[احلى واحد انا]

السلام عليكم ورحمة الله وبركاته

كيف الحال ياأوريونين؟ عساكم بخير

ياخوان ليه مانسوي اجتماع لاصحاب الأوريون بالمنطقة الشرقية؟

سبقونا اخوانا راعين الأفالون بكل مكان (قطر-الرياض-الشرقية)

وش ناقصنا حنا طيب ؟

ليه مانسوي اجتماع بالشرقية لاصحاب الأوريون ؟

نقابل وجوه طيبة ونتعرف ونتمشى وضحك ووناسة

تكفون خذوا الموضوع بجدية شوي

نبي تفاعل نبي ردود نبي اراء

مو كل واحد يدخل الموضوع يقرا ويطلع...

والله مو حلوة

انا قلت القصد منهم التعرف على الأعضاء والوناسة والسوالف

ونحدد لنا يوم نتجمع فيه بمكان ووقت حلو ونتكي على راحتنا

اتمنى اسمع اراء وردود موافقة على الفكرة


لقد تم تحديد مكان الإجتماع في الواجهة البحرية في الخبر بالضبط في مواقف د.كيف

اليوم الخميس القادم

الساعة 5 المغرب

الرجاء الإلتزام بالحضور ياشباب كلنا متأملين فيكم

[الشروق]

اصبر لين اطلع سيارتي الا قول لي السياره فيها مشاكل ولا شي

عندك واسطه اطلع لوحه مثلك تكفى قول لي

[هم الليل]

اشجعك وبقوه اخوي احلى واحد

فعلا صار لازم نسوي تجمع للاوريون... موديل 2008 بينزل الحين وحنا باقي ماسوينا تجمع

الي يقول وش فايدة التجمع؟؟ ياخي تعارف ووناسه لأصحاب الاوريون

بالنسبه لي والله انا بعيد حيل من المنطقه الشرقيه انا بالجنوبية الحين ولو فيه تجمع هنا انا اول واحد يحظر

هالله هالله ياشباب حددو الموعد وتجمعوا ومنتو خسرانين شي واصحاب السيارات الثانيه ماهم افضل منكم

ولا شي... اصحاب (( الافلون )) صارو في كل مكان مسوين تجمع واحلى تجمع لهم الي كان بالرياض تصوير وحركات وسوالف

[ابو جونه]

يالله انت صاحب الفكره حدد يوم أو حط عدت أيام وتواريخ

ويكون عليها تصويت متى افضل يوم ونتجمع انشاء الله

ونستفيد من هذا التجمع... أنا ماعندي مانع..

[احلى واحد انا]

طيب ياحبايب

زين انكم موافقين

وش رايكم الخميس القادم

يعني بعد اسبوعين بالضبط

بتاريخ 17/8/1428

والوقت يكون الساعة 5 المغرب

والمكان نصوت عليه

فيه(كورنيش الدمام-كورنيش الخبر-واجهة الدمام-واجهة الخبر-شارع بالدمام فاضي وحلو اسمه الشارع الأصفر بحي الشاطي)

هذا اللي عندي واللي يبي يزيدني ياخوان

تكفون نبي تجاوب وتفاعل


ولاهنتم يالغالين ..

[اخو محمد]

سجل عندك 0000 ثاني واحد بعد الاخ ابو جونه
التاريخ مناسب 17ـ8 بس الوقت يفضل ان يكون على الساعة 5 عصراً
لان المغرب يأذن على ستة وربع 000000000000000

[العتيبي 511]

ياشباب مو بس الشرقية نبى اجتماع في مكة واللي عندهم اوريون في مكة نرجو التفاعل منهم
وشكراً

[حياة_التميز]

انا ان شاء الله اقابلكم عشان اسلم لو كنت بالشرقية و لو كنت مسافر جدة يصير وقت ثاني نتقابل باذن الله

[نقطة بداية]

والله فكره حلوه
ودي اشارك معكم

[احلى واحد انا]

طيب حلو

الحين فيه اثنين وانا ثالثهم

(ابو جونه-اخو محمد- انا)

طيب نبي عدد اكثر ياناس

[احلى واحد انا]

طيب والمكان ياهل الشرقية ماصوتوا عليه ؟

الوقت اتفقنا يكون الساعة 5 المغرب

بـس نبي تصويتكم للمكان

[عبادي مجنونها]

الفئه العمريه لاغلب اصحاب الاوريون ما بين 25-35
يعني عاقلين ومشغولين بحياتهم الخاصه وما يهتمون بسوالف المراهقين
وإذا غيرنا سواها مو شرط نقلده
حنا هنا بالمنتدى لتبادل الفائده والخبرات
أما الهياط الزائد انا مو معاكم
(مو السيارات اللي تجمع الناس وتعرفهم ببعض )
ارجوا تقبل رأيي الشخصي
تحياتي

[اوريون الخبر]

انا معكم قداااااااااااااام بس بمر عليكم ودق لكم هرن ط ا ط ا ط تعبير عن تعاوني معكم

تحياتي

[احلى واحد انا]

المشاركة الأصلية كتبت بواسطة اوريون الخبر

انا معكم قداااااااااااااام بس بمر عليكم ودق لكم هرن ط ا ط ا ط تعبير عن تعاوني معكم

تحياتي

خلاص تم تسجيل اسمك بالمشاكرين في الإجتماع

المشاركين حاليا من اعضاء منتدانا الغالي(احلى واحد انا-ابو جونه-اخو محمد-اوريون الخبر)

كلكم فيكم الخير والبركة لكن نبي عدد اكثر ...

ياخوان ماخترتوا مكان ؟

انا اصوت الشارع الأصفر اللي بحي الشاطي شارع محد فيه وهادي حق تكيه وسوالف ولعب ووناسة

وناخذ راحتنا محد حولك ...

ولا وش رايكم؟

لاتنسون الإجتماع يوم الخميس الموافق 17/8/1428هـ

الساعة 5 المغرب

[احلى واحد انا]

المشاركة الأصلية كتبت بواسطة عبادي مجنونها

الفئه العمريه لاغلب اصحاب الاوريون ما بين 25-35
يعني عاقلين ومشغولين بحياتهم الخاصه وما يهتمون بسوالف المراهقين
وإذا غيرنا سواها مو شرط نقلده
حنا هنا بالمنتدى لتبادل الفائده والخبرات
أما الهياط الزائد انا مو معاكم
(مو السيارات اللي تجمع الناس وتعرفهم ببعض )
ارجوا تقبل رأيي الشخصي
تحياتي

اجل تبي تقولي انه اللي ياخذون الأفالون اعمارهم اقل من 20

وهم راعيين الهياط وسوالف المراهقين

اغلب اللي ياخذون افالون فوق الـ 30 ياشيييخ

وسوا الف اجتماع في كل انحاء الخليج بعد

تقولي هيااط؟!

الله يصلحك ياشيخ شكلك فهمت القصد من الإجتماع غلط

القصد التعرف على الأعضاء والمشاهده وتغيير جو

[!!!]

ياحبيبي وانا لا يكون نسيتوني خلاص انا معكم ان شاءالله بس انا اقول الواجهه البحريه بالخبر ازين لأنه معروووف انا ان شاءالله ماشي للشرقيه بعد كم يوم