[أبو ريان]

قدر الله علي ... وحكيت واحد

دخل الباب الخلفي شوي

عادي ابي شوركم عن ورشة سمكرة شغلها نظيف في الرياض ...

سمعت عن ورشة الوفاء ؟؟؟

فيه احد قدر جربها؟؟؟

[الحـ(درب)ـب]

اتمنى الشباب يفيدوووك


ماعندي خبرة بالسعودية

اذا بقطر بدلك على 3 أماكن

وتقبل مروري

[أبو ريان]

يكفيني مرورك يا الغالي

وننتظر باقي الأعضاء

[هـ ي ط لؤلؤي]

والله على علمي الوفاء ممتازة وعندك ورشة أرناج في مهندس أسمة فوزي ممتاز يمدحون شغلة بس ترى اسعارهم شوي غالي وتتأخر السيارة عندهم

عن نفسي ما جربتهم لأني شفت عندهم زحمة ولا أرتحت من شغلهم وصلحت سيارتي عن ورشة أسمها ورشة السيارات الأمريكية وهي بعد ميزان الدرع وانت مخليه على يدك اليسار ووجهك شمال تلاقيه بعدة على طول على اليسار عندهم مهندس شايب لبناني مدري سوري ممتازو شغلهم تمام
وتشوف السيارت الي عنده كلها سيارات غالية وتقريباً نفس السعر بس أخف زحمة ,, ..

[أبو ريان]

مشكور اخوي هيط

طيب كيف رشة البويه عندهم ؟؟؟ ووش يكثر يحطون معجون

لأن فيه ناس يحطلك 500 طبقة معجون ... وبكذا يخرب لك السيارة

[نايف العتيبي]

انصحك
بورشة الاتحاد
في صناعية الرياض و هي بجانب مركز العضيب صيانة لكزس
و المسئول هو : ابو احمد سوري الجنسية و العمالة عنده ممتازين و يكفيك انها ورشة عادية و تحصل سيارت مرسيدس موديل 2005 و لكزس بجميع الفئات حيث شغلهم حلو وبسعر مناسب

و اذا كنت ترغب بتخفيض قل له :

انا من طرف ابو فهد

و تحياتي لك

[أبو ريان]

تسلمي يا نايف

طيب عندهم فرن ؟؟؟ ولا يودون السيارة لفرن برا ؟؟

[مجنون الأفالون]

أنصحك بالوكالة حبيبي


اذا السياره جديده او موديلها حديث مره روح للوكالة


ولا تروح لورش يلعبون بحسبة السياره وبعدين تروح تصلحها مره وثانية وثالثة ولو تحسب فلوسك

تروح للوكالة أصرف لك



واذا موديلها قديم

حاول انك تروح لمهندس فلبيني او من شرق آسيا لانه تلقاه خبرة بالسيارات اللي تجي من طرف شرق إسيا

ولا تروح لسوري او مصري او سوداني يقعد يتفنن بسيارتك ويلعب بحسبتها


في ورشة معروفة بالصناعية القديمة .. إسمها الغـامدي وانا سمعت عنها لكن والله ما اعرف إسمها الحقيقي


وبيني وبينك لو تروح للعضيب ...( وكيل لكزس ) في مهندس إسمه مصطفى سوري الجنسية هو عمله هناك موظف في الإستقبال ... وتسأله عن أفضل ورشة للياباني وان شاء الله ما راح يبخل عليك


اتمنى إني أفدتك

اخوك


احمد

[نايف العتيبي]

فيه فرن في ورشة الاتحاد

و لا تخاف المهندسين فلبينيين ممتازين

انت اول شي خذ لك زيارة للورشة و شاهد السيارات الفياجرا و البي ام دبليو و اللكزس موديلات جديدة موجودة داخل الورشة

و الحمدالله صلحنا سيارة احد اقربائي من نوع مرسيدس 2005 و ذلك بتغيير الصدام الامامي و اللديتر و ايضا رشه للصدام


و شكرا

[اصبع نمله]

اول شي حمدلله على السلامه اخوي انا ناصح لك بورشه الجوده بالصناعيه الرياض القديمه

وهذا عن تجربه والله ماتعرف انها مسمكره مشاءالله

[مااحب النصر]

اول شي حمدلله على السلامه بعدين انحش عن الوكاله انا مغير الصدام وراشه عندهم وهذا هو ثلاث مرات تتقشر البويه انا بعد ابي ورشه ترشلي الصدام زي الناس

