[العتيبي عبووود]

السلام عليكم ..


شباب ..


بغيت اسئلكم عن تهبيط السياره ..


طبعاا عارفين قصدي شنو تهبيط


هل يؤثر على السياره ويخربها .؟؟


لاني صراحه ودي اسويه على الاوريون !!


انتظر ردودكم !!

[حياة_التميز]

لااااااااااااااااااااااااااااااااااااااااااااااااا ااااااااااا

اخوي العتيبي نصيحة اخويه لا تهبط السيارة

طبعا التهبيط راح يخليك تقص من اليايات و امكن راح تغير الجنوط كمااااااااااااان و مقاس الاطارات

انا انسان كنت مجرب التهبيط على كامري امريكي 99 طبعا بدون مبالغة الكامري كانت ولا زالت احلى كامري ما شاء الله شافها الناس مهبطة بشكل جميل جدا من قدام شوي زود عن الخلف بس المشاكل الي واجهتها كثير

اولا : اقل مطب او حفرة احس بيها كانها بقلبي
ثانيا : انكسرت علي كراسي المكينة اكثر من مرة
ثالثا : اسمع بعض الاحيان اصوات طقطقة

اهم الميزات
رساوة للسيارة اكثر بالاخص عند المنعطفات
شكل انسيابي

بس نصيحة اخوية من شخص جرب لا تهبط او اقلها انتظر لين ما اشوف حل لمشكلة التهبيط لاني جالس افكر بجدية اخلي السيارة اخف و بكفرات انسيابية اكثر و راسية اكثر

في ميزة عندكم بالكويت لاحظتها من خلال زياراتي المتعددة للكويت : الخطوط عندكم افضل من عندنا واجد و المطبات و الحفر اقل بكثير بس برضوا لا تنسى انه في مناطق كثيرة داخل الاحياء السكنية غير مسفلته و راح تتعبك .

دمت سالما

[العتيبي عبووود]

؛؛

يعطيك الف عافيه اخوي ( حياة التميز ) على التجاوب السريع ..

وانا كنت ادري انه يأثر على السياره وفيه مشاكل .. بس شفت كثير من السيارات تسوي هالحركه ..وقلت يمكن عااديه هالحركه ..

ومشكور على النصيحه وجزاك الله الف خير .

؛؛

[داحس]

انحش انحش انحش بالثلاث
عن التهبيط اعرف واحد كان عنده مكسيما هبطها اول ماشراها جت حلوه وبعد سنه جا شكلها اعوذ بالله ماتدري وش فيها شكلها جاي غلط التواير متلويه والسياره حالتها حاله وبعدين انت عندك اوريون تورنج التورنج اصلا هي نازله عكس القراندي اللي رافعتها الرنجات يعني خلك طبيعي ونصيحه اذا تبي تظبط حط رنجات قراندي وبس

[><><]

انا سيارتي بدون تهبط او كلا تحكحك او شلون لو بهبط كان ماقدر امشي عليها

[المكيانيكي]

لا تقص ياي ولا تركب ياي رياضي ولا غيره ركب قفزان وتقدر تتحكم في التنزيل والارتفاع على كيفك لحد ما تشوف اللي يعجبك على اي وزنية ( انا ما انصحك تلين او تقص الياي لانك اذا بترجعها لازم يبغا لك ياي جديد)
شوف صور القفزان وتقدر تفكها وقت ما تبي وترجع السيارة على طبيعتها

[شادي س س]

شوف اذا انك مصمم تهبط ركب اليايات الرياضية قيمتها تقريبا 800 ريال سعودي منها تحافظ على يايات بلدها والشي الثاني اليايات الرياضية تقدر تتحكم في رفعها وتنزيلها بش حط في بالك انك راح تفقد الراحة في السيارة

نصيحة : لا تلعب في يايات بلدها لأنه مهما حاولت ماراح ترجع السيارة زي أول

[عدول]

لا تهبط

خلها جذي

نصيحه اخ

سلامي

[العتيبي عبووود]

؛؛

فديتكم والله

واخوي الميكانيكي انشالله بسئل على القفزان وانشالله اركبه

ويعطيكم العااافيه كلكم على التواااصل

؛؛

[ابوعبودي]

انا ما انصحك تهبط السياره والله مشاكلها كثيره وبعد فتره السياره تطلع اصوات وطقطقه
هذا الكلام عن تجربه

والله اعلم

[العتيبي عبووود]

يعطيك العاافيه اخوي ابو عبودي

[حبيب العمر ..::]

كلام الاخــوان عــدل ..

مـا يــحــتاج أنــك تهــبـطها لأن راح تــخرب السيــارة وحــرام السـيارة جديدة ..

وفيـه ناس مجـربيـن هالحركة وأنا أشـوف سيــاراتهم والله خــرابــات وما أدري شنو ..

وفيـه واحـد لما ركـبت معـاه السـيارة في المطب الصـناعـي ترتفع وتنزل ترتفع وتنزل بعد شوي تركد وبالداخل ما فيه أي راحة ..

وسألت رفيجي اللي انا وياه ركبنا مع صاحب السيارة لأن كان يعرف صاحب السيارة فـقال المعاونيات رايحة فيها ..
وان شاء الله تتقبلنا نصـيحـتنا ..

واذا جربت القفزان قولنا تجربتك معاها ..

والسمــوحة على الإطـالــة ..،

[العتيبي عبووود]

المشاركة الأصلية كتبت بواسطة حبيب العمر ..::

كلام الاخــوان عــدل ..

مـا يــحــتاج أنــك تهــبـطها لأن راح تــخرب السيــارة وحــرام السـيارة جديدة ..

وفيـه ناس مجـربيـن هالحركة وأنا أشـوف سيــاراتهم والله خــرابــات وما أدري شنو ..

وفيـه واحـد لما ركـبت معـاه السـيارة في المطب الصـناعـي ترتفع وتنزل ترتفع وتنزل بعد شوي تركد وبالداخل ما فيه أي راحة ..

وسألت رفيجي اللي انا وياه ركبنا مع صاحب السيارة لأن كان يعرف صاحب السيارة فـقال المعاونيات رايحة فيها ..
وان شاء الله تتقبلنا نصـيحـتنا ..

واذا جربت القفزان قولنا تجربتك معاها ..

والسمــوحة على الإطـالــة ..،

يعطيك العافيه اخوي على المرور ..

وانشالله اذا ركبت القفزان راح انزل موضوع عنه

[الزين كله]

السلام عليكم
حبيبي انا واحد من اصدقائي عنده هونداي ازيرا
سوا تليين لليات الامامية صح منظر السياره صار شي ثاني
بس على الخط تصير تهز ماتحس فيها برساوه
بعدين الاوريون تحسه نفسها نازله اي مطب ولا ارتفاع بالارض شوي تسمع انواع الاحتكاكات


تقبل مروري الزين كلــــــــــه