[ابو دامس]

شباب عندي مشكلتين

1- المكيف عندي حااااار مع العلم السياره جديده مالها اربع اشهر

2- بعض الاحيان لمن ادوس بنزين السياره ماتمشي على طول يطلع صوت الماكينه

وبعدين تمشي يعني بعد ثانيه ونص

3- ابي اضلل السياره وش تنصحوني

المكيف ابيه بارد كم الدرجه احطها

تكفوووووووون ابي حلل

وشكرا

[الحـ(درب)ـب]

شباب عندي مشكلتين

1- المكيف عندي حااااار مع العلم السياره جديده مالها اربع اشهر
حار وإلا دفع الهواء ضعيف بدفع الهواء:
أ- اذا حار روح للوكاله ولا تروح مكان ثاني واقعد على راسهم لما يشوفو لك حل
ب- اذا ضعيف بدفع الهواء افتح دليل المالك وقسم التكيف دور على طريقة فك الفلتر وروح للبنشرجي ينفخ عليه او روح للوكاله وغيرة بالمرة وشوووف الفرق.
2- بعض الاحيان لمن ادوس بنزين السياره ماتمشي على طول يطلع صوت الماكينه
وبعدين تمشي يعني بعد ثانيه ونص
كانت عندي نفس المشكله بالألتيما سابقا ورحت للوكاله وغيرو فلتر وموزع الهواء للمكينه على حسابهم
مادري هالشي ينطبق على الأفالون وإلا نظام مكينتها غير

3- ابي اضلل السياره وش تنصحوني
انواع شركات التضليل كلها حلوة وكلها تحس بفرق بمكيف السيارة بفترة الظهيرة
من الرخيييييييص إلا الغالي
بس اضن v-cool او جونسون هم الأفضل

المكيف ابيه بارد كم الدرجه احطها
خله على auto على درجة 20.0
والمكيف هو اللي رح يبرد السيارة ويقوي المروحة او يوطيها بالشكل والوقت المناسب

تكفوووووووون ابي حلل
اسمحلي ياخوي ماعندي حل


وشكرا
عفوا

درب مر من هنا

[نــــاصر]

خله على auto على درجة 20.0

اخوي وشلون اخليه على اوتو لأني إذا حطيته اوتو يطلع لي الدرجة الأعلى من المروحة

[ابوفيصل]

المشاركة الأصلية كتبت بواسطة نــــاصر

اخوي وشلون اخليه على اوتو لأني إذا حطيته اوتو يطلع لي الدرجة الأعلى من المروحة

اخوي اذا تبي تبريد مثالي للسيارة ترا هذه هي الطريقة الصحيحة للتبريد

ومع الاسف الكثيرين يجهلونها اكثر الناس يحط الحرارة على ( Lo ) وحط المروحة على درجتين

ويبي السيارة تبرد وبعدين يجي يشتكي من ضعف التبريد ويعيب مكيف السيارة

اسمحولي هذه طريقة بدو متعودين على دداسن وجموس قديمة ...

ياخي انت معاك افالون مو سيارة اي كلام وفيها نظام تبريد ( Auto ) اذا تبغى تبريد مثالي

حط نظام التبريد على ( Auto ) وحط درجة الحرارة على ( 22 ) راح يعطيك المكيف كامل قوة التبريد

وباعلى درجة للمروحة بعد كذا ومع انخفاض درجة البرودة في السيارة تبدأ المروحة بالنزول درجة درجة

حتى تحافظ على درجة البرودة المطلوبة وهي ( 22 ) حتى تصير درجة المروحة على واحد

وبعدها يرتاح المكيف ويبدأ يفصل الكمبرسر ويشتغل كلما ارتفعت الحرارة

ان شاء الله تكون الصورة واضحة

[وااوأفالون]

يعني افضل شي لواحد يحط على Auto ولاكيف بس زي كذا يزعجك الهواء صوته يكون مره ه ه ه
عالي

[بورغد]

يعطيكم العافيه

[ابو دامس]

الله يعطيكم الف عافيه
صراحه ماقصرتو في زواجكم انشاء الله **************************** خخخخخخخ

[هلالي شقراوي]

ماعندي خبره الا بالتظليل وافضل شي زيبارت او في كول اما المشاكل الباقيه ماعندي خبره وانصحك تروح الوكاله مدامم انه على الضمان