[أبو عبدالمحسن]

تكفووووووووووووووون تراني دبشه ما أعرف شي أفيدوني جزاكم الله خير ....


السلام عليكم ورحمة الله وبركاته ...


حياكم الله ...


أبي أشاوركم في قيمة لكزس 430 مديل 2001 فيها شاشه ... وفيها نظام المساعدات الرياضيه... وفيها ميزه انك تقدر تثبت سرعتك مع الي قدامك يعني اذا اسرع يسرع واذا هداء تهدي معه من حالها ... وفيها خرابيط واجد ...


السيارة أمريكيه

ماشية 185000 كيلو

المديل 2001

اللون أسود

القيمه 88 ألف ريال

الحالة نظيفة جدا داخلي وخارجي والصدام الي ورى فيه مخش خفيف بس مهوب باين مره ... بس فيها الحساس الامامي خربان ... كم سعر الحساس ...

بدون جنوط يعني الجنوط الي عليها كروم بايخ شكلها ... يعني ابشتري لها بس كم قيمت الجنوط

وش رايكم في السيارة حلو سعرها ولا غالي وكم اسعار الكززس 430 مديل 2001 و 2002 ...


وهل عيب انها امريكيه ... وهل قطع غيارة متوفر ولا بعد بينشبونا ...

وشاشة عنقريزيه هل اقدر ابرمجها عربي او ادخل فيها خرايط


الي عنده علم يفيدني فيه تراي دبشه واخاف اني ادرعم في شي يصير غالي ... أو شين تكفوووووووووووووون ....... ما أعرف شي ..

[أمير لكزس]

والله ما انصحك باستخدام امريكي

انصحك تاخذ خليجي

[أبو عبدالمحسن]

هلا والله وغلا بأمير يالله مير أن تحييه وأن تبقيه ...


طيب وش رايك في المواصفات الي ذكرتها ... مدري شف انا قلبت من فووورد الى لكزس دخلها بمخي واحد من الشباب اليوم وجازت لي ويقوولي رخيصه 88 الف مدري هل هي رخيصه ولا لا لانه يقول الخليجي ب 100 الف ريال ويقووولي من ناحية الناظافه نظيفه ويحلف وقالي ابد جربهااا لك اسبوعين انخل مندوبها ودها للوكاله وشف وش فيهااا من طقطق الى سلام عليكم ...
والي رغبني فيها اكثر انها نظيفه كنها مشاء الله جديده او اخت الجديده ...
طيب ياااخوي تفيدني بالاسعار الخليجي مااعرف والمشكله ان يوم السبت عندي اختبار يعني محجور بالبيت قلت مالي الا انت هو الي بيفيدني ... عن السعر واخاف انها تروووح ...

وطيب وهل تاكل عليك صيانه وخرابات ومدري ايش ...

بيض الله وجهك ورحم الله والديك والدينا عن النار ...

[أمير لكزس]

شوف السيارة حلوة ومواصفاااات جننننننان لكن ما تعيش بأجوائنا

هذي وجهة نظر ولا ماشي حالها في الخليج

بالنسبة لاسعار الخليج من 100 الف وطالع

[أبو عبدالمحسن]

الله يعطيك العافيه يأمير ويطول عمرك ...


طيب تقدر تفيدني عن صيانتها ... من ناحية خرابها ...من ناحية تكاليفها ... ومن ناحية قطع غيارها ... ومن ناحية صيانتها الدورية ...



جزاك ربي الجنه وطول الله عمرك ويخليك ياربي لعين ترجيك ...

[أمير لكزس]

شوووووف مشاكل ما عليها مشاكل لكن صيانتها غااااااااااااااالية وبعض الاحيان توصل صيانتها 5 الاف ريال

[أبو عبدالمحسن]

يؤ مافيه الا واحد رد علي ... غيربه وينكم ياراعين الكزس !!

[أبو عبدالمحسن]

أمير بيض الله وجهك ورحم الله والدينا والديك عن النااار ....

[بات مان]

تبي اخوي الصراحه يا ابو عبد المحسن لاتشتريها
ياخي شف كم ماشيه 000185وين يا اخوي

انا انصحك انك لا تاخذ لكزس امريكي لانها مو مناسب لجونا

وثانيا قطع غياره ياغلاي متوفر مو ذاك الغلا ياغلاي

انا اقولك خذ لكزس مواصفات سعودي لان المواصفات الخليجي غالي

عاد انت وبسلمتك الا اذا كنت معك شويت قروش زياده فنصيحه تاخذ لاخليجي

تحـــــــــــــــــــــــــــــــــياتي لك