[الكنق الهلالي]

بصراحه شيء شيء يقهر لما تدفع 80000 الف في موتر ما يسوى ريال
انواع الخرابات وانواع المشاكل واللله اني كنت ناوي كابريس وكنت ناوي كامري الفر ق 2000 ريال
وللاسف شرينا الا هالخمجه هي مشاكلها :
اولا: المكيف ما يشتغل وقت الضهر الا بطلعت الروح هذا وانا ما شغلت المكيف الابعد 2000 كيلو
ولما راجعت الوكاله قالي المهندس هذا _عيب _بالكامري ويبلك تغير الفلتر كل اسبوعين لا ن الفلتر يصفي مدري وش مشكلته يعني كل اسبوعين اغير الفلتر للمعلومية الفلتر الو احد =ب70 ريال ما اقول الا اه يا مكيف الصني
ثانيا:السيارة مو ثابته على الطريق يعني لو توطى عيون القطط يهتز الموتر
ثالثا: تنسيم الهواء بعد 120 تسمع انواع التصافير
ارابعا:لما اشغل الموتر اقعد احرك بالسويش لين يشتغل
خامسا :الموتر يحذف يسار السيارة مو ثابته
ريموت البيبان خرب وبيصلحونه والموتر الحين عندهم
بالله حطوها بعين العقل سيارة جديد ب82000 الف ريال كل يوم وانت مطامر للوكاله والوكاله يقولون هذا عيب وهم معترفين ويقولن انتضر اسبوعين لين نعرف الحل

الي يعرف احد من عائلة عبداللطيف جميل ومستعد انه يرجع الموتر مثل ما اخذته والا اني عارف انهم مثل ما باعونا هالكارتين ما عاد هي براجعه الا بخرابات وهذا ايميليr88991@هوتميل
اعذروني كتبت هالموضوع من القهر بعد مرمطه من الوكاله وتاكسي رايح وتاكسي جاي
والي مو متاكد يروح لفرع السويدي ويشوف مشاكل الكامري وسال اي واحد معه كامري ويعلمك عن خراباتها
شباب توقعاتكم لو ابيع السيارة كم تجيب
السيارة : كامري فل كامل فتحه+ جناح Glx
اللون :ابيض تيتاني يسمونه ذهبي
السيارة لايوجد بها ايت خدوش

[أبو الجوهره]

الله وكبر صارت الكامري السيارة الاكثر مبيعات في الشرق الاوسط سيئة

اولا الكامري قيمتها 84900 الف وليس 80000

وبعدين ليتك شريت الكابرس الي تقول علشان تعرف الفرق

الراحه النفسيه في سياراه على قدك وعلى قد امكانياتك ولا تطلب وترتاح فيها اقل شي خمس سنوات واذا جيت تبيع بسعر يجمل ويساعدك تشتري شي يجمل

مو سيارة تشتريها بـ 100 الف وتزود وبعد خمس سنوات تبيعها 28000

بذكر لك سالفة سيارتي الكامري 2002 طلعتها من وكالة شارع العليا يحلف لي الموظف طبعا اعرفه انه خلال اليوم بس باعو اكثر من 2000 سيارة ومن فرع واحد وان دل يدل على انها سيارة سيئه كما تقول

واذا انت تبي تبيع انزلها للمعارض وصدقني اذا بعتها اقل من 82 الف اسكر عضويتي من المنتدى بس واذا الي بيشتريها شريطي ماتنزل عن 80 الف

خاصة اذا كان لونها زي ماقلت ابيض

[كلتش ريس]

الله يكون بعونك اخوي

سالفتك تقطع القلب

تحياتي

[البدريلي]

انا عندي كامري 2007 Glx فوالله ما شكيت منها يوم ولا فيها اللي تقول عليه ومعي لها قرابة سبعة اشهر ونصف ولله الحمد ماعمري رحت للوكالة بنزين وزيت فقط وكل شي تمام

[ابو الشيح]

يا شباب لا احد يدقق في كل صوت يسمعه يعني اعقلها وتوكل والرزق علي الله

[الراااكد]

ليتك شريت الكــــــــــــابرس مثلي على شان تعرف إن الله حق . . .! ! !


أحمد الله إنك معك تويوتا وبـس . . .


انا توني بايع كابرسي 2005 بتراب الفلوس ما فيه حتى الخدش . . .


و إن شاء الله النييــة كـــــــــــــــــــــامري وغيـر تويوتا ما ني شاااااري ســيارة لو أسوق سيــكـل . . .



وكل شئ بمشيئة الله تعالى . .

[بات مان]

الله يعينك ياخوي ياكنق هلالي وربي قطعت قلبي الله يرزقك بوحده اجمل منها قول امين ياغلاي

تحـــــــــــــــــــــــــــــــــــاتي لك

[نايف العتيبي]

الكامري

فقط ماكينة و قير

و الباقي

استراليا

[كامري تورينغ]

بحكم معرفتي بشباب شغالين باقسام صيانة تويوتا ولكزس واثناء جلساتي معهم وبشكل غير رسمي


صارحوني ان الكامري فيها عيوب مصنعية بشكل شبه دائم والسبب طريقة تجميع السيارة تحس انها

ملفقة تلفيق مافيها حبكة صح بمعنى ماتحس السيارة قطعة واحدة وعموما انصحك ببيع السيارة قبل

نزول 2008 فتنزل قيمتها اكثر

[عديل الرووح]

الحمد لله والمنه معاي كامري 2007 glxفتحه وجناح ماشكيت منها بشي معاد الحذفه والتنسيم البسيط اما حكاية المكيف ماعندي فيه مكشله ولله الحمد غير كذا ماعندي اي مشكله فيها يمكن سيارتك جايتها عين وبالنسبه للكابريس لا تندم انك ماشريته لانك بتندم اكثر لو شريته