تبي نصيحه اخو جرب شامبو جونسون للأطفال لادموع بعد اليوم والله ان كثير من الشباب يستخدمونه والله لو تشوف سياراتهم تقول مافد مشت خط وسهل انك تشيلها وغير كذا تعطي لمعه رهيبه
فيه موضوع اعتقد قالو الشباب ان فيه بخاخ بلاستك شفاف ترشه على السيارة ويحميها بطبقة بلاستك وسهل ازالته بالماء والعلبة تكفي لثلاث مرات على ما اعتقد قيمتها 100 ريال انا ما جربته للحين بس بجربه ان شاء الله
وممكن انك تراسل اخونا الزين كله يفيدك عن مكانهم بالرياض
التفاصيل :
هي مادة سائلة شفافة تتحول بعد رشها إلى طبقة بلاستيكية شفافة تعطي حماية للسيارات ضد الرمال، ويسهل إزالتها بالماء أو قشرها باليد.
مميزات المادة:
• أفضل مادة مكتشفة لحماية السيارة ضد العواصف الرملية.وحشرات الطريق
• سهولة إزالة المادة بالماء مع أنها تعطي لمعان واضح بعد غسلها، كما يمكن إزالتها عن طريق قشرها باليد.
• صنعت هذه المادة خصيصا لحماية السيارات سواء اكان طلاء او زجاج او بلاستيك، وبذلك فإنه ليس لها أي آثار سلبية تماما في الاستخدام.
• خاصيتها الشفافة تعطي وضوح للرؤية أثناء رشها على الزجاج ولا تؤثر على إنارة شمعات السيارات أثناء القيادة ليلاً. كما لا يتغير الشكل الخارجي للسيارات أثناء رش المادة.
• تستمر حماية هذه المادة حتى يلامسها الماء.
• صناعه امريكيه
• سعر العبوه 100 ريال
مركز الجودي للعنايه بمظهر السيارات
الدمام
شارع الضغط العالي
ج0555863713
ت8210303
بيض الله وجهك اخوي هزاع انا اعرف وقريت عنها بس ابي واحد مجربها معقوله مافيه احد !!
طيب انا بجرب وبكتب تجربتي بالتفصيل , وبالمره اكون اول واحد في المنتدى يجربها
ياشباب للفائده فقط وبما اني اول واحد يسجل هالمعلومه بالمنتدى فأحتفظ بحقوق الطبع
رحت للمركز وقابلت صاحب المركز بنفسه وسألته عن كل شي يخص هذي الماده وقالي كل شي بالتفصيل الممل
المهم طلعت العبوه ب100 ريال ورشيتها عندهم بالمحل ببلاش
قال اذا شريت العبوه وحبيت ترشها عندنا فنرشهالك ببلاش اما اذا حبيت ترش بدون تشتري العبوه فلليوكن 50 ولموتري انا 45
رش العامل وجه السياره مع المرايات ومن اسفل وعلى الجوانب من الزجاج الأمامي والصدام والشبك
يوم مشينا وصلنا الرياض قال الشايب راح وجه السياره ودفعنا فلوس على الفاضي
بس يوم غسلنا مواترنا من الغبار طلعت ما كأن صار فيها شي ولا كأنا سافرنا عليها
ماشاء الله مواترنا طلعت تلمع بمكان الرشه .
طبعا قبل امشي سألته اذا كان عندهم فروع بالرياض قالي مستقبلا ان شاء الله
قلت والرشه اذا نبيها بعدين شلون قال ممكن نوصل للرياض بسعر رمزي ويقول بعد انه في مركز اسمه كاركير بالرياض عنده رشه بس ما يدري اذا كانت بنفس المواصفات ,قلت احنا بنجرب وبنشوف
هذي خلاصة تجربتي واتمنى تفيدونا الي جرب الرشه الي بكاركير
اخوي الرشه الشفافه الي انا جربتها وكانت ممتازه هي الرشه الي بمركز الجودي بالدمام وهي غير مضره ابدا ولو تخليها اسبوع اسبوعين شهر ماعندك مشكله ابدا بالعكس كل ما طولت احسن
اخوي هزاع انا مريت مركز كاركير ولقيت الماده الي عندهم لونه احمر تقريبا !!
الي عند مركز الجودي لونها ازرق !
يعني الظاهر انها مو نفسها .
اخوي ابوفيصل الله يسلمك من كل شر ,,,والطريق كله كان معجج بالحيل ويوم وصلنا للرياض لقينا مواترنا معدومه وقال الشايب راحت السياره بس الشاهد الله يوم غسلنها كأننا ما سافرنا عليها ابد لا وتلق ,
انا استعملت الرشة من عند مركز الجودي و هي ممتازة جدا و صاحب المركز و الله مااعرفه بس من تقابله تحس انك تعرفه من زمان . المهم سافرا للكويت و رجعت و بعد ماغسلت السيارة رجعت كانها جديدة . المهم تكون الرشة و السيارة باردة و ماتحركها بعد الرشه 30 دقيقه لما تجف المادة .
يا شباب احد جرب رشة السفر الشفافه الي عند مركزالجودي ؟؟ 
