[ولد الدوحة..]

السلام عليكم

شخباركم يالربع وش احوالكم ..؟؟؟

الحمدلله صرت مثلكم وخذت كورلا 1800 واكس ال مطور

بس يالربع عندي مشكلة بس ماعرف لها
طبعا تعرفون الطبلون اكيد
عاد انا الطبلون الي عندي يكون مولع يعني مضوي حتى لو ماني فاتح الكشافات الي برع او الخفيف
يعني مجرد مااحط السويج واشغله خفيف يفتح الضوء ويولع الي في الطبلون بس الامبير مايكون مولع
يعني دوم يكون مفتوح ليل ونهار ماعرف شاسوي ولا موديل 2007 جي
بس والله مادري ياريت تفيدوني ...؟؟؟

وبغيت استفسركم في شي

طبعا الكل يقول والمفروض انه او ماتشتري السيارة جديدة اصفار المفروج انك ماتسرع فيها ..؟؟

المهم انا ابي اعرف وش السرعة المحدودة حق السيارات الجديدة ولين كم كيلو متر تكون في التمرين
وشلون يكون التمرين حقها ...؟؟؟
وشنو الشي الي يكون خطر عليها ..؟؟؟

ياريت تفيدوني تراني اول مرة اسوق سيارة جديدة يعني أصفار

تكفووووووووووون طالب الفزعة ولكم مني انشالله اصور لكم سيارتي بالكامل

[خطير!!]

اولا عادي يكون الطبلون شغال حتى لو ما تشغل النور
ثانيا حاول سرعتك ماتتعدى 100 لين ما تمشي السياره 1000 كيلو وحاول تكون لين مع السياره شوي لا تعطيها عزم قوي
ثالثا شغل المكيف عادي


اتمنى اكون افتدك

[الولد@@@]

المشاركة الأصلية كتبت بواسطة خطير!!

اولا عادي يكون الطبلون شغال حتى لو ما تشغل النور
ثانيا حاول سرعتك ماتتعدى 100 لين ما تمشي السياره 1000 كيلو وحاول تكون لين مع السياره شوي لا تعطيها عزم قوي
ثالثا شغل المكيف عادي


اتمنى اكون افتدك

سمعت ان المكيف يضر

[مهند 008]

لا لالالالا تشغل المكيف الا بعد 1000 كيلو (( كلام مضمون مو من راسي ))
ولاتحاول تدعس مرة وحدة


والف مبرووووووووووك

[خطير!!]

انا بنفسي سالت المهندس اللي بالصيانه عن المكيف اول ما طلعت السياره قال شغل المكيف عادي ما فيه اي مشاكل وتقدر تتأكد بنفسك من اقرب مركز صيانه لتويوتا

[تـو كورولا يوتا]

ياخوي عادي لانوار الطبلون
ثانيا التمرين لاتتعدى الــ100 ولا تخلي دعستك وحده خليها على 90 ومره 80 ومره 100
ثالثا: المكيف لالالالا تشغله الى بعد الــ1000 كيلو اسأل مجرب ولا تسأل طبيب

[الكورولا مووووت]

هلا وغلا أخوي سيارتك لاتمشي عليها أكثر من 80 لأنها جديده وهذه هي فترة التليين زي ماقالو الشباب بس لاأكثر وتجنب الوقوف المفاجيء وبالنسبه للمكيف أذكر المهندس قال لنا لاتشغلونه إلا بعد ال1000 كيلو وتعرف إحنا جونا حلو يعني حتى لو 5000كيلو مابنشغله هههههه وأتمنى إن يفيدك هذا الموضوع http://www.toyota4arab.com/forum/showthread.php

[ولد الدوحة..]

تسلمون يالربع
بس انا اشغل الكيف دوووم يالربع والله جو الدوحة نااار صعبة تعيش بدون مكيف
وبخصوص لدعسة أكثر شي رحت 100
وبخصوص الوقوف المفاجئ ذاك اليوم وقفت واليوم امس بسبة واحد وقف يدامي مرة وحدة واليوم بسبة الاشارة
وبيني وبينكم انا اضغط زر الا سبيد ههههههههههه

[كورلا الراشدية]

ومنكم نستفيد

[المسلفط]

الله يعافيكم اول مرة ادري ان المكيف يؤثر