[أبيض غامق]

تفاجأت مرة بعد ما غسلت سيارتي بأن صوت البوري يتغير و كل ماله أردى حتى وصل الى الهاوية و صار مثل بوري سيارة موديل 1901م المهم رحت الوكالة و قلت شوفوه و قالوا ابشر و خذت السيارة و الا هي اسوأ من أول جيت مرة ثانية و قلت غيروة على حسابي قالوا ما عندنا كهربائي ؟!! و من سنتين و حنا نطالب بكهربائي و ما جاء حضرته (( وكالة النسيم - الرياض )) للتأكد
ورشة هي ؟؟؟؟ وشلون وكالة ما عندهم كهربائي
المهم ما اطول عليكم يوم طلبت بواري قالوا بعد يومين تجي من جدة ...... و بعد 6 أيام لا جاء بوري و لاشي المهم خذت بعضي ورحت لمبيعات الوكالة في صناعية النسيم وجابوه لي فعلا بعد يومين
لكن
يوم جيت أغيرها لقيد اللي في السيارة صناعة اندونيسية و اللي في قطع الغيار يابانية
فهموني شسالفة

[وااوأفالون]

والله سالفه غريبه مإدري كيف أفيدك فيها

[ابوفيصل]

مشكلة البوري هذه حصلت عندي وغيروه على الضمان

لكن ماكنت عارف ان البوري الاصلي اندونيسي

هذه الصراحة جديدة

لاتكون السيارة صناعة اندونيسية وحنا ماندري ...

[السهم الاسود]

والله مااستبعد هالشي ..
الكامري يقولو انها يابانيه والتركيب استرالي بس توضحلي ان هذا الكلام غلط X غلط
وطلعت اجزائها صناعه استراليه مع التركيب !!
والله يسامح وكلائنا

[ابوعبودي]

يا خي والله زاتها مشكله معغده خالص

[هـ ي ط لؤلؤي]

انا بعد كانت عندي هذي المشكلة بعد ما كنت مسافر من الرياض للشرقية وكان الجو غبار وعقبها البوري خرب ودخلته على الوكالة في تشييك 20000 قالوا مافيه شيء مع ان البوري متغير صوته مرة واضح
قالي واحد في الوكالة أذا جيت تصلح شيئ في السيارة وانت متأكد أنه خربان لا تقول شيكوا قلهم غيروا يعن بصيغة الأمر بس تدخل السيارة قسم ثاني غير قسم التشييك الي خلال 60 دقيقة وصدق سويت الحركة هاذي ونجحت وغيرولي البوري خلال نصف ساعة ولا دفعت ولا ريال واحد وانا رايح للي عند لكزس الي على طريق الملك فهد

[مجنون الأفالون]

الله دامها إندونيسي


رح للإدارة والعن أبو خامسهم


يا جماعة نصيحة للجميع


لما تنشب للإدارة والله ينزعجون منك ويصلحونها لك ويبون الفكه منك عشان ما عاد تمرهم وينتهون من القلق اللي إنت مسويه



اقولكم سالفة على سبيل المثال لكن خارج نطاق السيارات


واحد من الشباب مشتري كاميرا سوني قبل سنتين ... وخربت معه مدري وش فيها

ووكالة سوني ورا بيتهم بـ 50 متر ... واشغلهم يوميا يروح لهم يشوف وش صار بكاميرته

ويوميا يوميا ... لين حسوا إنه مدير الصيانه من كثر ما يسنتر


اخر شي يبون يفتكون منه .. طقوا له كاميرا فيديو جديده اخر موديل السنه ومميزات وضمان 5 سنوات هههههههههههههههههههههههههههههههههههههه



يعني حبيبي إنشب لهم والله انهم يبلعون العافية



وبالنسبة لمشكلتك


في مدير أدارة الفرع بدوار الإحساء


فرع خريص

إسمه تركي الجاسر( أبو سعود)

شخص جدا جدا جدا جدا جدا محترم والله وحاس فينا وهو معه أفالون بعد نفسنا


وكل ما أجيه وعندي مشكلة ما يتهاون في تصليحها


روح له وما يقصر معك

اسف عالإطالة

اخوك

احمد

[مستشار العين]

انا غيرت الهرن برا بعد ما اخترب وقميته 140 درهم اصلي من الوكاله عن طريق محل قطع غيار اصلية
و تركيبة ب 20 درهم

[بورغد]

يارجال بطل الهرن واقلبه يمكن يكون في ماي

[أبيض غامق]

على العموم مشكورين و بلعناها و شريناه ب170 و الشكوى على الله
الله يستر من تاليتها

[الحـ(درب)ـب]

عندي نفس المشكله

والسبب الغبار اللي بخط جدة متجها لجيزان

وتعال شوف الصوت كيف صار