[بينج بونج]

حطيت هذا الموضوع ياجماعة الخير بعد ماشفت في فتحة الأفلون لين رفعتها على فوق يعني طلعتها على برى ومشيت فوق الـ 60 كم تسمع صوت هواء واضح ، قلت عادي كل السيارات كذا لكن لما ركبت في أكورد 6 سلندر وسقتها والفتحة مرفوعة وأنا أمشي 120 كم استغربت لأني ماسمعت صوت هواء أصلاً داخل السيارة ياشباب شوفوا إلينا حل وإلي مو مصدق يركب أي سيارة فيها فتحة غير الأفلون ويشوف بنفسه لازم أنه في حل إلى هل عيب .

[وااوأفالون]

والله يإخوي إلي أنا أعرفه أنو سيارات تويوتا كلها كذا


وتقبل مروري

[الافق]

صحيح كلامك أخي ..بينج بونج

وفعلاً ..أنا منذ شرائي للأفالون جديده من الوكاله .. كتبت عن هذا العيب صوت الهواء عند فتح فتحة الأفالون!!! ..لكن أعضاء منتدى الافالون أخذو يكذبون ويكابرون والي يقول سيارتك قالبه والي يقول مصدومه .. مو راضين يعترفون بأن سيارتهم فيها عيوب مصنعية ..
لله المشتكى ..



تحياتي للجميع

[بات مان]

الله يعينك اخوي والله ماعندي اي فكره ممكن ياغلاي من الشركه نفسه اي شركة تويوتا

تحــــــــــــــــــــــــــــــــــــــــياتي لك

[احلى واحد انا]

السلام عليكم

اخوي اسمحلي بالمشاركة

انا معاي اوريون قراندي

يوم امشي فوق الـ 60 مثلك اسمع صوت هواء واضح من الفتحة

لكن كل سيارات تويتا كذا

ركبت vxr خويي موديل 2007 كامل المواصفات شاريه حول الـ 200 الف

ورفع الفتحة على فوق وابد مشى يمكن 60 صوت هواء واضح سواء الغطا مسكر او مفتوح

لكن اذا كان مسكر يخف ...

بس حبيت اطمنك مو بس بالأفالون يالغالي

تقريبا اذا ماكان كل سيارات تويتا كذا

ولا تخاف تراه شي طبيعي

تقبل تحياتي وردي بصدر رحب

ومعليه خاش غلط قسم الأفالون لكن مشوها

هههههههههههههههههه

[متعة الإحساس]

المشكله حلها جدً بسيط وهو...







أنك لمى تفتح الفتحه تخلي الهوايه مفتوحه يعني النور حق الهوايه طافي وبس. وانشاء الله تلاقي الفرق.




مع شكري وتقديري..

[المــمـــيــز]

انا كان معاي بي ام دبليو 745اي ال وفيها هذا الصوت

عادي ياجماعة وش تبيون اكثر على فكرة فيه نظرية

اذا ما طلع معاك صوت الفتحة يعني ان الهوا يدخل السيارة ويطلع مع الفتحة وهذا دليل ان السيارة عزلها

تعبان واذا الصوت يدخل عليك من الفتحة هذا دليل ان العزل في السيارة كويس والهوا يدخل من فوق

ولا تقولي ان عزل الهواء في الهوندا الاكورد افضل من الافالون لاني مجربها

[افا(لومافيه)لون]

لالالالالالالالالالالالالالالا اخوي المميز كلامك مهب صحيح ابدا

انا ركبت الاكورد والله عزل خيالي قلت الشركه تفرق

ركبت لكزس اي اس (كامري الشيوخ) مودل 2003

والله ماشاء الله ولا كأنك فتحت الفتحه

ركبت تاهو والله نفس الشي

مو زي الافالون مرررررررررره ازعاج مايفيد لا صوت مسجل ولا تسكر الغطا

يعني قارن بين السيارات وشف بنفسك الفرق

تحياتي

[المــمـــيــز]

على العموم تراها تركيب السليماني الفتحه مو وكالة

[الحـ(درب)ـب]

الفتحة من الوكاله يالغالي


وبعدين الصوت قوية حبتين
بس اذا خليت التهوية الخارجية
الصوت يقل بس مايختفي


وتقبل مروري

[الـــقـــرنــي]

يعطيكم العافيه يا شباب على ارائكم بس الي اعرفه ان سياراة تويتا فيه العيب نفسه الي هو تنسيم الهوا
يعني مو بس الافلون وانا لما دخلت موتري تشييك 1000 قلت للمهندس يا خي فيه تنسيم مره قوي قالي
خلها على ربك موبس انت الي تشتكي منها بس حنا بنشيكلك عليه وانشا الله يروح التنسيم لا وقالي والله فيه ناس جونا كانو يشتكون من التنسيم وصلحنا سياراتهم وما راح التنسيم با العكس زاد حت والله اني خفت من كلامه وسووها ولا فيه تحسن يذكر وبعدين قلت يا رجال خلك على قردك لا يجيك الي اقردمنه

واسفين على الاطاله تقبلو تحياتي

[نايف العتيبي]

هوندا كورد 6 سلندر و نظام عزل ممتاز

و تجربة Sonata 2008 و طبعا 4 سلندر كامل المواصفات نظام العزل ممتاز و بسرعة 200 كم و الصوت خفيف جدا مقارنة مع الكامري

طبعا كامري و افالون بنات عم

[بنت الخران]

طبعا فى صوت ثاني بعد ما تسكر الفتحه

لما تمشى فووق 200

تسمع صفيير حااد مخييف جاي من الفتحه

خبرت الوكاله وبدلو الفتحه على الظمان واختفى صوت الصفير

اما صوت الهوا والفتحه مرفوعه

كل السيارات التويوتا نفس الحاله بالظبط

ودمتم سالمين

[بورغد]

ياشباب هذا صوت طبيعي ورا انتوا امكبرين السالفه

[غـيـر الـنـاس]

التنسيم الي اذا رفعت الفتحه عادي في كل سيارات تويوتا

وانا معي كامري وفيها تنسيم اذا رفعت الفتحه عااادي

[أبو ريان]

أخونا ما يقصد التنسيم

يقصود صوت الهوا مرره حاد

وانا لاحظتها من أول يوم رفعت الفتحة فيها ...

طبعا قبل الأفلون كان معاي لاندكروزر 96

صوت فتحته اخف بكثير من الأفلون

بس جرب أخوي إنك تنزلها شوي ... يعني تخليها نص مرفوعه

بس يا جماعة فيه عيب أخطر من كذا بكثير

وصراحة مدري وشلون ما انتبهوا لذا العيب

إذا فتحت الفتحة كامله ( يعني دخلتها في السقف )

رح تلاقي أنها مفتوحة إلى آخر التندة ... يعني طول ما انت ماشي الهوا يرفرف على التندة، وبكذا يفككها لك بسرعة، وأيضا يجمع الغبار والوساخه