[ابوعبودي]

لما تكون السياره ماشيه سواء كانت على ورى او قدام وحطيتها على الn يصير شي في الجير ولا عادي؟

لاني اول مره اقتني سياره قيرها اوتو كل السيارات الي قبلها كانت عادي.

وتقبلو مني جزيل الشكر

[حامدسعد]

سلام عليكم ورحمة الله وبركاته


اظن انه يأثر على التروس

[ابوعبودي]

يعطيك العافيه يا اخ حامد


زياده توضيح في السؤال
-انا اقصد مثلا من D الى الn وهي ما شيه.
- او من الr الى الn برضو وهي ما شيه

[نقطة بداية]

انا كنت اسويها بس مش بالرورو اذا جيت افحط
كنت اسويها حتى ما يخرب علي القير وهذا كان اعتقادي
خلاص عقلنا..هههههه

اين انت يا ميكانيكي؟؟
اعتقد انها ما تأثر اذا كانت غير مقصوده
بس من فينا يحتاج يسوي الحركه هاذي؟؟وليش؟؟

[ويلي]

لا ما يضر
خذها مني انا

كل المواتر الي سقتها توماتيك

وطبعي مره لمى تحط القير من N الى D حتى لو السياره تمشي ما وقفت بس لا تكون داعس عليها

والاشياء الي قلتها من D الى N او من R الى N والسياره تمشي ما فيه مشكله

المشاكل بالتوماتيك هي:
1\ اذا كنت بطلعه والطريق زحمه انتبه تخلي السياره تدحدر وهي على D والكلام نفسه بالريوس اذا كنت تلبقها مثلا على ورى والموقف صعود

2\ اذا جيت تحطها في الـ بارك P لازم تكون السياره موقفه ميه بالميه يعني لا تخرش ام القير من الدي على طول للـ P , واذا كان الموقف فيه طلعه ولا نزله تاكد انك تسحب الجلنط عشان ما ترتكي السياره على القير

واجو اني اصير وضحت لك المطلوب

[ابوعبودي]

الاخ نقطه بدايه يعطيك العافيه.
الاخ ويلي يعطيك العافيه وكلامك واضح وصريح.

وما قصرتو يا حلوين

[ابوعبودي]

بس من فينا يحتاج يسوي الحركه هاذي؟؟وليش؟؟[/quote]


اخوي نقط بداية
انا اسويها دايم قبل ما اوصل الاشاره احطها على الn وهي تكون ماشيه وعشان كذا كنت اسال

[المكيانيكي]

لا ما يضرها ابد من d الي n بس لازم توقف تماما وتعشق الدي وبعدين تمشي والا تراك بتسمع طقة بالقير
وكذلك من r الي n نفس الشي تسوية
اللي لا تسويها ابد هي من n الي d والسيارة تمشي ابد هو مرة وحدة او مرتين ما يصير للسيارة شي بس يأثر على القير بعد فترة وتبي تسمع طقة اول ما تعشق من ان الي دي والسيارة تمشي لان التروس ما تكون متوافقة لانها تدور ولازم توقف السيارة عشان تتوافق التروس مع بعض وبعدين تمشي زي العادي تقدر تفضي العادي بدون كلتش والسيارة تمشي ولا تقدر تعشق بنمرة بدون كلتش والسيارة تمشي
ان شاء الله اتضحت الصورة

[ابوعبودي]

الله لا يحرم المنتدى من امثالك

[المكيانيكي]

تسلم
على فكرة تر اذا كنت دايم تفضي السيارة قبل توقف تبي تخلص الفحمات عليك اسرع من لو خليت القير معشق
لان القير يرجع نمر اذا قلة سرعة السيارة لين توقف لانه يساعد على فرملة السيارة
واذا فضيت القير بيكون الضغط بالايقاف كله على الفحمات وبكذ تبي تخلص بسرعة لاكن من ناحية الضرر زي ما قلت لك ما فيه ضرر

[دقات قلب]

رحم الله والديك يالميكانيكي

[نقطة بداية]

ما شاء الله
الميكانيكي كفيت ووفيت
جزاك الله خير
يعني ماتأثر على القير
لكن تأثر على الفحمات
مشكور وماقصرت