[سنوق]

المشاركة الأصلية كتبت بواسطة اصبع نمله

اول شي حمدلله على السلامه اخوي انا ناصح لك بورشه الجوده بالصناعيه الرياض القديمه

وهذا عن تجربه والله ماتعرف انها مسمكره مشاءالله

العن ورشه دخل اخوي عندهم سيارة كابرس مديل 2007 عليهم شغل خايس لا بويه ولا سمكره ولا مكانيكا
والسعر مايكلمك لا فوق 10.000 ريال شغل يد
شايف نفسه ذا السوري
((الوكاله وماادراك الوكاله)) نار موقده وشغل ابو هنود
تبي نصيحه رح لتشليح ودورلك باب وان حصل نفس الون خير وبركه
جوده
السنعوسي
الوفاء
انحش غلاء + تاخير في الاخير تندم على الخسائر
خل شغلك في السليم وانا خوك

[هـ ي ط لؤلؤي]

ورشة السيارات الأمريكية ان مصلح السيارة عندهم وعطاني السوري ضمان خمس سنوات ومن الميزة الي عندهم انهم الشئ الي ما يحتاج يفكونه يصلحونة مكانة عشان ما يبان انه مفكوك ,,

والتجربة التي حصلت معي اني صلحت سيارتي عندهم الرفرف الأيسر والصدام ويوم طلعت السيارة وأسافر عليها وانا في الطريق طاحت على الصاجة حقت الكفر الي في اليمين تركتها ويم رجع من السفر رجع وانا حمقان مولع وبكل برود السوري قالي ولا يهمك هذا غلطان ما عليك ويغير كل الصاجات يعن أربع على حساب الفلبيني مدري على حساب المحل مع انها قيمتها 600 ريال ولا يضحك في وجهك يعني اهم شي رضى الزبون عندهم .
وطبعاً عندهم فرن وعندهم تلميع واي شئ تبية واي سؤال انا في الخدمة .. ..

[أبو ريان]

مشكورين يا شباب على التفاعل

مجنون أفلون .... تسلم على النصيحة ... بس للأسف الوكالة الوكالة نصابة ... مره رحت أغير المراية الجانبية قالي شغل يد بعد الخصم وحب الخشوم بـ 100 ريال ...

بطبيعة الحال فكيتها عند باب بيتنا وما خذت معاي ولا 10 دقايق

على فك 3 صواميل بياخذون 100 ريال ؟؟!!

...............

نايف العتيبي

حياك حبيب قلبي ....

نمر الورشة ونشوف وش يصير .... تحياتي لك


................

اصبع النملة + سنوق

مشكورين ... بس لا تعليق :d

..............

ما تحب النصر :

الله يسلمك حبيبي ... من الناحية هذي تطمن .... شغل الوكالة في السمكرة الله بالخير ... وإذا تبي تشوف شغلهم ... مر على المستودع اللي خلف وكالة خريص ... تشوف العجب في السمكرة





اخوي هيط ...
حببتني في الورشة

بس الضمان 5 سنين على ايش بالظبط ؟؟

ومتى كانت التجربة هذي ؟؟


تحياتي لكم

[افالون لميتيد]

السلام عليكم ورحة الله وبركاته
اخوي اذا تبي ورشه ترش صح انا اعرفلك تركي عنده فرن وانا راش عنده
ال بي ام حقي رش كامل بس ماشاء الله لها الحين سنتين والبويه ما تغير فيها
شي بعدين اذا رشها يقولك رح الوكاله اذا قالولك مرشوش رجعها وانا المسئول
وترى اسعاره حليله وسط واسمه شهاب وهذا جواله0505287259
وارجو اني افدتك
وحمدلله على السلامه

[أبو ريان]

افالون لميتد

الله يسلمك حبيبي .... الرجال هذا عنده فرن بس ؟؟

يعني ما عنده سمكره ؟؟

[كرديان]

اخوي ابو ريان

رح ورشة الوفاء الي بصناعية القديمة وماراح تندم شغل على مستوى عالي صح انهم غاليين بس بالنسبة لشغلهم كل شي يهون بالمعنى العربي شغل 5 نجوم بس تاكد من انا الوفاء الاصلية لان فيه هناك اكثر من ورشة اسمها وفاء وبالتوفيق