[مااحب النصر]

اقسم بالله العطيم اني لا اكذب بموضوعي هذا والله العظيم اني قمت من عز نومي ودخلت اشوف وش السالفه وطلع مااحد كتب عنه وانا نايم جتني 4رسايل من تويوتا ثنتين بالعربي وثنتين بالانقليزي وهذا نص العربي....


الاولى/عملاء تويوتا الكرام افيدكم بانه يتم التلاعب معكم بالصيانه لسياراتكم ودفع اموالكم بغير حق ارجو الحذر.موظف فاعل خير

الرساله الثانيه/ارجو نشر الخبر للجميع خاصه عملاء تويوتا وهذه امانه تسال عنها
والثالثه والرابعه بالانقليزي شباب انا رقم جوالي عند الصيانه بالكمبيوتر ودايم يرسلون وانهبلت من الرساله ذي مع اني مواظب على الصيانه شباب والله لاظلمتهم ولا شي والله هذي الرساله بجوالي اللي مو مصدق اوريه الجوال قسم بالله اعذروني على الخربطه شوي لاني صاحي من النوم على الجهاز من القهر

[حياة_التميز]

وصلتني نفس الرسائل و بعد الاتصال على خدمة العملاء طلبو مني رقم جوالي عشان يوصلوا للفاعل

[مااحب النصر]

لايكون عطيتهم رقم الجوال
هذا فاعل خير ياخي احس انه صادق

[أبو الجوهره]

موضوع يقلق من جد

بس احلى مافيه كلمة النصر الي في اسمك

مافيه جديد حن عارفين انهم ياخذون دراهمنا من زمان بس وش نساوي نحاول نحافظ على ضمان السيارة وحقنا نبي ناخذه يوم القيامه ان شاء الله

[حياة_التميز]

عن نفسي وانا اخوكم ما يفرق معاي يأخذوا الي يبون بس اهم شيء ما ينسوا يغييروا زيت يشيكوا على فرامل يفحصوا مكينة وو الخ

هذي الاشياء اهم بواجد من الكم ريال الي راح يزيدوها يعني حتى لو زادوا شوي ما راح يغبنونا اكثر من 50-400 بالكثير

[صمت المساء]

الاخ : احب النصر ( حذفت الميم لاني نصراوي ) . . . . . . تحيه طيبه
الشخص اللي ارسل لك الرساله اكيد انه من قلب الحدث ومطلع على جميع مايدور خلف
الكواليس في صيانة تويوتا ومن ناحية اللعب فهو على قفى من يشيل بصيانة تويوتا
جعلها الله في موازين حسناته

[مجنون الأفالون]

الله يجزاه خير


ويتعمم الخبر للجميع


مع انك مو نصراوي بس يالله

حيادي انا هههههههههههههههههههه


يعطيك العافية على التنبيه

وصح النوم ):

[مصفي الطبلون]

ويمكن ماعنده سالفة انا ما اختلف مع احد انهم ماكلين من الدراهم لين قالو بس بس الحق ينقال الصيانة تحافظ على السيارة بشكل ممتاز جدا

[ابوفيصل]

ليش ما تتصل على الرقم اللي جاتك منه الرسالة

واذا هو صادق يوضحلك ايش التلاعب اللي يقصده بالضبط

[المكيانيكي]

من زين صيانتهم عااااد او تشييكهم
شيك 1000 مجاني و5000 مجاني وبس وغيرها لا تروح لهم
وقولتهم اللي ما يشيك يلتغي الضمان عليه هذا كلام فاضي ما وقعنا على شي يوم نستلم السيارة بهذا الخصوص حنا مشترين تويوتا وعارفين ان لها ضمان من الشركة الام مو من عبد اللطيف ومجبر اي وكيل يصلح السيارة اذا فيها خلل حتى لو ما شيك عليها العميل
ولكن هذا الكلام لتخويف العملا عشان يجون و يدفعون مبالغ تزيد ارباح الشركة بحجة التشييك فقط لا غير
قال ايش قال تغيير زيت وسيفون 400 ريال

