووووو ك الله يطعمك خيرها ويكفيك شرها وضغط الهواء خله 32

[سفاري الكويت]

الله يلعن التويو وابو التويو !!!!!!!!!!!!!!!!!!!!
من يوم شريت السيارة اشوف التواير مشققة وترجف رحت الوكالة على صيانة 5000 ...قالوا لي التواير ما عليها ضمان!
قلت انزين اواريكم شغل الله ...قمت دزيت ايميل على شركة تويو باليابان واشتكيت عليهم
واليوم ابي اشوف يمكن اقابل الساير بكبره
او اروح حماية المستهلك بوزارة التجارة

[وااوأفالون]

ألف مبروك على للكفرات واللازم يكون ظغط للهواء 32 أفضل لك وللسياره

[بورغد]

يسلمو على الردود

[الحـ(درب)ـب]

الف مبروك على التواير

وانا قرييييييب بسوي نفسك
وبغير اليوكوهاما

بس باخذ نفس المقاس
مابي اعرض
ماقتنعت

درب مر من هنا - وكان متأخر حبيتين