[تميمي وافتخر]

هل يوجد في الأفالون صندوق سيديات !! نضعها فيه ونقلب السيديات على كيفنا او لا
وين مكانه وكيف طريقة التركيب وسامحونا على الازعاج








أبو فيصل : دخولك يمهني فإبداعك وشرحك المصور لي المرة الماضية فرج لي هما عظيما ربي يرفع قدرك وييسر دربك وجميع رواد منتدانا الأعزاء

[وااوأفالون]

يإخوي وضع سيديات من للمسجل

Load لتركيب سي دي
وثانيها لتخريج سي دي

[افا(لومافيه)لون]

طبعا مافيه اخوي

بس في شي اسمه كريتيف يعني ابدع انت وصمم له مكان

انا عن نفسي السي دييات في باب السائق فصلتها على قد الدرج اللي يفتح في الباب ومرتاح جدا معها

تحياتي

[المهذب]

يا اخوي
السيديات السته كلها تدخل بنفس المدخل تضغط زر Load ويظهر لون برتقالي اذا ظهر اللون الأخضر تدخل السي دي وهكذااااا
ان ىشاء الله الفكرة وضحت

[تميمي وافتخر]

المشاركة الأصلية كتبت بواسطة المهذب

يا اخوي
السيديات السته كلها تدخل بنفس المدخل تضغط زر Load ويظهر لون برتقالي اذا ظهر اللون الأخضر تدخل السي دي وهكذااااا
ان ىشاء الله الفكرة وضحت

والله يا الغالي ما وضحت وشلون ادخل 6 سيديات !! اذكر انه فيه صندوق في الشنطة كذا قصدك

سامحني حبيبي ...

[المهذب]

لا يا اخي مافي صندوق في الشنطة
السيديات تدخل الواحد بعد الثاني كل واحد وحده في نفس المدخل بعد الضغط على زر LOAD
بيطلب منك الانتظار بكتابة كلمة waite في الشاشه ولون برتقالي عند المدخل بعدها بكم ثانيه يكتب load في الشاشه ويظهر لون أخضر عند المدخل وتدخل السيدي
وكل سيدي تسوي نفس الحركه
والانتقال بين السيديات بالضغط على زر DISC
ان شاء الله وضحت لك الطريقه

[ابوفيصل]

هلابك اخوي نحاسي ولا يهمك عزيزي لا ازعاج ولا شي

وترانا حاضرين وما سجلنا في المنتدى الا لنفيد ونستفيد

واسمحلي اجاوبك في الموضوع لان الرسائل الخاصة ما تقبل الصور

******************************

1- بالنسبة اخوي لصوت الحساسات فهو صادر من الحساسات الامامية لانك تاركها شغالة

ومع السرعة واحتكاك الهواء بالسيارة تصفر

كل اللي عليك انك تسكرها من الزر الموجود جوار زر الستارة الكهربائية الموضح في الصورة



&&&&&&&&&&&&&&&&&

2- بالنسبة لمثبت السرعة فالزر اللي شغلته هو زر التشغيل الرئيسي

ومعاه تضيئ عبارة ( CRUISE) في الطبلون



اما اذا تبي تثبت السرعة نزل نفس الذراع على تحت ثم على فوق لزيادة السرعة

اوتحت لتنقيص السرعة وباتجاه الدركسون لالغاء التثبيت .

$$$$$$$$$$$$$$$$$$$$

3- السيديات اخوي تحطها في نفس المسجل فيه مدخل فوق جنبه رز عليه عبارة ( LOAD )



اضغط على الزر تظهرلك عبارة ( WAIT ) في الشاشة الزرقاء ، ومعناها انتظر



ثم عبارة ( LOAD ) ومعناها ادخل السي دي



بعد ما تدخل السي دي في المدخل بيشتغل معاك

وتشوف مكتوب في الشاشة رقم ( 1 )



يعني الجهاز فيه سي دي واحد

اذا تبي تدخل سي دي ثاني كرر نفس العملية بدون اخراج السي دي الاول

وكرر العملية حتى يصير عندك في الجهاز ست سيديات



ولاخراج السي دي اضغط على الزر من الجهة اليسرى



وراح تظهرلك هذه العبارة في الشاشة



وتقدر عن طريق الدركسون تغير بين المقاطع بضغطة خفيفة على الزر اللي عليه سهم للاعلى وسهم للاسفل



او تغير بين السيديات بضغطة طويلة بنفس الزر

@@@@@@@@@@@@

4- اذا تبي تغلق الراديو او السي دي او الكاسيت من الدركسون اضغط ضغطة طويلة على الزر ( MOED )

######################

ان شاء الله يكون الشرح كافي ووافي

واي استفسار ان حاضر ولا تتردد

تحياتي لك

[متعب الليل]

ابو فيصل
ماااااااااااااااااااقصرت والله مبدع

كفيت ووفيت جزاك الله خير

[بورغد]

بوفيصل عاش عاش بوفيصل بيب بيب

[تميمي وافتخر]

أشكر جميع الأحبة على الفائدة القيمة ...





الله يرفع قدرك اخوي أبوفيصل والله ما قصرت كفيت ووفيت

[أبو ريان]

أبو فيصل ما قصر في الشرح

وهذي معلومة لم تذكر

لإدخال جميع السيديات بضغطة زر واحدة، اضغط على زر Load بشكل مستمر (( يعني تعلق على الزر )) راح يعطيك صوت (بيب)، قم بإدخال السيدي الأول، انتظر شوي وراح يكتب على الشاشة Load ادخل السيدي الثاني، وهكذا....

ولإخراج جميع السيديات ... افعل نفس الشيء مع زر Eject

[تميمي وافتخر]

ياابو ريان على التوضيح والفائدة

[المهذب]

جزاك الله خير يا ابو فيصل
واحنا بالخدمة يا اخ نحاسي
وصدق اللي قال صورة تغني عن 1000كلمة

[الحـ(درب)ـب]

أبو فيصل


كفيت ووفيت يالغالي

وياريت كان عندي سلطة
كان حطيتك اكثر من عضو هام

[ابوفيصل]

الله يحفظكم يا اخوان جميعا ويرفع قدركم

والله خجلتوني بكلامك والحقيقة ما احس اني سويت شي يستاهل كل هذا الاطراء

لكن والله مهي بغريبة على اعضاء هذا المنتدى الرائع

الله يديم المودة والمحبة بين الجميع ولا يغير علينا

قولو آميــــــــــــــــــــن

كل الشكر والتقدير لكم

[[]=[]خالد[]=[]]

مبدع ابو فيصل شهادة حق بارك الله فيك - ورزقك الاجر والثواب