[بروووووك]

السلام عليكم يا حبايبي

اليوم الصبح ركبت شاشه للكامري موتري

والشاشه روووووعه و لونها راكب مع السياره

ودرجه اولى ومميزاتها ماجلان (GPS) , وDVD و تشغيل MP4 و MP3

ووشاشه بالمس وتقدر تركب فيها فلاش مموري ووتصفح الصور وجميع الملفات

وفيها TV وعليها ضمان سنه من صاحب المحل

والشاشه ممتازه وسعرها 4200 ريال قطري والمحل موجود

في قطر واسمه صدى الصوت للاكترونيات والتركيب ماياخذ الا 45 دقيقه

وقووولوووو ماشا الله

واول صوره قبل التركيب من الكرتون طازج

[IMG][/IMG]


والصوره الثانيه للطبلون بعد فك المسجل القديم

[IMG][/IMG]


واصوره الثالثه للشاشه بعد التركيب

[IMG][/IMG]


والصوره الرابع للشاشه من بعيد ( ولو تدققون شوي تلقا في زاوية الشاشه يمين تحت مكان للفلاش

وفي الزايه يسار فوق مكان المموري كارت)

[IMG][/IMG]


واي استفسارات اخرى انا حاضر بس يمكن ارد عليكم غداا لاني مشغول شوي

وفي الاخير اوريكم سيارتي من الخارج بس قولوا ماشالله

[IMG][/IMG]

[اوريون جراندي]

ما شالله اخوي الشاشه الي مركبها جناااان والله يطعمك من خيرها ويكفيك شرها...
تحياتي......

[وحيد-قطر]

اولا مبرووووك عليك اخوي

عندي كم سؤال هل اذا ركبت الشاشة يطيح ضمان السيارة ؟

وهل الشاشة نفس الشاشة الاصلية الي تجي مع الكامري الي في الخارج مثل امريكا واليابان ويليت تقولي من وين بلد الصنع وهل المجلان يطلع جميع مناطق قطر

ومحل صدى الصوت في الغرافة صح ولا انا غلطان ؟

سؤال اخير خارج عن الموضوع شوي الحساسات الي في الموتر انت مركبها ولاجاية مع السيارة واذا انت ركبتها اذا ماعليك امر قولي بكم ركبتها.

[((ابومحمد))]

ما شاء الله شاشه حلوه
الله يعطيك خيرها ويكفيك شرها

[بروووووك]

اولا الى اخوي اوريون جراندي ...... تسلم يالغالي

ثانيا الى اخوي وحيد قطر السؤال الاول سيارتي شاريها من الرياض وعليه ضمان سعودي وانا في قطر

اما السؤال الثاني والشاشه نفس اللي في اليابان وغيرها واما بلد الصنع مش واضح عندي

اما السؤال الثالث يطلع جميع مناطق قطر بالانجلش

اما السؤال الرابع عن الحساسات جايه من الوكاله وفيها ميزه وهو تقدر تفصلها اذا ازعجتك

من خلال زر موجود فوق محل السويك وسلااام

[الأسطوره]

وعليكم السلام ورحمة الله وبركاته ...

ما شاء الله عليها
الله يعطيك خيرها ويكفيك شره
بس عندي سؤل
يوم ركبت الشاشة كان فيه تقطيع أسلاك وتركيب أفياش جديدة ؟؟
ولا مباشره يفك الأفياش من المسجل ويركبها في الشاشة بدون أي زيادات ؟؟
وبالنسبه للخرايط ثابته
ولا تتحدث (جارمن)
والله يعطيك العافية يا غالي

[الخلى دوت كوم@]

الله يعطيك خيرها ويكفيك شرها

[أووررييوون]

يعطيك خيرها ويكفيك شرها
سؤال : النور في الليل هل هو نفس الأزرق حق المكيف؟؟
وكيف الاستخدام تعطيك جو؟؟؟؟ ههههه
أقصد سهلة الاستخدام

[كامري محرقاوي]

يعطييييك خيرها و يكفيك شرها ان شاءالله ما شاء الله خوش شاشه

بس عندي جم سؤال يا اخوي انا من البحرين ما ادري عندنه و لا ما عتقد فييه بس ودي اعرف في وين في قطر بالظبط عشان اروح و اركب من هناك الصراحه خوش شاشه و الله سب عندي نفس الاستفسار يطيح الضمان اذا ركبتها بس ودي اعرف لانه هاذي شاغلنه عدل في البحرين اي شي تركبه يقولون لك الضمان خلاص غربلونه حتى زنون ما يصير يطيح الضمان

بس فيدنه ياخوك عشان نركب لنه و تسلم يو عطيك العافيه يبه

[كامري الرياض]

ممكن خدمة أخوي الكريم

نبغى منك اسم الشركة

و

صورة الكرتون

و

إذا تعرف محل في الرياض عنده ياليت تفيدنا

وتقبل تحياتي وتقديري،،،

[احـــ قلبي ــب]

up
up
up
up
up
up

[بوسعييد]

ماشاءالله الشاشه روعه و حلوه على السياره..

يعطيك العافيه عالموضوع

[طائر الكامري]

أخواني عساكم من عواده و هدي بشرى رمضان

أنا في الشرقية الحين في الخبر , و حصلت لكم الشركة اللي تستورد هدا الجهاز اللي نتكلم عنه كامل

المواصفات و نفسه 100% يلي أخونا نايفي جابه من الصين و حسب ما عرفت و الله أعلم هدي الشركة

هي اللي تعطي عبد اللطيف جميل هدا الجهاز لأنهم يبيعون بالجملة

سعره عندهم 3600 ريال مع التركيب و الضمان سنة مع الخرائط و هدا جوال المندوب حقهم 0504984809

أنشاء الله أكون بيضت وجهي معاكم و مبارك عليكم الشهر و السلام

[قصيمي متحضر]

بالنسبه للشاشة..
ياخوي زيد فلوسك شوي وركبها بوكاله عبداللطيف.. ياخوي حتى ترتاح والضمان
ياخوي حرام عليك.. موتر بــ 80 الف تلعب فيه الزيود والبنقاليه..

[حبيتك يا كامري]

ماشالله تستاهلها
الله يعطيك خيرها ويكفيك شرها

[الملقوف الطيب]

الله يباركلك يا رب

[حبيتك يا كامري]

السلام عليكم
اخوي كلمة المندوب وسئلته عن المواصفات وقالي عنها نفس المواصفات اللي عندك بس المشكلة رفع بسعرها يقول 3800 ريال من دون التركيب يقول انا بالخبر وراح اجيبها لك يوم الخميس
وتركيبها تقريبا ب 100 ريال
يقول اول ماكانت فيها كميرة الحين موجود بها قلت وش فايدتها قال اذا جيت بتريوس تشتغل الكامرة وعلشان كذا زدت بالسعر قلت يعني موجوده قال لا انت تشتريها هههههههه
لحس مخي
سئلته بكم هالكمرة مع اني مالي عازه بها بس لقافة بسال عن سعرها قال بتلقاها عند محلات الزينة وسعرها ب 500 ريال اذا كانك محصل شاشة ملاحة اقل من هالسعر خبرني الله لا يهينك

[الإمـــارات]

الله بعطيك الف عافية