[اخر الليل]

السلام عليكم ورحمة الله وبركاته
أتشرف بلإنضمام الدائم لهذا المنتدي اللي داخل مزاجي بصراحة
كان عندي كابريس ss 2003 وبعتها بعد مشاكل لابارك الله في الأمريكي
وبعدها شريت أكورد 2006 وبسبب زواج أخي سأهديها له بحكم أني الأخ الأكبر
والآن أريد شراء أفالون 2007 XL لدي بهجة عسير عن طريق الأجار ونسبتهم 8,25 % وهي نوعآ ما مقبولة لأني لا أستطيع شراء كاش ( مثل أي سعودي ) متصيخ بالأسهم
لاكن المعرض ليس لديه 2007 ولا يعلم هل سيتوفر لديه أم لا قبل 2008
وبصراحة 2008 ما أعجبتني وجهيته ولا يوجد معرض آخر يعطي نفس النسبة
سؤالي هو : هل 2008 وجهه قبيح ولا أنا الوحيد اللي أشوفه كذا
ثانيآ : هل أثقل نفسي بدين آخر غير قرض الراجحي 3900 ريال علمآ بأن راتبي جيد ولله الحمد
المطلوب أنت لو مكاني وش تسوي

[إحساس خالد]

الله يبارك بزواج اخوك منه المال ومنها العيال

---

الافالون حلاتها ليمتد ( فرق شاسع )

اخوي مافكرت بلكزس RX 2004 ولا 2005

اشوفه بالمعارض فل كامل بدون شاشه ملاحه تحت الخمسه وثمانين الف

ويبقى لكزس شخصيه

عموما الله يعطيك من خيرها ويكفيك شرها للي بتشتريها مستقبلاً

[ابوفيصل]

افالون بالشبك الجديد ... !!!

[بات مان]

انا اقولك توكل على الله وخذلك افالون اليمتد زود ياخوي فلوسك شوي

واذا ماقدرت ما عليك الا الصلاة الاستخاره

تحــــــــــــــــــــــــــــــــــــــــــــياتي لك وربي عطيك خيرها ويكفيك من شرها مقدما

[مجنون الأفالون]

والله بيني وبينك لو انتظرت الأفالون 2008 راح تزيد فلوسك عشان تطق لك ليمتد

لان لو طقيت Xl ما راح تتكيف عليها مثل الليمتد

عالعموم صلي صلاة إستخارة

وانا أشوف الأفالون 2007 راح تكون أحلى من 2008


لان الـ 2008 مخلينها سبورت الوجهية اكثر من اللازم


والله يوفقك ويوفق اخوك

[روحي أفالون]

أخوي آخر الليل ممكن استفسار بسيط معليش لأني ماقدرت ارسل على الخاص يقولون لازم 30 مشاركة
المهم بكم بعت الكابرس الـ اس اس اللي عندك ؟؟؟؟؟
لأن عندي واحد ابي ابيعه اس اس 2003 فل كامل جلد وفتحة ماشي 162000 كيلو
ولاأعرف السوق ممكن أي أحد يقول في حدود كم أبيع ؟؟

[اخر الليل]

المشاركة الأصلية كتبت بواسطة روحي أفالون

أخوي آخر الليل ممكن استفسار بسيط معليش لأني ماقدرت ارسل على الخاص يقولون لازم 30 مشاركة
المهم بكم بعت الكابرس الـ اس اس اللي عندك ؟؟؟؟؟
لأن عندي واحد ابي ابيعه اس اس 2003 فل كامل جلد وفتحة ماشي 162000 كيلو
ولاأعرف السوق ممكن أي أحد يقول في حدود كم أبيع ؟؟

أولآ أشكر الجميع علي المرور
ثانيآ الss كانت موديل2003 أبيض بدون فتحة وليست جلد
ماشية 230 ألف كم بدون حوادث أو حتي دقشات
قير بودي مكينة نظيف جدآ ( أخوك حق سفر )
بعتها ب 27,500 ريال قبل 6 أشهر
عادي تري الأمريكي أسعارة بالحضيض خاصة الكابرس لأن موديلين نزلت بعدها (الss زباينها قليلين لذلك أسعارها أرخص من LTZ )
تحياتي للجميع

[روحي أفالون]

يعطيك العافية يالغالي على رحابة صدرك

[ابوعبودي]

الله يخليك لهم ذخرا ولا يحرمهم منك