[افا(لومافيه)لون]

ياشباب فيييييييييييييييييييييييييييييه بلا

انا جتني نفس الرسايل الاربع اليوم

شكل تويوتا فاصلين موظف وحاقد عليهم وخربها قبل لا يمشي

وبعدين اوجه كلامي للميكانيكي

افضل وكاله في السعوديه عبداللطيف جميل ولا احد يقدر يتكلم

اتحدى واحد يقولي ان فيه وكاله زيهه

تحياتي

[المكيانيكي]

انا اتكلم عن صيانة عبد اللطيف يالحبيب وليس عن افضل وكيل
نعم افضل وكيل ولكن الصيانة عندهم الله بالخير وعندي دلائل بذلك
والمنتدى مليان من الاعضاء اللي سياراتهم فيها عطل ولا عرفو يصلحونه صيانة عبد اللطيف
غير اللي صدموا بسيارته وغير السمكرة عندهم بعض الهنود في الورش اللي يقال عنها اقل من عادية افضل منهم والكثير الكثير

[نسكافيه]

الله يستر بس

طيب واللي مدخل سيارته ببلاش وش يسوون بها <*****< هههههههههههههههههههههههههه

سويت صيانة ال1000 كيلو بلاش يوم الاثنين

واليوم دخلتها عشان عندي مشكلة في قزازة السواق اذا نزلتها اوتو وديكور باب السواق والراكب وحذفه وميلان

كل هذي يومين 3 ايام ليه ياااااااااخي

توها ماشية 1441 كم يوم ادخلها

[((عزوز))]

وشلون افضل وكيل والصيانه الله بالخير
ترى هذا مجرد وكل مهو صانع للسياره يعني اذا انت تقر له بانه افضل وكيل فدوره لايتعدى خدمة مابعد البيع الي هي الصيانه
تناقض عجيب

[أبو الجوهره]

وعن الصيانة والي يختلف فيها

اتوقع افضل من غيره من ناحية الاسعار

رح لهاشم حق هوندا وانت تعرف الفرق

عندي اخوي كل خمسه اللاف يزيد السعر والفرق بالميات بيني وبينه

[المكيانيكي]

لي عودة قريبة

[المكيانيكي]

المشاركة الأصلية كتبت بواسطة ((عزوز))

وشلون افضل وكيل والصيانه الله بالخير
ترى هذا مجرد وكل مهو صانع للسياره يعني اذا انت تقر له بانه افضل وكيل فدوره لايتعدى خدمة مابعد البيع الي هي الصيانه
تناقض عجيب

افضل وكيل بكثر التوزيع وكثر الفروع واكبر وكيل بالشرق الاوسط وافضل من وكلا السيارات الثانية وارخص وكيل باسعار السيارات بالشرق الاوسط كله ورجل له اعمال خيرية ووطنية كثيرة وخصوصا للشباب وتدريبهم الوكلا الثانيين ما سوو ولا ربع اللي هو سواه ولليس له منافس على الاطلاق هذا اللي انا اقصدة بافضل وكيل
بس مع الاسف فنيين الصيانة عنده هم اللي الله بالخير يالحبيب وبعدين ما قلت انه هو يصنع السيارة بس المفروض يجيب اجهزة الكشف على السيارة من المصنع نفسه ويكون له اتصال مع المصنع مباشرة في اي فرع من فروعه في حالة ما عرفوا يصلحون سيارة مو يتخرصون بتغيير اشاياء مالها داعي ولا يعرفون يصلحونها والمفروض يجيب مهندسين وفنيين متخصصين في سيارات تويوتا ومدربين باليابان واستراليا مو مدربين بجدة الواحد ما يعرف يشغل السيارة زي ما قال واحد من الاعضاء هناهذا اللي انا قصدته واعتقد فرق كبير بين الوكالة والصيانة
وبليز مانبي نقاش ماله داعي وننسى الموضوع الاصلي