[عاشق الريشة]

السلام عليكم شباب...

صبحكم/مساكم الله بالخير

ابشركم شريت كامري جديد (GLX-جماح فتحة) لاكني باقي ما استلمتها

ابي اسمع نصايحكم عشان تضبيطات السيارة

مثل حماية - تلميع - تضليل ........او اي شي بيسوية اللي شرى سيارة جديدة

((((( طبعاً هذي اول مرة اشتري سيارة في حياني ))))






لذلك انا محتاج لنصايحكم



تحياتي للجميع والجميع يشارك

[عاشق الريشة]

افا................محد رد



تراني طالب معلومة ونصيحة بس............ماني طالب فلوس !!



انترظ ردودكم

[المسـافر]

ضلل السيارة V-CooL زيرو-1 كامل والقزازة الأمامية زيرو -زيرو.

ركب جنوط 18 مع كفرات عريضة ... و (دعسة) عالية حتى ماينعدم عليك الجنط .

إذا كانت داخليتك فاتحة .... رح لــ زي بارت و خلهم يحطون لك حماية للجلد و الطبلون حتى مايتوسخ .

و اول ماتشتري السيارة لا تتعدى سرعتك الـ 100 ... خلال اول 1000 كم .

و الأفضل انك ماتشغل المكيف خلال الـ 1000 كم .

[عاشق الريشة]

الف شكر اخ مسافر على المرور ولكن فيه سؤال..

هل اضلل السيارة اول وبعدين ادخلها زيبارت؟

ولا العكس!

اتوقع اوديها زيبارت اول بعدين اظللها واركب حماية من الرمل للواجهية؟

وش رايك ؟


ولا يهونون الباقين

[المسـافر]

تضليل زي بارت ممتاز

يعني تقدر تضلل و تسوي حماية عنده بنفس الوقت

[داحس]

وعليكم السلام
مبروك عليك والله يعطيك خيرها ويكفيك شرها
اولا سرعتك لاتتعدى 80 كيلو زي ماهو مكتوب في الكتلوج ولاتمسك بريك بقوه يعني فرامل وبعدين لبس الارضيه جلد شفاف ولبس الكشنات يعني المراتب جلد نفس لون السياره لان الجلد لو انكب عليه شي ماعليه حسوفه اغسله وينظف بس لو ملبسها مخمل يبي يمتص البلل على مخمل السياره الاصلي وانا مجربه الجلد ثلاث سنين مرتاح وميه ميه ولا تغير لونه الا شي بسيط وبعدين السكان الدركسون يعني لبسه انت وذوقك والوجيه حط عليها الاستكر الحمايه هو غالي حوالي 200 دينار يعني 2400 ريال بس والله انه سعره فيه تبقى سيارتك نظيفه بدون خدوش ومبروووك عليك

[الراااكد]

الله يعطيك من خيــرها ويكفيــك شــرهـا . . .

أهم شئ لا تسرع عليها أول 1000 كلم ويفضل إنك ما تشغل المكيف . . . والباقي شئ راجع لك قدامك شارع الغرابي . . .

[أمير نجد]

اخوي

نصيحة لوجه الله

لوجه الللللللللللللللللللللللله

اذا رحت للغرابي انتبه تسمع لكلام اليمانيه تراهم نصابين قد ماتقول عنهم نصابين

فهم نصابين اكثر من ماتتوقع

وغير كذا اي واحد يجيك معاه قشه وحوسته بكيس ويقعد يتفلسف عليه حط هنا ومدري ايش

تراه نصاب

ولا تحلفني انهم مخسريني فوق 800 ريال وكلها فكيتها وحطيتها بالزباله وانت بكرامه

ادخل الغرابي وانت في بالك تحط كذا شي ولا يضحكون عليك زيي

[المكيانيكي]

المشاركة الأصلية كتبت بواسطة أمير نجد

اخوي

نصيحة لوجه الله

لوجه الللللللللللللللللللللللله

اذا رحت للغرابي انتبه تسمع لكلام اليمانيه تراهم نصابين قد ماتقول عنهم نصابين

فهم نصابين اكثر من ماتتوقع

وغير كذا اي واحد يجيك معاه قشه وحوسته بكيس ويقعد يتفلسف عليه حط هنا ومدري ايش

تراه نصاب

ولا تحلفني انهم مخسريني فوق 800 ريال وكلها فكيتها وحطيتها بالزباله وانت بكرامه

ادخل الغرابي وانت في بالك تحط كذا شي ولا يضحكون عليك زيي

كلامك صحيح والمفروض الكل يتقيد فيه لان ما وراهم الا الضحك على الناس بخرابيط ما لها داعي والمشكلة بعض الناس يصدقونهم ويركبون من عندهم

[عاشق الريشة]

المشاركة الأصلية كتبت بواسطة داحس

وعليكم السلام
مبروك عليك والله يعطيك خيرها ويكفيك شرها
اولا سرعتك لاتتعدى 80 كيلو زي ماهو مكتوب في الكتلوج

الله يبارك فيك............

لكن بغيت اسأل.... هل انت متأكد من سالفة السعة 80 اول الف كم؟؟؟؟؟


واحد شايب قالي انتوا مساكين يالشباب............
السيارة ماتطلع من المصنع في اليابان الا ممرنه جاهزه
لكن الوكابة بقولون كذا لان موجود في العقد ان عند وجود اي مشكرة في السيارة اول 1000 كم يتم تغيير السيارة مباشرة

وش رايكم في الكلام؟

اللي عنده عقد شراء من تويوتا يتاكد ويرد علينا؟


مشكورررررررررررررررررين

[سري للغآيه]

والله انا توني مطلع سيارتي العصر من الوكاله

glx 2007 جناح + فتحه اسود اوتو

قالي المهندس لاتتعدى السرعه 100كم ويقوول شغل المكيف عاادي

بس انا اول ماطلعت السياره والحراره على النص ماتنزل مدري ليش

احد عنده خبر عن الحراره او هي طبيعيه كذا

[ابو الشيح]

في البدايه علي البركه والله يعطيك خيرها ويكفيك شرها نصيحه لوجه الله لا تحط زنون ولا جنوط يعني خلها شد بلد واترك عنك العربجه وحط ستكر ما شاء الله عند محل الزينه

[ياسرر]

الله يباركلك فيها ويعطيك خيرها ويكفيك شرها
مبرووووووووووووك الف مبروووووووووك
اهم شي يوم تركب فيها اول شي شغل شريط قران واحمد الله على نعمه وفضله
وبعدين اعقد فيها على سرعة220 هههههههههههههههههههههه
الله يكفيك شر العين

[الكامري ياسامري]

تضليل زيرو 3