احبابي هذا أول موضوع لي معاكم و بصراحة كنت متردد احطه في أي مكان ثاني عشان المتعصبين لسيارة معينة ما يطيروا فيني و بحكم اننا تويوتا اورين مننا و فينا قلت هذا أنسب مكان و توكلت على الله
الموضوع بإختصار أنا أول ما شريت حبيبتي الاورين كنت فاقد الأمل منها كسيارة قوية بحكم إني شفت قومات بالهبل للافالون و ما كانت لهناك , طبعا الاورين نفس مكينة الافالون بالضبط 268 حصان و نفس مكينة ال إيه إس 350 بفارق 4 احصنة للكزس بس النظام واحد و هو VVT-I المهم أول ما شريتها و مرنتها طلب مني أحد زملائي و يمتلك دودج تشارجر أر تي 340 حصان إني أقاومه طبعا كنت خايف و قرفان و حالتي حالة . جربنا وأول مرة قام علي و مشيء و السبب إني ما وزنت الدعسة و كنت متردد . رجعنا و جربنا خمس مرات و المفاجأة الكبرى إني في كل الخمس مرات قمت عليه سواء من صفر أم دحدرة 30 و كان الفرق بينا 3-5 سيارات وأول ما أوصل 200-198 يمر من جنبي الوحش و يطوفني بحكم إنه أخذ راحته في الثالث و دخل بالرابع
جربت مع كابريس إس إس قومة و طبعا أكلته أكل و جربت مع لومينات بس كل المرات كانت خط يا انا في صدامه يا هو في صدامي
في واحد هنا نزل موضوع عن اورين فشخت جي اس 430 و طافته و في نفس الوقت قامت مع لومينا إس إس من صفر ل 240 صدام في صدام مرايا في مرايا
طبعا الكل عارف إن الكامري 6 سلندر الي ما نزلت عندنا نفس الاورين في كل شيء مكينة اداء قوة شكل داخلي مواصفات بس يفرق الشكل الخارجي و طبعا شفت اكثر من تقرير عنها و في النت في كامل المعلومات . ما علينا المهم هذي الكامري الي هي نفس الاورين سجلت ارقام ابداع والله في القومات من 0 ل 100 وافضل تسجيل ل كامري 6 سلندر ستوك كان 5.6 و أخر كان 5.8 و موقع يووووو تيوب فيه قومة شهيرة ل كامري 2007 قامت على موستنج جي تي قومة و خط و فشخته . كل الي عليكم بس تكتبون Camry Vs Mustang GT وراح تشوفون اللقطة .
بالنسبة لتسارعي والله جربت أكثر من مرة أفضلهم كانت 6 ثواني بس بخزان بنزين كامل و حمولة شخصين
الله يخليكم الي جرب تسارعها غيري يفيدني و الي قام مع سيارات ليها هيبتها يذكر قصته و ان شاء الله في أقرب وقت راح اصور تسارعي بس لمن الجو يبرد شوي لانه اهم شروط التسارع
1. خزان قرب الربع
2. درجة حرارة خارجية مائلة للبرودة
3. سائق بدون ركاب و يفضل وزن 70 كيلو
دمتم سالمين
