[مناصر]

السلام عليكم

ياشباب عندي مشكله بالكورولا
اللي هي انها ماتشتغل بسهوله يعني لازم ازر على السلف شوي علشان تشتغل
انا وديتها صيانه قبل اسبوعين كانت تمام ويووم طلعتها ولافيها ذي المشكله عاد رجعتها
لهم كم مره واخرتها غيروا الطربنه حقت البنزين ونفس المشكله
بصراحه انا ناوي اوديها لورشه برا لاني طفششششششششت من الوكاله رايح راجع
بس قلت ابستشيركم اول واشوف اذا فيه احد يعرف المشكله بالضبط وشي

لا تبخلون علينا ياشباب

[أمير لكزس]

والله ان شاء الله يفيدونك

[المكيانيكي]

موديل كم سيارتك؟؟

[مناصر]

امير لكزس اشكرك على الرد

المكانيكي
موديل السياره 2006 ماشيه 44000

[فرحة لقانا]

شف البواجي و اسلاك البواجي اخر مرة غيرتهم متى ؟

[مناصر]

اخر مره قبل اسبوعين بالوكاله غيروا البواجي

بس اسلاك البواجي ما اعتقد

عموما ما اظن ان المشكله من اسلاك البواجي لان
السياره مافيها تقطيع بس المشكله عند التشغيل لازم تزر
على السلف شوي وما تشتغل الا بعد مرتين ثلاث

ومشكور على الرد اخوي

[فرحة لقانا]

طيب مدامك تقول ان الوكالة شيكت عليها قبل اسبوع وغيرت البواجي شف اسلاك البواجي يمكن احد الاسلاك

مرتخي ولا شيء . او انهم مركبو صح .

[بات مان]

انا من الراي تروح تدوديها الى الورشه وش وش يقولون

تحـــــــــــــــــــــــــــــــــــــــياتي لك

[مناصر]

فرحة لقانا / والله طفشت منهم بوديها لمكانيكي اعرفه وان شاء الله ان المشكله بسيطه
واشكرك على تجاوبك اخوي

بات مان/هذا اللي بسويه باذن الله
مشكور يابن العم

[تـو كورولا يوتا]

والله اخوي انت نفس مشكلتي بالزبط تعبت مع السياره من كتر تشغيلها
اذا شفتلها حل قلنا على الحل ومشكوووووووووووور

[مناصر]

ابشر ياخوي اول ما اشوف لها حل بعطيك خبر

[تـو كورولا يوتا]

يسلموا اخوي

[الكرولا الفضي]

افحص البطاريه واذا كانت سليمه
افحص السلف

[كامري الرياض]

بانتظار النتيجة

لأن عندي كامري2006

نفس المشكلة الآن

تكفى عجل علينا

وإذا وجدت محل كويس سواها لك علمنا الله يرضى عليك

وتحياتي لك،،،،،،،،،،،،،،،

[مناصر]

تم حل المشكله ولله الحمد

وديتها الوكاله وقالوا خلها يومين
ويوم جيت استلمها قالوا خلاص غيرنا البطاريه
وكل شي تمام وجربتها لقيتها تمام

اشكر كل الاخوه اللي شاركوا بالموضوع
وشكر خاص للكورولا الفضي

[تـو كورولا يوتا]

بس يااخوي انا غيرت البطاريه والبواجي وفلتر البنزين يعني ماخليت شي والى غيرته
ونفس المشكله مافي فايده وانا انشاءالله بدخلها يالسبت ولا يوم الاحد وبخلها صيانه شاملها

[كامري الرياض]

أنا غيرت البطارية باقي نفس المشكلة

والحين في الوكالة

[أأبو محمد]

الله يعين على هالعطالات