[محتار!!]

السلام عليكم ورحمة الله وبركاتة

اول شي اصبح / امسي
ع الاعضاء بالخير

وان شاء الله تكون اجازه سعيده للجميع ..
واكيد الاخوان متحمسين للدوري الي مابقاله
شي ويبدا <***** محد يمه :d

يا اخوان ..
انا جاني انهيار عصبي من شدة التفكير بالمواتر

قررت على لكزس ..
ثم تنعفق شايبنا ورسينا على افالون :d

وابشركم رحنا وخلصنا من عبداللطيف جميل الي مدري وش سالفة امه ..
كل معرض يعطيني سعر جديد ..

في فرع السويدي بـ 116 الف
وفي البديعه بـ 120 الف
والظاهر ان باقي الفروع كل واحد له سعر

شي يدعو للتعجب صراحه ..

المهم اننا رحنا وكملنا الاجراءات وبتطلع بعد 4 ايام نسبه
لاستيراد اللون اللؤلؤي من الشرقيه ..

بس بغيت انشدكم عن شي !!

الشاشه وغبنتها !!

ياعيال يقولون 2008 بتنزل في رمضان !! وبشاشة ملاحه
وان الـ 2007 بيطيح سوقها ..



طيب سؤال .. هالحين مافيه استطاعه اركب شاشه ملاحه ؟

انا شفت كذا موضوع بهالخصوص لكن ما ادري احس فيها مشاكل !!

بالله ابي واحد فاهم يعطيني معلومات عن شاشة الملاحه , هل اركبها ولا لا


ابي السعر وابي المواصفات وهل هي عربي او انجليزي


واتمنى الي له خبره عند محل في ( الرياض ) يفيدني ..


وبالاخير .. اركب شاشه او بيتضرر منها الموتر بعدين ؟


ويعطيكم العافيه ..

[محتار!!]

وياشباب استفسار بسيط ..

الافالون 2008 اذا نزلت عند عبداللطيف

توقعون يرتفع السعر عن ( 125000 ) ؟

[السهم الاسود]

مرحبا الحبيب
اولا مبروك عليك اختيار الافالون
بالنسبه لشاشة الملاحه .. الاخوان ماقصرو
بتلاقي اكثر من موضوع بخصوص الشاشه في هذا القسم
راجع المواضيع واكيد بتستفيد
تحياتي

[وكراااوي]

The Only Solution For You

At Qatar

:d

[هلالي شقراوي]

مبروووووك الله يطعمك خيرها ويكفيك شرها بنسبه للشاشه الملاحه يمديك تركبها عند الوكاله واعتقد سعرها 8000 تقريبا عالعموم لايطيح الموتر من عينك عشان شاشة ملاحه اهم شي موتر جديد

[ميتم الروح]

،
نظام الملاحة لن ينزل في موديل 2008 على الأفالون 100% ..

..
فقط في أمريكا و أوروبا

[روحي أفالون]

ألف ألف ألف ألف مبروك أخوي على اختيارك للسيارة الله يعطيك من خيرها ويكفيك شرها يارب
نصيحة أخوي لاتركب أي شي إضافي في السيارة خلها على وكالتها والشاشة سمعنا انها مهب نازلة في موديل الـ 2008 ماله داعي تحط شي ويخرب عليك شي ثاني
لأنها كاملة والكامل وجه الله
وجه نظري
دمت بخير عزيزي

[cxcx]

الله لا يبارك في عبداللطيف قبيح حنا وش الله بلانا فيه ياجماعة أنا قالي واحد لو جبت افلون فيها نظام الملاحة وبعض الانظمة اللي سرقها ويعطينا في نفس السعر اللي ينزل في امريكا
انه ملزم انه يقبلها طيب ليه ما نجيبها هل هذا ممكن وكيف الطريقة ؟

[مجنون الأفالون]

السلام عليكم

<======< يرد عليه عشانه نصراوي ههههههههههههههههههههه


المحتار ألف مبروك على الموتر الجديد

وسلم لنا على الشايب

بخصوص الشاشة


يا طويل العمر انت شاري سياره جديده وحرام انك من اولها تقعد تلعب فيها

وبالأخير شي راجع لك انت وتاخذ قراراتك بنفسها



اما الشاشة

في محل في الرياض إسمه درايف 7 قالي يركب لي الشاشة ويضمنها لي سنه

وتشمل على النفقيشن على أعلى مستوى ومحاكاة بالعربي أو الإنجليزي مع انه يتكلم معك اول ما تشتغل الشاشة باليوم والتاريخ ثم يبدأ معك تصفح النفقيشن

وكاميرا خلفية واضحة جدا ....

وبلوتوث ... تقدر ترسل مقاطع وصور واغاني

مدخل أي بود مرتفع الوضوح

ريموت كونترول ..

شاشة لمس

مدخل سي دي واحد لكن طبعا الآي بود يغنيك عن قرف السي دي والملعنة ... ويكفي إنها Mp3

وغيرها من هالمميزات


لكن بشرط واحد ... انك تستغني عن المسجل الخايس حق الأفالون الصيني ....

وتقدر تتحكم فيه بكل شي

وتبقى الشاشة العلوية الزرقاء : لمعلومات المكيف ودرجة الحرارة والـخ ....



هذا اللي قدرت اقوله لك


بالنسبة للسعر


يقولي بـ 7000 ريال ويضبط لك الديكور بحيث كأنها مركبة من الوكالة ... واللون اللي تختاره


إسم المحل Drive 7

طريق خريص ... بجانب العليان لإكسسوارات السيارات ..وبجنب هارديز



اخوك


احمد

[بورغد]

انا توقعاتي اذا الافالون نزل فيها شاشه بيطير سعرها ل145000 بالراحه

[وااوأفالون]

يإخوي ألف مبروك عليك سياره والله يديك خيره ويكفيك شره

وحرم عليك تلعب بسياره من بدري

[سبايدي]

الف مبروك و الله يعطيك خيرها و يكفيك شرها ، الاخوان ما قصروا و اعطوك ان شاء الله الاجابات الشافيه ، انا راي لا تغير شى فى السياره و خلها على حطتها اسلم و بالتوفيق

[اسيرالدرب]

مبروووووووووووووووك ع السيارة
لكن هل شكل 2008 بيتغييير زي ماشفنا في بعض الموضاعات هنا وتحديدا الواجهة الامامية؟
ارجووووو الرد

[ابوعبودي]

مبروك عليك السياره

[متعة الإحساس]

السلام عليكم..

يا أخوان بالنسبه لموضوع الشاشه هذا امر منتهي يستحيل انك تقدر تركب شاشة ملاحة في الأفالون زي ما تجي شد البلد يعني مكان الشاشه الزرقاء ولو ركبتها راح تكلفك اغلى من قيمة السياره <***** امزح
بس المهم تكلفك كثير ثاني شي صعب ومستحيل لانو يبغالها قطع معقده جدا جداً .

وبعدين 2008 ما راح يجيبون فيها انفقيشن سستم لان الوكيل مره طيب ما يبي يشغلنا عن الخط واحنى نسوق..

وبعدين لو فيه افالون فيها شاشة ملاحه موجوده في السعوديه فهي جايه من امريكا يعني استخدام بعدين الافالون الجديده من أمريكا بي شاشة ملاحة تكلف سعر خرافي ليش مدري .. هذا الي حبيت اوضحه.


ايوا صح نسيت اقولك مبروك على السياره والله يعطيك خيرها ويكفيك شرها.


مع خالص شكري ..